VaLevi 6:2 - Livulu lya Shukulu Kalunga

² “Nga munu alinga vuvi kuli Shukulu Kalunga avyana kwilwisila mukwavo kaIsalele cishimbikiya nasezele kuli ikeye, akwiva cuma ca mukwavo, nambe kumukwisa,

VaLevi 6:2 Iomraidhean Croise

Kushangumuka 26:7

Omo vanalume va ku Ngelale vamwihwile ali munakazi wendi, Isake wavalekele ngwendi, “Ou napu ndokazi yange.” Isake watewele kwendeka ngwendi, “Ou napu munakazi wange,” omwo wakele na lyova ngwendi amo vanalume va ku mutambela uje vakamutsiya ngeci vambate Lembeka, omwo Lembeka akumukenga wapwile wamuvwa manene.

Myaso 51:4

Njinavulumuna kuli yove, kuli yove lika njinavulumuna, co njinalingi vyavivi ku mesho ove. Ngeci yove ushungamese omo unjisompa nakwendeka ngeci njili na mulonga.

Visimo 24:28

Kesi upwe mukaleo wakulwisa mukweni wakujeneka mulonga, nambe kwendeka vyuma vyakutanganesa ali ikeye.

Visimo 26:19

napu ngwe munu wakuzaluka uje asha mikili yakuvambuka.

Isaya 21:2

Vanjimwesele cimona cakutewesa, cimona ca vungungu na kunyongesa. Mbunga ya mashwalale va Elame, na mbunga ya mashwalale va Mendiya, vazengelekeni nakulwisa vaMbambilone. Njambi akamanesa tuyando tuje tuvalingile vaMbambilone.

Isaya 24:16

Tukaziva myaso yakutunda ku mitambela yakulyala ya ano asi yakushangazala Isalele, muyati wa vushunga. Oloni kunjesimo na cinyangavili! Njinanyongo! Vaka-makuli valinakulinga vungungu, co makuli avo anaama manene.

Isaya 33:1

Vitozi vetu vanavindama! Vanevi nakwenda vungungu, nameme kukwesi umo navevila nambe kuvenda vungungu. Oloni simbu yavo yakwiva nakwenda vungungu ikahwa, co navo lao vakavevila nakuvenda vungungu.

Njelemiya 9:5

Voshe vakalikwisa umo na mukwavo, co naumo wai endeka vushunga, valilongesa kwendeka makuli, kuvakecela vuvi vwavo.

Ezekiyele 40:46

co uje mulili wakengesele ku kunto wapwile wa vaka-kukombelela vaje vapangele ku mutula. Vaka-kukombelela vakutunda ku naanga ya Zandoke, vapwa muyati wa Levi lika, vaje vavanatavesa kupangela Shukulu Kalunga.

VaLevi 1:3

nga ikeye alambula umo wa ku vingombe vendi kupwa mulambu wa kwenyeka, napande kunena ngombe wa nkomba wakujeneka kapenga. Co napande kumunena ku cikolo ca Mbalaka Mwakuliwanena, ngeci Shukulu Kalunga akamutambule.

VaLevi 19:11

“Kesi mukayive, nambe kwendeka makuli nambe kukwisa.

VaLevi 5:15

“Nga munu alinga vuvi kujeneka kuzivuka, omo ikeye nonwa kwana vije vyakujela kuli Shukulu Kalunga, co akanene lijamba lya manga nambe membe wakujeneka kapenga, ngeci apwe mulambu wa kuliilwisila kuli Shukulu Kalunga. Co ndando ya uje cimuna inapande kupwa ngwe ndando ije ishakiwa ku Mbalaka Mwakuliwanena.

VaLevi 5:19

Ou unapu mulambu wa kuliilwisila wa a vuvi vuje vwalingile kuli Shukulu Kalunga.”

VaLevi 6:1

Shukulu Kalunga wendekele kuli Mosesa ngwendi,

Amose 8:5

Co mulinakwendeka ngweni, “Matangwa akujela ahwe vwasi ngeci tulandese vimbuto vyetu. Litangwa Lyakuhwima lihwa simbu ikajo ngeci tulandese lalo vimbuto? Asinoni tukawezelele ku vindando vyetu, nakupangesa viseteko vya makuli, nakupangesa vipeseleso vyakunyanyamena vaka-kwija mukulanda kuli yetu.

Hambakuke 1:13

Omo vikajo utavela vanu ava vaka-vuvi kulinga vuvi? Mesho ove apwa akujela kuwesi kukenga a vuvi, nambe kukenga vaka-vuvi ngeci valinge vyuma vyavivi. Ngecivene, omwo vikajo unolokela kuluu omo vaka-vuvi vanyongesa vanu vaka-vushunga kutuvakana vakevo?

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.

Vilinga vya Miluwa 5:4

Omwo ovu vufuko vwapwile vwove omo kanda uvulandese, co nambe omo wavulandesele, vimbongo vyapwile vyove. Omwo vikoni wayongwele kulinga cuma eci? Kuwakwisile vanu embwe, oloni unakwisa Njambi!”

Efeso 4:25

Ngecivene, kesi mwendeke makuli lalo! Munu na munu napande kwendeka vushunga kuli mukwavo muka-kukulaela, omwo yetu voshe tunapu vilyo vimolika mu muvila wa Kilistu.

Kolose 3:9

Kesi mwendeke makuli ku umo na mukwavo, omwo yeni munashulula kuyoya kwa vunu vwalaja amo na vilinga vyavwo,

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.