VaLevi 6:18 - Livulu lya Shukulu Kalunga

¹⁸ Co vatekulwila va Alone va vanalume vakailye ku visemwa vyavo vyoshe vya kulutwe omwo unapu mutambela wavo wa milambu ya vyakulya wakukombelela kuli Shukulu Kalunga. Munu nkala uje akakwata ku mulambu wa vyakulya ou akavulumuka a nzili yakujela kwawo.”

VaLevi 6:18 Iomraidhean Croise

Kutuuka 29:37

Linga eci a litangwa na litangwa a matangwa atanu na avali mukwambesa mutula, nakuujelesa, asinoni ukapwa wakujela, co nga munu umo nambe cuma cimo cikambolako cikavulumuka a nzili yakujela kwawo.

VaLevi 3:17

Kukwesi kaIsalele akalya mazi nambe maninga, eli likelyo lishiko limukanyunga ku myaka yoshe kuli vaIsalele voshe ku visemwa vyeni vyoshe vya kulutwe kwoshe kuje kumukakala.”

VaLevi 4:24

Co akakambeke livoko lyendi a mutwe wa uje cimuna nakumutsiila ku kunto ya mutula, kuje vakatsiila vimuna va milambu ya kwenyeka. Ou ukewo mulambu wakutundisa vuvi.

VaLevi 4:3

“Nga Muka-kukombelela Wakama nalingi vuvi, co akokela mulonga vanu, akanene muna ngombe wa nkomba wakujeneka kapenga, co akamukombelele kuli Shukulu Kalunga a vuvi vwendi.

VaLevi 4:33

Co ikeye akakambeke livoko lyendi a mutwe wa uje cimuna nakumutsiila ku kunto ya mutula kuje vakatsiila vimuna va milambu ya kwenyeka.

VaLevi 6:10

Asinoni muka-kukombelela akazale cikoveyo cendi cacilaja ca linyu, na tuputula twa linyu, akatundise lito lya mazi lije linasala a mutula nakulyaka kumukulo wa mutula.

VaLevi 6:19

Co Shukulu Kalunga wendekele kuli Mosesa ngwendi,

VaLevi 6:27

Munu woshe nambe cuma coshe-icoshe cikakwata ku situ ya cimuna uje, akavulumuka a nzili yakujela kwayo. Nga ku vuzalo kunashamukila limbase lya maninga a uje cimuna, vanapande kuvukushila mu mutambela uje vene wakujela.

VaLevi 6:29

Co vanalume voshe va naanga ya vaka-kukombelela vasa kulya mulambu ou, unapu wakujela manene.

VaLevi 7:6

Co munalume woshe wa naanga ya vaka-kukombelela asa kuulya, oloni vanapande kuulila mu mutambela wakujela, omwo ukewo unapu wakujela manene.

Kulava 18:10

Munapande kulila vyuma vyoshe evi mu mutambela umo wakujela, oloni vanalume lika vakevo vakavilya, munapande kuviyongola ngeci vyapwa vyakujela.

Kulava 18:8

Shukulu Kalunga wendekele kuli Alone ngwendi, “Kenga, yange njinakwana milambu yakama yoshe ije valambula kuli yange kesi ngwe vin̄ombelo vya kwenyeka. Njinakwanavyo yove na vatekulwila vove kupwa mutambela weni ku myaka yoshe.

1 Kolinte 9:13

Mwa vushunga mwazivuka ngweni vanu vaje vakapanga mu Njuvo ya Shukulu Kalunga vakawana vyakulya vyavo ku Njuvo ya Shukulu Kalunga, co vaje lalo vakakombelela a mutula vakawana lalo mutambela wavo ku vije vanakombelela ndi.

1 Petulu 1:16

Visoneka vyendeka ngwavyo, “Pweni vakujela omwo yange njapwa wakujela.”

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.