VaLevi 6:14 - Livulu lya Shukulu Kalunga

¹⁴ “Awa mashiko anapu a milambu ya vimbuto vya vinona. Muka-kukombelela wa ku naanga ya Alone akanene mulambu wa vimbuto vya vinona kuli Shukulu Kalunga kulutwe lwa mutula.

VaLevi 6:14 Iomraidhean Croise

1 Mizimbu 9:31

Co kaLevi umo lizina lyendi Matitiya, muna Shalume wa ntwatwa wa ku cikota ca Kola, ikeye wakele na moko yakwoca mashama-shama akulipasha,

VaLevi 1:13

Uje munu napande kukusha vya mwimo vyoshe, na mapondo a kunima, co muka-kukombelela akanena ije n̄ombelo kuli Shukulu Kalunga nakuyenyekela yoshe a mutula. Co vweko vwa mulambu ou wa vyakulya vukavwaelelesa Shukulu Kalunga.

VaLevi 1:17

Co akamukwate a mambava nakumutavula, oloni kesi akajajule mambava endi, asinoni akamwenyekele woshe wamutunu a mutula. Co vweko vwa mulambu ou wa vyakulya vukavwaelelesa Shukulu Kalunga.

VaLevi 1:9

Uje munu napande kukusha vya mwimo na mapondo a kunima, co muka-kukombelela akenyekela n̄ombelo yoshe yamutunu a mutula kupwa n̄ombelo ya kwenyeka, co vweko vwa mulambu ou wa vyakulya vukavwaelelesa Shukulu Kalunga.

VaLevi 10:12

Co Mosesa wendekele kuli Alone, na kuli Elyazale, na Itamale vana vendi vavali vaje vasaleleo ngwendi, “Twaleni mulambu wa vimbuto vya vinona uje wasalele ku vyakulya vakombelelele kuli Shukulu Kalunga, co vilyeni vyakujeneka musima, vilileni kumukulo wa mutula, omwo n̄ombelo eyi inapu yakujela manene.

VaLevi 6:13

Co tuhya tunapande kushukuma simbu yoshe a mutula, kutwapandele kuzima.

VaLevi 6:15

Co akajomoneo livoko lyakushula lya vunga vwavuvwa vwakuseneta na mazi, amo na insense, co akavyenyekele a mutula kupwa cimweso ngeci vyoshe vanavikombelela kuli Shukulu Kalunga. Co vweko vwa mulambu ou vukavwaelelesa Shukulu Kalunga.

Kulava 15:4

Co woshe uje akakombelela manga nambe membe kupwa mulambu wa kwenyeka kuli Shukulu Kalunga, napande kutwala kilo imo ya vunga vwavuvwa vwakuseneta vwakukumbasana na mazi a olive kupwa mulambu wa vimbuto vya vinona.

Kulava 15:6

Omo akakombelela lijamba lya manga, akatwale makilo avali a vunga vwavuvwa vwakuseneta vwakukumbasana na lita imo na litambelo lya mazi a olive. Co akavilambule kupwa mulambu wa vimbuto vya vinona,

Kulava 15:9

akatwale makilo atatu a vunga vwavuvwa vwakuseneta vwakukumbasana na malita avali a mazi a olive kupwa mulambu wa vimbuto vya vinona,

Yowano 6:32

Yesu wendekele kuli vakevo ngwendi, “Mwa vushunga njimileka ngwange, Mosesa kamyanene makende akutunda kwilu, Tate ikeye amyana likende lya vushunga lyakutunda kwilu.