VaLevi 5:5 - Livulu lya Shukulu Kalunga

⁵ “Nga munu nalingi mulonga, alitavele vuvi vwendi vuje vwanalingi,

VaLevi 5:5 Iomraidhean Croise

Yombi 33:27

Co ikeye akendeka mu mbunga ya vanu ngwendi, ‘Njalingi vuvi. Kunjalingile mwamuvwa embwe, oloni Njambi nanjamena.

Myaso 32:5

Njalitavelele vivi vyange kuli yove, co kunjakushwekelele vuvi vwange, njalyendekesele mu mbunge yange ngwange, “Njikalitavela vivulumuna vyange kuli yove Shukulu Kalunga,” co yove wanjisambesele ku milonga ya vuvi vwange.

Visimo 28:13

Uje ashweka vuvi vwendi kakavezika, oloni uje alitavelavwo nakuvuseza Njambi akamuzivila mema ku mbunge.

Njelemiya 3:13

Litavele lika ngwove uli na mulonga, co unatengulukila nakulwisa Shukulu Kalunga Njambi yove. Litavele ngwove unalingi vupangala mu minzinze yoshe ya miti, na vinjambi veka ngeci kuwononokele mashiko ange. Yange Kalunga, njinendekamo.

Ndanyele 9:4

Njalombelele kuli Shukulu Kalunga Njambi yange nakulitavela vuvi vwa vanu vange. Njalombelele ngwange, “Shukulu Kalunga Njambi, yove uwakama, co twakusingimika. Yove wapwa u wa kulongwa ku cikumiiyo cove nakumwesa cizemo cove cije kucesi kutenguluka kuli vaje vakuzema nakunyunga mashiko ove.

VaLevi 16:21

Co akakambeke mavoko endi oshe avali a mutwe wa uje membe wa mwonyo nakulitavela vuvi vwoshe vwa vanu va Isalele, na vivi vyavo vyoshe, na vivulumuna vyavo vyoshe, co nakuvinungulwila a mutwe wa uje membe. Asinoni uje membe vamwecelele aye mu mambo amolika na munu uje vanemika kulinga cuma eci.

VaLevi 26:40

“Oloni nga vatekulwila veni vakalitavela vuvi vwavo, na vuvi vwa vakukulwila vavo, vaje vanjivyanene nakunjitengulukila,

VaLevi 5:13

Co mu ngila eyi muka-kukombelela akaambesa uje munu ku vuvi vwendi, co vakamusambesa. Vuje vunga vunasalao vukapwa vwa muka-kukombelela, ngwe mulambu wa vimbuto vya vinona.”

Kulava 5:7

munu wa cifwa eci napande kulitavela vuvi vwendi vwanavulumuna nakufweta mulonga woshe, co awezeleleko litambelo lya ndando makumi avali nakufwetela uje yanavulumwina.

Loma 10:10

Omwo akukulaela kwetu mukemwo vanatupwisa vaka-vushunga ku mesho a Njambi, akulitavela kwetu mukemwo tukovoka.

Yoshwa 7:19

Asinoni Yoshwa wendekele kuli ikeye ngwendi, “Munange, endeka vushunga ku mesho a Shukulu Kalunga Njambi ya Isalele, co litavele. Njileke evi viwunalingi. Kesi unjishwekelevyo.”