VaLevi 5:4 - Livulu lya Shukulu Kalunga

⁴ “Nga munu umo azambula kulisinga ngoco kujeneka kuyongola mwamuvwa, nambe a cuma cacivwa nambe cacivi, kujeneka kuzivuka, co akakala na mulonga.

VaLevi 5:4 Iomraidhean Croise

2 Samwele 21:7

Oloni omwo acikulaeso cakujela cije calingile na Yonatana, Ndaviti waameneneo Mefimboshete muna Yonatana, mutekulu wa Saulu.

2 Vimyene 6:31

Co wendekele ngwendi, “Njambi anjitsiye nga lelo Elisha kuvamutapa mutwe omo kanda litangwa litoke!”

Myaso 106:33

Omwo valuvalesele munzinzime wa Mosesa, co wendekele majwi alishamena.

VaLevi 5:13

Co mu ngila eyi muka-kukombelela akaambesa uje munu ku vuvi vwendi, co vakamusambesa. Vuje vunga vunasalao vukapwa vwa muka-kukombelela, ngwe mulambu wa vimbuto vya vinona.”

VaLevi 5:3

“Nga munu umo akwata nkala cuma cacivi cakutunda a munu kujeneka kuzivuka, cije cikamwonwesa kujela, co akakala na mulonga.

Kulava 30:6

“Nga munakazi nalisingile simbu kanda ashomboke nambe kupupuzuka kwendeka, nambe kukulaesa kulikela kulinga cuma cimo,

Kulava 30:8

Oloni nga munalume wendi amuvindika kushulisa cisingo cendi nambe kupupuzuka mukwendeka kwendi, omo ikeye navizivi laja, kucapandele lalo uje munakazi acinyunge. Co Shukulu Kalunga akamusambesaco.

Mateo 14:7

ngecivene, wamukulaesele ngwendi, “Njilisinga ngwange cuma coshe ulomba njikakwanaco!”

Mateo 14:9

Co mwene wakele na vusiwa manene, oloni omwo a cikulaeso cije walisingile naco ku mesho a voshe vaje vatumbamene nendi amo ku mesa, co watavele kulomba kwendi.

Mako 6:23

Co wendekele nakulisinga kuli ikeye ngwendi, “Njilisinga ngwange cuma coshe ulomba njikakwanaco, nameme litambelo lya vumwene vwange!”

Vilinga vya Miluwa 23:12

Alikaki mutondo vamo vaYunda valikungulwile nakutumba vutumbe. Valisingile cisingo ngeci kuvali vyakulya nambe kunwa kuvanga noo vanatsii Paulu.

Yoshwa 2:14

Co vaje vanalume vendekele kuli ikeye ngwavo, “Tutse tunyangwe nga kutulingi ngwe mutunendeka. Nga kuulekako munu umo evi vitulinga, co tukukulaesa ngwetu omo Shukulu Kalunga akatwana lifuti eli, co tukakulinga mwamuvwa.”

Yoshwa 9:15

Asinoni Yoshwa walikumiiye cikumiiyo navo, co vavatavele kutunga navo. Ngecivene, vantwama va mbunga ya Isalele vakolesele cikumiiyo cavo na cisingo.

Maako 11:31

co njikakombelela cuma cakuyoya kupwa n̄ombelo ya kwenyeka, cije cikatuuka mu njuvo yange nakunjishesha omo njikeluka mu kwoloka kutunda mukufungulula. Co njikacana kuli yove kupwa n̄ombelo.”

Maako 21:18

oloni yetu kutuvana vana vetu va vanakazi ngeci vavambate embwe, omwo tunaka laja cisingo, ngeci naumo wai akashombwesa munendi kuli vaMbenjemani.”

Maako 21:7

Vationi tulinga mukuwanena vanakazi vaje vanalume va Mbenjemani vanasalao? Omwo tunalisingi laja cisingo ca cikumiiyo kuli Shukulu Kalunga ngeci naumo wai munetu wa munakazi itukavana.”

Maako 9:19

Cooni ololo, nga evi vimunalingi litangwa lya lelo kuli Ngilyone, na ku naanga yendi vinapu vya vushunga na kasingimiko, co vwaeleleni na Avimeleke, co nendi lalo avwaelele amo neni.

1 Samwele 1:11

Co Hana walisingile cisingo ngwendi, “Yove Shukulu Kalunga Muka-nzili yoshe, kenga a tuyando twa ngamba yove! Njanuke kesi wivale ngamba yove! Nga unjana mwana wa munalume, co njikulaesa ngeci njikamukundika kuli yove mukuyoya kwendi kwoshe ngeci ikeye kakateula vin̄ambu vyendi.”

1 Samwele 25:22

Njambi anjihise nga kunjitsii vitozi vange omo kanda kucikye!”