VaLevi 5:18 - Livulu lya Shukulu Kalunga

¹⁸ Napande kunena lijamba lya manga nambe membe wakujeneka kapenga kuli muka-kukombelela kupwa mulambu wa kuliilwisila. Co ndando ya uje cimuna inapande kupwa ngwe ndando ije vemika ya mulambu wa kuliilwisila. Muka-kukombelela akakombelele n̄ombelo mukumwambesa ku vuvi vuje vwalingile kujeneka kuzivuka, co vakamusambesa.

VaLevi 5:18 Iomraidhean Croise

VaLevi 1:3

nga ikeye alambula umo wa ku vingombe vendi kupwa mulambu wa kwenyeka, napande kunena ngombe wa nkomba wakujeneka kapenga. Co napande kumunena ku cikolo ca Mbalaka Mwakuliwanena, ngeci Shukulu Kalunga akamutambule.

VaLevi 1:4

Co akakambeke livoko lyendi a mutwe wa uje cimuna ngeci vakamutambule kupwa n̄ombelo ya kumwambesa ku vuvi vwendi.

VaLevi 14:12

Asinoni muka-kukombelela akambateo umo lijamba a vaje vana va vimanga nakumukombelela kupwa n̄ombelo ya kuliilwisila, amolika na lita ya litambelo lya mazi. Co akavikombelele kupwa n̄ombelo ya kuliilwisila. Co akavyane kuli Shukulu Kalunga kupwa vwana vwavuvwa vwa muka-kukombelela.

VaLevi 4:20

co akalinge cuma cimo na ngombe wa nkomba ngwe mwalingile na ngombe wa nkomba uje wa mulambu wa a vuvi. Mu ngila eyi muka-kukombelela akavaambesa ku vuvi vwavo, co vakavasambesa.

VaLevi 5:17

“Nga munu akalinga vuvi kujeneka kuzivuka, co apokola lishiko limo lya mashiko a Shukulu Kalunga, ikeye ali na mulonga, co ngongo yendi vavenya.

VaLevi 5:19

Ou unapu mulambu wa kuliilwisila wa a vuvi vuje vwalingile kuli Shukulu Kalunga.”

Kulava 15:24

nga calingiwile ku nzimba ya mbunga, co mbunga yoshe vakakombelele muna ngombe wa nkomba kupwa mulambu wa kwenyeka. Co vweko vwavuvwa vwa mulambu ou vukavwaelelesa Shukulu Kalunga. Amo na mulambu ou wa kwenyeka, co vakalambule mulambu wa vimbuto vya vinona, na mulambu wa vinyu, ngwe ku lishiko. Co lalo vanapande kulambula lijamba lya membe kupwa mulambu wa a vuvi.