VaLevi 4:4 - Livulu lya Shukulu Kalunga

⁴ Akanene uje ngombe wa nkomba ku cikolo ca Mbalaka, akakambeke livoko lyendi a mutwe wa uje cimuna, nakumutsiila ku mesho a Shukulu Kalunga.

VaLevi 4:4 Iomraidhean Croise

2 Mizimbu 29:23

Akukotoka vanenele majamba a vimembe kuli mwene na ku mbunga ya vanu voshe vakungulukilile kuje, co vakambekele mavoko avo a majamba a vimembe.

Isaya 53:6

Yetu voshe twapwile ngwe vimanga vakuzimbala, munu na munu waile mu ngila yendi. Oloni Shukulu Kalunga wamwanene cihiso cije capandele kupwa cetu.

Ndanyele 9:26

Co akukotoka ntwama uje yaangwile Njambi vakamutsiya kwakujeneka mulonga. Nganda na Njuvo ya Shukulu Kalunga vakayinyongesa kuli muka-kushwana uje akakalako. Kukotoka kukaija ngwe livazi, kunena nzita nakunyongesa vije vyanavwaesa Njambi.

VaLevi 16:21

Co akakambeke mavoko endi oshe avali a mutwe wa uje membe wa mwonyo nakulitavela vuvi vwoshe vwa vanu va Isalele, na vivi vyavo vyoshe, na vivulumuna vyavo vyoshe, co nakuvinungulwila a mutwe wa uje membe. Asinoni uje membe vamwecelele aye mu mambo amolika na munu uje vanemika kulinga cuma eci.

VaLevi 4:15

vantwama va mbunga vakakambeke mavoko avo a mutwe wa uje cimuna, co vakamutsiile ku mesho a Shukulu Kalunga.

VaLevi 4:29

Co akakambeke livoko lyendi a mutwe wa uje cimuna nakumutsiila ku kunto ya mutula kuje vakatsiila vimuna va milambu ya kwenyeka.

VaLevi 8:14

Asinoni Mosesa wanenele muna ngombe wa nkomba wa n̄ombelo ya a vuvi, co Alone na vana vendi vakambekele mavoko avo a mutwe wa uje cimuna.

Kulava 8:12

Co vaLevi vakakambeka mavoko avo a mitwe ya vaje vingombe va nkomba vavali, co umo akapwe wa n̄ombelo ya a vuvi, mukwavo akapwe wa n̄ombelo ya kwenyeka mukujelesa vaLevi.

1 Petulu 3:18

Omwo Kilistu watsililile vuvi lumo ku simbu yoshe, muka-vushunga kutsila vaka-vuvi, ngeci amitwamenene kuli Njambi. Ikeye vamutsiile ku muvila, oloni vamuyoyesele ku munzinzime,