VaLevi 4:35 - Livulu lya Shukulu Kalunga

³⁵ Asinoni akatundise mazi oshe a cimuna, ngwe muje akatundisa mazi a vimanga vakutsiila a milambu ya kulitombola, co akawenyekele a mutula akamwa ya milambu ya vyakulya vyakulambula kuli Shukulu Kalunga. Mu ngila eyi muka-kukombelela akaambesa uje munu ku vuvi vwendi, co vakamusambesa.

VaLevi 4:35 Iomraidhean Croise

VaLevi 12:8

“Nga munakazi kasa kunena muna manga, co akanene mayembe vavali nambe tutela vavali, umo apwe wa n̄ombelo ya kwenyeka mukwavo apwe wa n̄ombelo ya a vuvi, co muka-kukombelela akamwambesa kumutundisa vulikazi vwendi, co ikeye akajela.”

VaLevi 14:18

Co akaake aje mazi oshe anasala mu mbanda ya livoko lyendi a mutwe wa uje munu ivakajelesa. Co mu ngila eyi muka-kukombelela akamwambesa ku mesho a Shukulu Kalunga.

VaLevi 14:53

Asinoni ikeye akecela uje kazila wa mwonyo ngeci aliile mwoshe-imwoshe. Co mu ngila eyi akalinge cilika cakujelesa ije njuvo, co ikapwa yakujela.

VaLevi 15:15

Co muka-kukombelela akakombelelao kazila umo kupwa n̄ombelo ya a vuvi, na kazila mukwavo kupwa n̄ombelo ya kwenyeka. Mu ngila eyi muka-kukombelela akajelesa uje munu ku mesho a Shukulu Kalunga.

VaLevi 19:22

Co muka-kukombelela akajelesa uje munalume ku mesho a Shukulu Kalunga a vuvi vuje vwalingile. Co Njambi akamusambesavwo.

VaLevi 4:20

co akalinge cuma cimo na ngombe wa nkomba ngwe mwalingile na ngombe wa nkomba uje wa mulambu wa a vuvi. Mu ngila eyi muka-kukombelela akavaambesa ku vuvi vwavo, co vakavasambesa.

VaLevi 4:26

Asinoni akenyekele mazi oshe a cimuna a mutula, ngwe mwakenyeka mazi a vimuna vakutsiila a milambu ya kulitombola. Co mu ngila eyi muka-kukombelela akaambesa uje ntwama ku vuvi vwendi, co vakamusambesa.

VaLevi 5:10

Asinoni akalambule kazila wamucivali kupwa mulambu wa kwenyeka, ngwe ku mashiko. Co mu ngila eyi muka-kukombelela akaambesa uje munu ku vuvi vwendi, co vakamusambesa.

VaLevi 5:13

Co mu ngila eyi muka-kukombelela akaambesa uje munu ku vuvi vwendi, co vakamusambesa. Vuje vunga vunasalao vukapwa vwa muka-kukombelela, ngwe mulambu wa vimbuto vya vinona.”

VaLevi 5:6

napande kunena mulambu wa mulonga wendi kuli Shukulu Kalunga, manga nambe membe wa lwavo ngeci upwe mulambu wa a vuvi. Co muka-kukombelela akamwambesa ku vuvi vwendi.

VaLevi 6:7

Muka-kukombelela akaambesa uje munu ku mesho a Shukulu Kalunga, co vakamusambesa.”

VaLevi 9:7

Asinoni Mosesa wendekele kuli Alone ngwendi, “Ya ku mutula, ukakombelele n̄ombelo ya a vuvi vwove, na n̄ombelo yove ya kwenyeka mukulyambesa yove vavenya, amo na vanu voshe. Linga n̄ombelo eyi mukutundisa vuvi vwa vanu, ngwe muje mwashikile Shukulu Kalunga.”

Kulava 15:25

Co muka-kukombelela akaambesa mbunga ya vanu va Isalele nakuvasambesa omwo mulonga unapwile wa ku nzimba, co vakevo vanatwala n̄ombelo yavo ya a vuvi ngwe n̄ombelo ya vyakulya kuli Shukulu Kalunga omwo nzimba yavo.

Kulava 15:28

Co kuje ku mutula muka-kukombelela akajelesa uje munu navulumuna mulonga wa ku nzimba, co vakamusambesa.

Loma 10:4

Omwo Kilistu namanesa Lishiko, ngeci munu woshe uje akulaela vamupwise muka-vushunga ku mesho a Njambi.

Loma 4:25

Vamwecelele ngeci atse omwo vivi vyetu, co vamusangwile ngeci vatupwise vaka-vushunga ku mesho a Njambi.

Loma 8:1

Kukwesi cihiso ololo kuli vaje valinakuyoyela muli Kilistu Yesu.

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.

Efeso 5:2

Endeni mu cizemo ngwe Kilistu mwatuzemene, co wanene mwonyo wendi kuli yetu ngwe mulambu wa lwengo lwaluvwa na n̄ombelo ije ivwaelelesa Njambi.

Kolose 1:14

muli ikeye vanatupatula, kukekwo, kusambesa kwa vivi vyetu.

VaHevelu 1:3

Ikeye kutwa kwa ceke ca vumpau vwa Njambi, ikeye vene cifwa ca Njambi vavenya, akukolesa vyoshe mu kaye koshe na lijwi lyendi lya nzili. Omo nashokolola laja ngila ngeci vivi vya vanu voshe vavisambese, co watumbamene mwilu ku livoko lya cilyo lya Njambi, Muka-nzili yoshe.

VaHevelu 4:14

Ngecivene, tukakateyeni kukukulaela oku tunatava. Omwo tuli na Muka-kukombela Wakama uje ali ku mesho a Njambi, ikeye Yesu Muna Njambi.

VaHevelu 7:26

Ngecivene, Yesu wapwa Muka-kukombelela wakama uje amona ngwe kujeneka kwetu. Wapwa wakujela, muli ikeye kumwesi mulonga nambe vuvi, vanamutundisa mukati ka vanu vaka vuvi, co vamusangwile nakumutwala mwilu.

VaHevelu 9:14

Omwo eci capwa ca vushunga, maninga a Kilistu anapanga manene! Ali Munzinzime wa myaka yoshe walyanene ikeye vavenya kupwa n̄ombelo yakujela kuli Njambi. Maninga endi anatujelesa ku citaku-taku ca futisi yetu yangoco ngeci tupangele Njambi wakuyoya.

1 Petulu 2:22

Ikeye kalingile vuvi, co lalo naumo wai wazivile makuli atunda mu kanwa kendi.

1 Petulu 2:24

Kilistu vavenya wambatele vuvi vwetu mu muvila wendi a cilindakano, ngeci tutse ku vuvi, co tukayoyele ku vushunga. A viveve vyendi akeo munawana kukanguka.

1 Petulu 3:18

Omwo Kilistu watsililile vuvi lumo ku simbu yoshe, muka-vushunga kutsila vaka-vuvi, ngeci amitwamenene kuli Njambi. Ikeye vamutsiile ku muvila, oloni vamuyoyesele ku munzinzime,

1 Yowano 1:7

Oloni nga tuyoya mu ceke, ngwe ikeye ali mu ceke, asinoni tulitombola umo na mukwavo, co maninga a Yesu, munendi, atujelesa ku vuvi vwoshe.

1 Yowano 2:2

Co Kilistu ikeye vavenya napu n̄ombelo ya vivi vyetu ngeci vavisambese, co kesi vivi vyetu lika embwe, oloni na vivi vya vanu voshe lalo.