VaLevi 4:3 - Livulu lya Shukulu Kalunga

³ “Nga Muka-kukombelela Wakama nalingi vuvi, co akokela mulonga vanu, akanene muna ngombe wa nkomba wakujeneka kapenga, co akamukombelele kuli Shukulu Kalunga a vuvi vwendi.

VaLevi 4:3 Iomraidhean Croise

2 Mizimbu 29:21

Vanenele vingombe va nkomba vatanu na vavali, na majamba a vimanga vatanu na vavali, na vana va vimanga vatanu na vavali, na majamba a vimembe vatanu na vavali, kupwa n̄ombelo yakutundisa vuvi vwa vaka-naanga ya vumwene na vanu va mu Yunda, nakujelesa Njuvo ya Shukulu Kalunga. Co mwene walekele vaka-kukombelela vatekulwila va Alone vakombelelele vin̄ombelo evi a mutula.

Ezela 8:35

Vanu voshe vaje velukile kutunda ku vunzinda vakombelelele vin̄ombelo vyavo vya kwenyeka kuli Njambi ya Isalele. Co vakombelelele vingombe va nkomba likumi na vavali ali Isalele yoshe, na majamba a vimanga makumi atanu na awana na atanu na limo, na vana va vimanga makumi atanu na avali na vatanu na vavali, co lalo vakombelelele vimembe likumi na vavali mukulijelesa ku vuvi. Vimuna voshe ava vavenyekele kupwa n̄ombelo ya kwenyeka kuli Shukulu Kalunga.

Kutuuka 29:14

Oloni unapande kwenyekela situ yoshe ya ngombe wa nkomba, na cilambu cayo, na mila yakwo anja ya cilombo. Ou ukewo mulambu wakutundisa vuvi vwa vaka-kukombelela.

Kutuuka 29:21

Co ambatako maninga amo aje ali a mutula na mazi amo akuvwavesa, ashamwine ali Alone na a vuzalo vwendi, na ali vana vendi na a vuzalo vwavo. Asinoni ikeye na vana vendi, na vuzalo vwavo, vakapwa vakukundika kuli yange.

Kutuuka 29:7

Asinoni ambata mazi akumuvwavesa, etile a mutwe wendi, co muvwavese.

Kutuuka 30:10

Co Alone akaambesa mutula lumo a mwaka akwaka maninga a vyakushongomoka vyawo viwana, akavyambesa na maninga a mulambu wa a vuvi lumo a mwaka mu visemwa vyeni vyoshe vya kulutwe. Mutula ou wapwa wakujela kuli yange Kalunga.”

Ezekiyele 40:39

Mu mulili ou wakama mwakele vimesa viwana, vivali ku mutambela umo na umo wa mulili. A vimesa vije vene akeo vakele nakutsiila vimuna vakukombelela vin̄ombelo nambe vakwenyeka voshe vamutunu, nambe vakukombelela a vuvi, nameme va vin̄ombelo vyakuliilwisila.

Ezekiyele 43:19

Co vaka-kukombelela va ku muyati wa Levi, vaje vatunda kuli Zandoke vakevo lika vakaija ku mesho ange nakunjipangela. Yange Kalunga wa Akamwa ya Vyoshe, njashiki evi. Ukana vaka-kukombelela muna ngombe wa nkomba kupwa n̄ombelo ya a vuvi.

Ezekiyele 44:27

asinoni akakovele lalo mu cipango ca mbanja ya mukati ka Njuvo yange nakukombelela n̄ombelo yakulijelesa kwendi, ngecivene, ase kupangela lalo mu Njuvo yange. Munjinendeka yange Kalunga wa Akamwa ya Vyoshe.

VaLevi 1:10

“Nga munu alambula umo wa vimanga vendi nambe umo wa vimembe vendi, napande kupwa lijamba wa kujeneka kapenga.

VaLevi 1:3

nga ikeye alambula umo wa ku vingombe vendi kupwa mulambu wa kwenyeka, napande kunena ngombe wa nkomba wakujeneka kapenga. Co napande kumunena ku cikolo ca Mbalaka Mwakuliwanena, ngeci Shukulu Kalunga akamutambule.

VaLevi 16:11

“Asinoni Alone akanene ngombe wa nkomba kupwa n̄ombelo ya a vuvi vwendi vavenya, na vuvi vwa naanga yendi mukulyambesa ikeye vavenya na naanga yendi, co akatsiye uje ngombe wa nkomba kupwa n̄ombelo ya a vuvi vwendi vavenya.

VaLevi 16:3

Akakovela mu Mwela Wakujela Manene omo nanena muna ngombe wa nkomba wa n̄ombelo ya a vuvi, na lijamba lya manga wa n̄ombelo ya kwenyeka.”

VaLevi 16:5

“Co ku mbunga ya vaIsalele Alone akambateko majamba vavali va vimembe kupwa n̄ombelo ya a vuvi, na lijamba lya manga umo kupwa n̄ombelo ya kwenyeka.

VaLevi 16:6

Co akakombelele ngombe wa nkomba kupwa n̄ombelo mukulyambesa ikeye vavenya ku vuvi vwendi novu vwa naanga yendi.

VaLevi 4:14

asinoni omo vuvi vunasholoka nakuvuzivuka, co mbunga ikatwale muna ngombe wa nkomba kupwa mulambu wa a vuvi. Co vakamutwale ku Mbalaka Mwakuliwanena,

VaLevi 4:23

omo vuvi vwendi vunasholoka, co akanene lijamba lya membe wakujeneka kapenga kupwa mulambu wendi.

VaLevi 4:28

co omo vuvi vwendi vunasholoka, akanene mulambu wa membe wa lwavo wakujeneka kapenga kupwa mulambu wendi.

VaLevi 4:5

Asinoni Muka-kukombelela Wakama akambate maninga amo a uje ngombe wa nkomba nakuwanena mu Mbalaka Mwakuliwanena.

VaLevi 5:6

napande kunena mulambu wa mulonga wendi kuli Shukulu Kalunga, manga nambe membe wa lwavo ngeci upwe mulambu wa a vuvi. Co muka-kukombelela akamwambesa ku vuvi vwendi.

VaLevi 6:18

Co vatekulwila va Alone va vanalume vakailye ku visemwa vyavo vyoshe vya kulutwe omwo unapu mutambela wavo wa milambu ya vyakulya wakukombelela kuli Shukulu Kalunga. Munu nkala uje akakwata ku mulambu wa vyakulya ou akavulumuka a nzili yakujela kwawo.”

VaLevi 8:12

Co ikeye wetilile mazi amo akuvwava a mutwe wa Alone nakumuvwavesa mukumujelesa.

VaLevi 9:2

Co wendekele kuli Alone ngwendi, “Twala muna ngombe wa nkomba, na lijamba lya manga vakujeneka kapenga, ukavakombelele kuli Shukulu Kalunga. Co muna ngombe wa nkomba apwe wa mulambu wa a vuvi, na lijamba lya manga apwe wa mulambu wa kwenyeka.

VaLevi 9:3

Asinoni leka vanu va Isalele vatwale lijamba lya membe apwe wa mulambu wa a vuvi, na muna ngombe wa nkomba wa mwaka umolika, na muna manga wa mwaka umolika vakujeneka kapenga vapwe va mulambu wa kwenyeka,

Kulava 16:22

Oloni Mosesa na Alone valyumbilile asi, co vendekele ngwavo, “Yove Njambi, yove wapwa nsina ya vanu voshe. Nga munu umo alinga vuvi, co yove uluvala na mbunga yoshe ndi?”

Kulava 8:8

Asinoni vakambate muna ngombe wa nkomba na n̄ombelo ya vimbuto ya vunga vwavuvwa vwakuseneta vwakukumbasana na mazi a olive, co yove ukambata muna ngombe wa nkomba mukwavo kupwa n̄ombelo ya a vuvi.

Loma 8:3

Omwo cije Lishiko kucasele kulinga, omwo vusitu vwapwile vwakuzeya, Njambi wacilingile. Wahisile vuvi mu vusitu akutuma Munendi, uje wezile mu cifwa ngwe cifwa cetu ca vusitu, mukutundisa vuvi.

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.

VaHevelu 5:3

Omwo ikeye lalo wapwa wakuzeya, napande kukombelela n̄ombelo kesi ya vaje vanu vaka-vivi lika embwe oloni na vuvi vyendi vavenya lalo.

VaHevelu 9:12

Omo Kilistu wakovelele mu mbalaka, co wakovelelemo lumo ku myaka yoshe mu Mwela Wakujela Manene, kambatele maninga a vimembe na vana va vingombe mukukombelela ngwe n̄ombelo embwe, oloni wambatele maninga endi vavenya mukututambwila kwovoka kuje kwa myaka yoshe.