VaLevi 4:24 - Livulu lya Shukulu Kalunga

²⁴ Co akakambeke livoko lyendi a mutwe wa uje cimuna nakumutsiila ku kunto ya mutula, kuje vakatsiila vimuna va milambu ya kwenyeka. Ou ukewo mulambu wakutundisa vuvi.

VaLevi 4:24 Iomraidhean Croise

2 Vimyene 12:16

Vimbongo vya vin̄ombelo vyakuliilwisila, na vin̄ombelo vya a vuvi kuvakele nakuvyaka mu cikasa embwe, oloni vyapwile vya vaka-kukombelela.

2 Mizimbu 29:23

Akukotoka vanenele majamba a vimembe kuli mwene na ku mbunga ya vanu voshe vakungulukilile kuje, co vakambekele mavoko avo a majamba a vimembe.

Kutuuka 29:38

“A litangwa na litangwa simbu yoshe ya kulutwe, ukakombelela a mutula vana va vimanga vavali va mwaka umolika.

Isaya 53:6

Yetu voshe twapwile ngwe vimanga vakuzimbala, munu na munu waile mu ngila yendi. Oloni Shukulu Kalunga wamwanene cihiso cije capandele kupwa cetu.

VaLevi 1:11

Akamutsiile ku kunto ya mutula, co vaka-kukombelela vakashamwine maninga ku mitambela yoshe iwana ya mutula.

VaLevi 1:4

Co akakambeke livoko lyendi a mutwe wa uje cimuna ngeci vakamutambule kupwa n̄ombelo ya kumwambesa ku vuvi vwendi.

VaLevi 1:5

Akatsiile uje cimuna kuje vene, co vaka-kukombelela va ka naanga ya Alone vakana maninga kuli Shukulu Kalunga, asinoni vakawashamwina ku mitambela yoshe iwana ya mutula uje uli ku cikolo ca Mbalaka.

VaLevi 14:13

Co akatsiile uje muna manga ku mutambela wakujela kuje vakatsiila vimuna va vin̄ombelo vya a vuvi, na vin̄ombelo vya kwenyeka, napande kulinga eci omwo n̄ombelo ya kuliilwisila inalifu na n̄ombelo ya a vuvi, evi vyapwa vya muka-kukombelela. Vyapwa vyakujela.

VaLevi 16:15

“Munima yevi, akatsiye membe wa n̄ombelo ya a vuvi vwa vanu, nakunena maninga endi mu Mwela Wakujela Manene, nakuwashamwina akamwa ya cifwiko, asinoni akashamwine amo lalo kulutwe lwa Cikasa ca Cikumiiyo, ngwe mwalingile na maninga a uje muna ngombe wa nkomba.

VaLevi 3:13

Co akakambeke livoko lyendi a mutwe wa uje cimuna nakumutsiila kulutwe lwa Mbalaka Mwakuliwanena. Co vana va Alone vakashamwine maninga ku mitambela yoshe iwana ya mutula.

VaLevi 3:2

Uje munu akakambeke livoko lyendi a mutwe wa uje cimuna nakumutsiila ku cikolo ca Mbalaka Mwakuliwanena. Co vaka-kukombelela va ka naanga ya Alone vakashamwine maninga ku mitambela yoshe iwana ya mutula.

VaLevi 3:8

akakambeke livoko lyendi a mutwe wa uje cimuna nakumutsiila kulutwe lwa Mbalaka. Co vana va Alone vakashamwine maninga ku mitambela yoshe iwana ya mutula.

VaLevi 6:18

Co vatekulwila va Alone va vanalume vakailye ku visemwa vyavo vyoshe vya kulutwe omwo unapu mutambela wavo wa milambu ya vyakulya wakukombelela kuli Shukulu Kalunga. Munu nkala uje akakwata ku mulambu wa vyakulya ou akavulumuka a nzili yakujela kwawo.”

VaLevi 6:22

Co simbu yoshe ya kulutwe, mulambu ou ukalingiwe kuli mutekulwila woshe wa Alone uje akamwinga kupwa Muka-kukombelela Wakama. Ou ukapwa mulambu wa kwenyeka woshe wamutunu kuli Shukulu Kalunga.

VaLevi 6:25

“Leka Alone na vana vendi ngwove, eli likelyo lishiko lya milambu ya a vuvi. Cimuna wa a mulambu wa a vuvi vakamutsiile ku kunto ya mutula, kuje vakatsiila vimuna va milambu ya kwenyeka. Ou ukewo mulambu wakujela manene.

VaLevi 7:2

Cimuna wa mulambu ou vamutsiile ku kunto ya mutula, kuje vakatsiila vimuna va milambu ya kwenyeka, co maninga endi vakawashamwine ku mitambela yoshe iwana ya mutula.