VaLevi 4:21 - Livulu lya Shukulu Kalunga

²¹ Asinoni akatwale uje ngombe wa nkomba anja ya cilombo nakumwenyeka, ngwe mwanenyekele uje ngombe wa nkomba yakombelelele a vuvi vwendi vavenya. Ou ukewo mulambu wakutundisa vuvi vwa mbunga.

VaLevi 4:21 Iomraidhean Croise

Ezela 8:35

Vanu voshe vaje velukile kutunda ku vunzinda vakombelelele vin̄ombelo vyavo vya kwenyeka kuli Njambi ya Isalele. Co vakombelelele vingombe va nkomba likumi na vavali ali Isalele yoshe, na majamba a vimanga makumi atanu na awana na atanu na limo, na vana va vimanga makumi atanu na avali na vatanu na vavali, co lalo vakombelelele vimembe likumi na vavali mukulijelesa ku vuvi. Vimuna voshe ava vavenyekele kupwa n̄ombelo ya kwenyeka kuli Shukulu Kalunga.

Kutuuka 29:14

Oloni unapande kwenyekela situ yoshe ya ngombe wa nkomba, na cilambu cayo, na mila yakwo anja ya cilombo. Ou ukewo mulambu wakutundisa vuvi vwa vaka-kukombelela.

Ezekiyele 45:22

A litangwa lyakulivanga lya ciwano, mwene uje alinakushwana napande kukombelela ngombe wa nkomba kupwa n̄ombelo ya a vuvi vwendi na a vuvi vwa vanu voshe.

VaLevi 16:15

“Munima yevi, akatsiye membe wa n̄ombelo ya a vuvi vwa vanu, nakunena maninga endi mu Mwela Wakujela Manene, nakuwashamwina akamwa ya cifwiko, asinoni akashamwine amo lalo kulutwe lwa Cikasa ca Cikumiiyo, ngwe mwalingile na maninga a uje muna ngombe wa nkomba.

VaLevi 16:21

Co akakambeke mavoko endi oshe avali a mutwe wa uje membe wa mwonyo nakulitavela vuvi vwoshe vwa vanu va Isalele, na vivi vyavo vyoshe, na vivulumuna vyavo vyoshe, co nakuvinungulwila a mutwe wa uje membe. Asinoni uje membe vamwecelele aye mu mambo amolika na munu uje vanemika kulinga cuma eci.

VaLevi 16:27

Co uje ngombe wa nkomba, na membe vanapangesele a n̄ombelo ya a vuvi, maninga avo aje vanenele mu Mwela Wakujela Manene mukwambesa vuvi, vakavatwale anja ya cilombo nakuvenyekelao, vilambu vyavo, na situ yavo, na mila yavo, na vufwati vwavo vyoshe vakavyenyeke.

VaLevi 4:13

“Nga mbunga yoshe ya Isalele valinga vuvi, oloni kuvayongwele kuvulinga, co vapokola lishiko limo lya mashiko a Shukulu Kalunga,

VaLevi 4:20

co akalinge cuma cimo na ngombe wa nkomba ngwe mwalingile na ngombe wa nkomba uje wa mulambu wa a vuvi. Mu ngila eyi muka-kukombelela akavaambesa ku vuvi vwavo, co vakavasambesa.

VaLevi 6:11

Asinoni ikeye akazale vuzalo vwendi vweka nakutwala lije lito anja ya cilombo ku mutambela uje wakujela.

VaLevi 6:23

Milambu yoshe ya vimbuto ya vaka-kukombelela vakayenyeke yamutunu. Kesi vakailye embwe.”

VaLevi 8:17

Oloni ngombe wa nkomba, amo na cilambu cendi, na situ yendi, na mila yendi, amo na vufwati, wavyenyekelele anja ya cilombo, ngwe muje mwamushikile Shukulu Kalunga.

Kulava 15:24

nga calingiwile ku nzimba ya mbunga, co mbunga yoshe vakakombelele muna ngombe wa nkomba kupwa mulambu wa kwenyeka. Co vweko vwavuvwa vwa mulambu ou vukavwaelelesa Shukulu Kalunga. Amo na mulambu ou wa kwenyeka, co vakalambule mulambu wa vimbuto vya vinona, na mulambu wa vinyu, ngwe ku lishiko. Co lalo vanapande kulambula lijamba lya membe kupwa mulambu wa a vuvi.

Mateo 20:28

nameme Muna Munu kezile ngeci vanu vamupangele embwe, oloni wezile mukupanga, nakwana mwonyo wendi ngeci apatule vanu vavangi.”

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.

VaHevelu 13:11

Muka-kukombelela Wakama wa kaYunda ikeye muka kutwala maninga a tusitu ku Mwela Wakujela Manene ngwe n̄ombelo yakukombelela a vuvi, oloni mivila ya tusitu yasalele anja ya cilombo nakuyenyekelao.