VaLevi 4:15 - Livulu lya Shukulu Kalunga

¹⁵ vantwama va mbunga vakakambeke mavoko avo a mutwe wa uje cimuna, co vakamutsiile ku mesho a Shukulu Kalunga.

VaLevi 4:15 Iomraidhean Croise

2 Mizimbu 29:23

Akukotoka vanenele majamba a vimembe kuli mwene na ku mbunga ya vanu voshe vakungulukilile kuje, co vakambekele mavoko avo a majamba a vimembe.

Kutuuka 24:1

Co Shukulu Kalunga wendekele kuli Mosesa ngwendi, “Lamata kuno ku munkinda kuli yange, yove na Alone, na Nandave, na Avihu, na vantwama va Isalele makumi atanu na avali, co simbu mucili kulyala, tsikameni nakulemesa.

Kutuuka 24:9

Co Mosesa na Alone, na Nandave na Avihu, na vantwama va Isalele makumi atanu na avali valamatele ku munkinda,

VaLevi 1:3

nga ikeye alambula umo wa ku vingombe vendi kupwa mulambu wa kwenyeka, napande kunena ngombe wa nkomba wakujeneka kapenga. Co napande kumunena ku cikolo ca Mbalaka Mwakuliwanena, ngeci Shukulu Kalunga akamutambule.

VaLevi 1:4

Co akakambeke livoko lyendi a mutwe wa uje cimuna ngeci vakamutambule kupwa n̄ombelo ya kumwambesa ku vuvi vwendi.

VaLevi 16:21

Co akakambeke mavoko endi oshe avali a mutwe wa uje membe wa mwonyo nakulitavela vuvi vwoshe vwa vanu va Isalele, na vivi vyavo vyoshe, na vivulumuna vyavo vyoshe, co nakuvinungulwila a mutwe wa uje membe. Asinoni uje membe vamwecelele aye mu mambo amolika na munu uje vanemika kulinga cuma eci.

VaLevi 4:16

Muka-kukombelela Wakama akatwale maninga amo a uje ngombe wa nkomba mu Mbalaka,

VaLevi 4:4

Akanene uje ngombe wa nkomba ku cikolo ca Mbalaka, akakambeke livoko lyendi a mutwe wa uje cimuna, nakumutsiila ku mesho a Shukulu Kalunga.

VaLevi 8:14

Asinoni Mosesa wanenele muna ngombe wa nkomba wa n̄ombelo ya a vuvi, co Alone na vana vendi vakambekele mavoko avo a mutwe wa uje cimuna.

VaLevi 8:18

Asinoni, Mosesa wanenele lijamba lya manga wa n̄ombelo ya kwenyeka, co Alone na vana vendi vakambekele mavoko avo a mutwe wa uje cimuna.

VaLevi 8:22

Asinoni Mosesa wanenele lijamba lya manga wamucivali, uje wapwile wakukundikisa vaka-kukombelela, co Alone na vana vendi vakambekele mavoko avo a mutwe wa uje cimuna.

Kulava 11:16

Co Shukulu Kalunga wendekele kuli Mosesa ngwendi, “Njikungulwile vakulunu va vanu va Isalele makumi atanu na avali vaje vanapumo mukupwa vantwama na vamyata akati ka vanu va Isalele, co ukavatwale kuli yange ku Mbalaka Mwakuliwanena ngeci vakemane amo nove kuje.

Kulava 11:25

Asinoni Shukulu Kalunga washulukile asi mu lishelwa nakwendeka na Mosesa. Co Shukulu Kalunga wanonele ku Munzinzime uje wakele ali Mosesa nakuupangezela ali vaje vantwama makumi atanu na avali. Omo Munzinzime wakele ali vakevo, vambulwile ngwe vaka-kwimanena, oloni kuyapwile simbu yakama.

Kulava 8:10

Ukatwale vaLevi ku mesho a Shukulu Kalunga, co vanu va Isalele vakakambeke mavoko avo a mitwe ya vaLevi,

Kulava 8:12

Co vaLevi vakakambeka mavoko avo a mitwe ya vaje vingombe va nkomba vavali, co umo akapwe wa n̄ombelo ya a vuvi, mukwavo akapwe wa n̄ombelo ya kwenyeka mukujelesa vaLevi.