VaLevi 27:28 - Livulu lya Shukulu Kalunga

²⁸ “Naumo wai akalandesa nambe kupatula vije vanakundikilila kuli Shukulu Kalunga, nambe munu, nambe kasitu, nambe livu. Evi vyapwa vya Shukulu Kalunga ku myaka yoshe.

VaLevi 27:28 Iomraidhean Croise

2 Mizimbu 31:14

Co Kole muna Imena, kaLevi ikeye wapwile muka-kunyunga ku Cikolo ca mu Ngangela ku Njuvo ya Shukulu Kalunga, ikeye wapwile mukulunu wakumona milambu ije ivaanene kuli Shukulu Kalunga nakuyipangazela.

Kutuuka 22:20

“Munu woshe uje akombelela ku vinjambi veka vanapande kumutsiya, oloni vakombelele lika kuli yange Kalunga.

Ezekiyele 44:29

Milambu ya vimbuto vya vinona, na milambu ya a vuvi, na milambu yakuliilwisila vikapwa vyakulya vya vaka-kukombelela, co vakatambula vyuma vyoshe mu Isalele vije vivanakundika vyoshe kuli yange.

Ezekiyele 48:14

Mutambela wakukundika kuli Shukulu Kalunga wapwa mutambela wauvwa manene mu lifuti lyoshe, co naumo wai asa kuulandesa nambe kuulandakana nambe kuunungulwila kuli munu weka embwe. Wapwa wakujela, co wakundama kuli Shukulu Kalunga.

VaLevi 21:22

Munu wa cifwa cangacije asa kulya vyakulya vivanakombelela kuli yange, n̄ombelo ya vyakulya vyakujela, na n̄ombelo ya vyakulya vyakujela manene.

VaLevi 27:21

Cooni ku Mwaka wakwija Wakuliilwisila, lije livu likapwa vufuko vwa Shukulu Kalunga ku myaka yoshe, co likapwa lya vaka-kukombelela.

VaLevi 27:27

Oloni uje cimuna wa ntwatwa nga wakujeneka kujela vasa kumupatula na ndando ije akemika muka-kukombelela nakuwezelelao litambelo lya makumi avali. Nga ikeye kuvamupatwile, vakamulandese kuli munu weka na ndando ije vakemika kuli muka-kukombelela.

VaLevi 27:29

Kukwesi munu ivanakundikilila kuli Shukulu Kalunga, co vakamupatule lalo embwe, oloni vanapande kumutsiya vene.

Kulava 18:14

“Vyuma vyoshe vije vili mu Isalele vivanakundika kuli yange Kalunga vinapu vyeni.

Mateo 25:41

“Asinoni akendeka lalo kuli vaje vali ku livoko lyendi lyacimwoshwe ngwendi, ‘Tundeni kuli yange, yeni vaka-cisingo! Yeni mu tuhya tuje tuvavwaeselele Satana na tungelo twendi!

Loma 9:3

omwo vanu vange, vavushoko vange mu situ na mu maninga.

1 Kolinte 16:22

Woshe kazeme Mwene, cisingo cikale ali ikeye! Ija, Mwene yetu!

Ngalatiya 3:10

Omwo voshe vaje vanajendamena a Majwi Lishiko vali mwisi ya cisingo. Omwo visoneka vyendeka ngwavyo, “Woshe uje avyana kwononoka vyuma vyoshe vije vivanasoneka mu livulu lya Majwi a Lishiko ali mwisi ya cisingo ca Njambi!”

Ngalatiya 3:13

Oloni omwo Kilistu vamupwisile cisingo omwo watupatwile ku cisingo cije majwi a Lishiko acinenele, omwo visoneka vyendeka ngwavyo, “Munu woshe uje vashukika a muti ali mwisi ya cisingo ca Njambi.”

Kwituluka mu Mashiko 25:19

Ngecivene, omo Shukulu Kalunga Njambi yeni akamyana lifuti lije nakulishwana nakumihwimisa ku vitozi veni voshe vaje vakamizengeleka, co mukanyongesa vaAmaleke voshe ngeci kesi kukakale umo akavanuka lalo. Kesi mukevale embwe.

Kwituluka mu Mashiko 7:26

Kesi mukakovelese vyuma vya vunyengwe mu vinjuvo vyeni embwe, co cikapwa cisingo cimo cije cikakala ali yeni ngwe ali vije vinjambi vavo. Omwo vyuma evi vyapwa vyakusinga kuli Shukulu Kalunga.

Yoshwa 6:26

A simbu ije Yoshwa walisingile cisingo ngwendi, “Munu woshe uje akatungulula nganda ya Yeliko akapwe wakusinga ku mesho a Shukulu Kalunga. Woshe uje akainda luvula, munendi wa ntwatwa akatsa, co woshe uje akatungulula vikolo, munendi wa mutinikila akatsa.”

Yoshwa 7:1

Oloni vanu va Isalele vavulumwine mulonga ku vyuma vyakukundika omwo Akane, muna Kalemi mutekulu wa Zavendi, wa ku cikota ca Zela ku muyati wa Yunda, wambatele ku vyuma vyakukundika, ngecivene, Shukulu Kalunga waluvalele manene na vanu va Isalele.

Yoshwa 7:25

Co Yoshwa wamwihwile ngwendi, “Omwo vikajo unatunenela tuyando twangacije? Ololo nove Shukulu Kalunga akakuyandesa ku litangwa lya lelo!” Asinoni vanu voshe vamwashele mamanya nakumutsiya. Co lalo vashele mamanya naanga yendi nakwenyeka vufuko vwendi vwoshe.

Maako 21:11

Eci cikeco cimukalinga na vanalume voshe na vanakazi voshe vaje valimona laja na vanalume.”

Maako 21:18

oloni yetu kutuvana vana vetu va vanakazi ngeci vavambate embwe, omwo tunaka laja cisingo, ngeci naumo wai akashombwesa munendi kuli vaMbenjemani.”

Maako 21:5

Co vaIsalele vehwile ngwavo, “Veyajo ku miyati yoshe ya vanu va Isalele kuvakungulukile ku mesho a Shukulu Kalunga ku Mizipa?” (Omwo valisingile cisingo ca cikumiiyo ngeci woshe kakai ku Mizipa napande kutsa.)

1 Samwele 15:18

co Shukulu Kalunga wakutumine nakukushika ngeci ukanyongese vaka-vuvi vanu va Amaleke. Wakulekele ukalwe noo unavanyongesa voshe.

1 Samwele 15:3

Ngeci yeni mukalwise vaAmaleke, co mukanyongese vyuma vyoshe vije valinavyo. Kesi mukasezeo cuma cimo, oloni yeni mukatsiye vanalume voshe, na vanakazi, na vanike, na vimbututu, na vimanga, na tumelo, na vimulu.”