VaLevi 26:9 - Livulu lya Shukulu Kalunga

⁹ Njikamivezikisa nakumyana vana vavangi, co njikanyunga cikumiiyo cije njalikumiiye neni,

VaLevi 26:9 Iomraidhean Croise

Kushangumuka 1:28

Wavavezikisile nakwendeka ngwendi, “Kiteni, ngeci vatekulwila veni vakatume ano asi oshe, co mukakala na moko yakushwana visi va mu mema a kalunga, na tuzila, na tusitu voshe.”

Kushangumuka 17:20

Njazivi kulomba kwove ali Ishimela, ngecivene, kenga njikamuvezikisa nakumwana vana vavangi nakutumisa vatekulwila vendi. Ikeye akapwa ishe ya vana va vimyene va vanalume likumi na vavali, co njikapwisa vatekulwila vendi muyati wakama.

Kushangumuka 22:17

Njikakuvezikisa nakutumisa vatekulwila vove ngwe vingongonosi vya mwilu, nambe ngwe lishen̄avu. Co vatekulwila vove vakafungulula vitozi vavo.

Kushangumuka 26:4

Njikatumisa vatekulwila vove ngwe vingongonosi vya mwilu. Njikavana lifuti eli lyoshe, na muli vatekulwila vove miyati yoshe ya asi vakavezika.

Kushangumuka 28:14

Vatekulwila vove vakapwa vavangi manene ngwe livu lya ano asi. Co vakatuma nakushulisa lifuti eli lyoshe mu mitambela mwoshe, muli yove na muli vatekulwila vove njikavezikisilamo miyati yoshe.

Kushangumuka 28:3

Njambi Muka-nzili yoshe akavezikise vulo vwove nakukwana vana vavangi, ngeci ukapwe cisemi ca miyati yaingi!

Kushangumuka 48:4

Ikeye wendekele kuli yange ngwendi, ‘Njikakwana vana vavangi, co vatekulwila vove vakapwa miyati yaingi, njikana lifuti eli kuli vatekulwila vove. Likapwa vufuko vwavo ku myaka yoshe.’ ”

Kushangumuka 6:18

oloni njikalikumiiya cikumiiyo nove. Co ukakovela mu vwato, yove na munakazi wove, na vana vove va vanalume, na vanakazi vavo.

1 Vimyene 3:8

Yange uno akati ka vanu vaje yove waangula kupwa vove, vaje vapwa vanu vavangi manene naumo wai asa kuvalava.

2 Vimyene 13:23

oloni Shukulu Kalunga wakele na ngozi na mema ku mbunge ali vakevo. Ikeye kavecelele ngeci vavanyongese embwe, oloni wavakwasele omwo ya cikumiiyo cendi kuli Avilahama na Isake na Yakomba. Ikeye kevalele vanu vendi embwe.

Nehemiya 2:20

Co njavakumbulwile ngwange, “Njambi wa Mwilu ikeye akatuhyanesa. Yetu tunapu tu vangamba vendi, co tulinakushangumuka kutunga vene. Oloni yeni kumwesi na mutambela nambe moko, nambe amo akumyanukilao muno mu Yelusalema.”

Nehemiya 9:23

Wavanene vana vavangi manene ngwe vingongonosi vya mwilu, co wavatavele kuvafungulula nakukala mu lifuti, lije liwakulaesele vakukulwila vavo kuvanalyo.

Myaso 107:38

Shukulu Kalunga wavezikisile vanu vendi, co vakele na vana vavangi, katavele ngeci matanga a vingombe vyavo atepuluke.

Myaso 89:3

Yove wendekele ngwove, “Njinalingi cikumiiyo na uje injinaangula, njinalisingi na ngamba yange Ndaviti,

Kutuuka 1:7

oloni vatekulwila vavo, vaIsalele, vakitile nakutuma manene, co vapwile vaka-nzili, ngecivene, vatumine mu lifuti lya Ingito mwoshe.

Kutuuka 2:25

Ngecivene, Njambi wamwene vundungo vwa vaIsalele, co wavazivilile mema ku mbunge.

Kutuuka 6:4

Co lalo njalikumiiye navo cikumiiyo cange, njavakulaesele kuvana lifuti lya Kanana, mu lifuti muje muvakele omo vapwile vangenzi.

Isaya 55:3

“Yeni vanu vange tolilileni, ijeni kuli yange, co mukakala na mwonyo! Njikalikumiiya neni cikumiiyo ca myaka yoshe, nakumivezikisa vivezikiso vije vinjakulaesele Ndaviti.

Njelemiya 23:3

Njikatundisa vanu vange vaje vanasalao ku mafuti kuje kunjavashandwelelele, co njikavelwisa mu lifuti lyavo. Vakakala na vana vavangi, co vakatuma manene.

Njelemiya 23:4

Njikemika vaka-kushwana ngeci vavanyunge. Vanu vange kuvakazivi lalo lyova nambe kutewa, co naumo wai akazimbalao lalo. Yange Kalunga, njinendekamo.”

Njelemiya 33:3

Njihule, co njikakukumbulula, nakukuleka vyuma vyakama vyakukomokesa.

Ezekiyele 16:62

Njikakolesa cikumiiyo nove, co ukazivuka ngeci yange njapwa Kalunga.

Ezekiyele 36:9

Yange njili neni amo, co mwa vushunga mukalima lalo lifuti lyeni nakukunamo vimbuto.

VaLevi 26:15

Nga muvyana kwononoka vizilika vyange, nakulimbulula vilongesa vyange, kunyunga mashiko ange, nakupokola cikumiiyo cange cije njalikumiiye neni,

Luka 1:72

Wendekele ngwendi akamwesa mema ku mbunge kuli vakukulwila vetu nakwanuka cikumiiyo cendi cakujela.

Kwituluka mu Mashiko 28:11

Shukulu Kalunga akamyana vana vavangi, na vimuna vavangi, na vimbuto vyavingi mu lifuti lije walisingile na vakukulwila veni kumyanalyo.

Kwituluka mu Mashiko 28:4

“Shukulu Kalunga akamivezikisa nakumyana vana vavangi, na vimbuto vyavingi, amo na vingombe na vimanga vavangi.

Kwituluka mu Mashiko 7:13

Co ikeye akamizema nakumivezikisa, mukatuma nakukala na vana vavangi, na vimbuto mu mahya eni, na vimbuto vya vinona, na vinyu vyaviha, na mazi a olive, nakumyana vimuna vavangi, na vimanga vavangi. Ikeye akamyana vivezikiso vyoshe evi mu lifuti lije wakulaesele vakukulwila veni kumyanalyo.

VaHevelu 8:9

Co kunjikalingi lalo cikumiiyo ngwe muje njalingile kuli vakukulwila vavo a litangwa lije njavatundisile mu lifuti lya Ingito nakuvatwamenena na livoko lyange. Kuvapwile vaka-kulongwa ku cikumiiyo cije njalingile navo, ngeci kunjakeleko mbunge kuli vakevo lalo.