VaLevi 26:6 - Livulu lya Shukulu Kalunga

⁶ “Mukakala mu kwoloka kuluu mu lifuti lyeni, co kumukazivi lyova. Njikatundisa vushonde vwa tusitu vavavi mu lifuti lyeni, kumukakala lalo nzita muje.

VaLevi 26:6 Iomraidhean Croise

2 Vimyene 2:24

Co Elisha watengulukile, wavakengele na vukalu, wavasingile mu lizina lya Shukulu Kalunga. Co mu shwata mwatundile vambeya vavali va lwavo, vezile nakusanyozola vanike va vanalume vakupwa makumi awana na vavali.

1 Mizimbu 22:9

Nameme ngoco, ikeye wanjikulaesele ngwendi, ‘Ukakala na mwana uje akashwana mu kwoloka, omwo njikamwana kwoloka kuli vitozi vendi voshe. Lizina lyendi likapwa Solomoni, omwo a simbu yakushwana kwendi njikana Isalele kwoloka nakukala mwamuvwa.

2 Mizimbu 20:30

ngecivene, Njosefati washwanene mu kwoloka, omwo Njambi yendi wamwanene kuhwima ku mitambela yoshe ije yamuzengelekele.

Yombi 11:19

Kuukatewe vitozi vove embwe, vanu vavangi vakakulomba ngeci uvakwase.

Yombi 5:23

Mahya awukalima kuwakakala na shaku, co vikashama kuvakakulwisa.

Myaso 144:14

Vingombe vyetu vasemunwine nakutuma manene-nene, kujeneka kupulumwisa, nambe kwonwa kusema. Mu vitapalo vyetu lalo kesi mukale mitambi yakulila embwe.

Myaso 147:14

Ikeye aana kwoloka kuluu ku vinginga vyove, nakukwana tiliku yaivwa ngeci ulye.

Myaso 29:11

Shukulu Kalunga akana nzili kuli vanu vendi, nakuvavezikisa kwoloka.

Myaso 3:5

Njilala nakuya mu tulo, co ku mutondo njinduka omwo Shukulu Kalunga akanjinyungu.

Myaso 4:8

Omo njilala, co njiya mu tulo ngwe muje mwalalele mbuli mutenga, yove lika Shukulu Kalunga, u muka-kunjinyunga mwamuvwa.

Myaso 85:8

Njikatolilila vije vyendeka Shukulu Kalunga Njambi, nakulaesa kwoloka kuli yetu vanu vendi va kulongwa kuli ikeye, nga kutwilukila ku vulema vwetu.

Kutuuka 23:29

Kunjikavashekemo a mwaka umolika embwe, nga njilingamo, co lifuti likapwa vingundu, co tusitu vakatuma manene lalo.

Visimo 3:24

Kuukazivi lyova omo uya a vulili nakulala, ukalala mwamuvwa vutsiki vwoshe.

Visimo 6:22

Vilongesa vyavo vikakutwamenena mu ngila omo wenda, vikevyo vikakunyunga ku vutsiki omo ulala, nakukunangula ku mutanya omo winduka.

Isaya 35:8

Tapalo yaivwa ikaita muje, vakaitumbula ngwavo, “Tapalo Yakujela.” Kukwesi muka-vuvi akendamo, kukwesi cilema akasevwisa vaje vaikava.

Isaya 35:9

Vindumba kuvakakalamo embwe, nambe tusitu vakutewesa kuvaketimo. Kuvanga lika vaje vanapatula Shukulu Kalunga vakevo lika vakenda mu ngila ije.

Isaya 45:7

Yange njitanga ceke na lisusulungu, njinena vivezikiso nakuvindama na tuyando. Yange Kalunga, muka-kulinga vyuma evi vyoshe.

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Njelemiya 30:10

Yeni vanu vange, kesi muzive lyova, yeni vanu va Isalele kesi mujaje embwe. Njikamyovola ku lifuti lije lya kulyala, ku lifuti lije ku muli mu vunzinda. Mukeluka kwimbo, co mukayoya mu kwoloka, mukakala mwamuvwa, naumo wai akamizivisa lyova.

Njelemiya 31:26

Ngecivene, vanu vakendeka ngwavo, ‘Njalalele, co njinenduka njili mwamuvwa ngu.’

Ezekiyele 14:15

“Nambe nga njituma tusitu mukutsiya vanu, co lifuti likale mu vushonde, ngeci munu naumo wai ase kwitamo,

Ezekiyele 14:17

“Nambe nga njanenele nzita a lifuti lije, nakutuma vitwa vyakunyongesa, nakuzilula vanu na tusitu mu cifwa cimolika,

Ezekiyele 14:21

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Njikatuma vihiso vyange viwana vyakama manene a Yelusalema, nzita, na njala ya lyangengela na vikashama na mushongo, mukunyongesa vanu na tusitu mu cifwa cimo.

Ezekiyele 34:25

Njikalikumiiya navo cikumiiyo ca kwoloka. Njikatundisa tusitu voshe va vushonde mu lifuti, ngeci vimanga vange vakakale mwamuvwa mu mahya nakulala mwamuvwa mu shwata.

Ezekiyele 34:27

Miti ikema vushuka, co mu mahya mukamena vimbuto, munu akakala mu kwoloka mu lifuti lyendi vavenya. Omo njikavatula malyenge a vanu vange nakuvapatula kuli vaje vavapwisile vinzinda, asinoni vakazivuka ngeci yange njapwa Kalunga.

Ezekiyele 5:17

Njikatuma njala na vikashama mukutsiya vana veni, co njikatuma lalo mishongo na vukalu na nzita mukumitsiya. Munjinendeka yange Kalunga.”

Hoziya 2:18

Co a simbu ije njikalikumiiya cikumiiyo na tusitu voshe va mu shwata na tuzila, ngeci kesi vakavulumune vanu vange. Njikatundisa lalo vitwa vyoshe vya nzita mu lifuti, mikwale yoshe na mata a lusipa oshe, co njikatava vanu vange ngeci vayoye mu kwoloka na mukujeneka vushonde.

Hoziya 2:20

Njikanyunga cikulaeso cange nakukupwisa u wange wa cikongo ca mbunge, co ukazivuka ngeci yange nji Kalunga.

VaLevi 25:18

“Ononokeni mashiko oshe a Shukulu Kalunga na kushika kwendi, ngeci mukayoye mwamuvwa mu lifuti.

VaLevi 25:19

Livu likamenesa vimbuto, co mukakala na vyoshe vimukashaka kulya ngeci mukakale mwamuvwa.

VaLevi 26:22

Co njikatuma tusitu vavavi akati keni, co vakevo vakatsiya vana veni, nakunyongesa vimuna veni, vakaseza lika vavandondo, na vingila vyeni vikapunda.

VaLevi 26:25

Njikanena nzita ali yeni ya kumihisa omwo munapokola cikumiiyo cange, nga mukalikungulwila mu vinganda vyeni nakuvandamo, co njikatuma mushongo wa lulanga akati keni, njikamikundika kuli vitozi veni ngeci vakamishwane.

VaLevi 26:7

Co mukafungulula vitozi veni.

Mika 4:4

Vakakala mu kwoloka akati ka mikolovozi ya vushuka vwa vinyu yavo na miti ya mikuyu yavo, co naumo wai akavazivisa lyova. Shukulu Kalunga muka-nzili yoshe nakulaesa eci.

Zefaniya 3:13

Vanu va mu Isalele vaje vanasalao kuvakalingi lalo vuvi ku munu umo embwe, co kuvakendeka makuli, nambe kweseka kukwisa vakwavo. Co vakavezika nakukala mu kwoloka, co naumo wai akavazivisa lyova.”

Hangai 2:9

Njuvo yange yaiha ikapwa yaivwa manene kutuvakana ije yakulivanga. Co njikana vanu vange vuvwa na kwoloka.” Mwanendeka Shukulu Kalunga, Muka-nzili yoshe.

Zakaliya 9:10

Shukulu Kalunga alinakwendeka ngwendi, “Njikatundisa matemba a nzita mu Isalele, nakutundisa tuvalu mu Yelusalema, mata a lusipa aje vapangesele mu nzita njikaanyongesa. Mwene yeni akanena kwoloka akati ka miyati ya vanu, ikeye akashwana kutunda ku mema a kalunga amo nakweta ku mema a kalunga akwavo, kutunda ku Ndonga ya Yufuleti nakweta ku shongo ya ano asi oshe.”

Yowano 14:27

“Kwoloka njimisezela, kwoloka kwange njilinakumyana. Kesi ngwe muvakana muje vaka-kaye. Kesi mulishoshomwene mu vimbunge vyeni, nameme kesi muzive lyova.

Vilinga vya Miluwa 12:6

Vutsiki vuje vene simbu kanda Helonde amutuule nakumutwala kuli vanu, Petulu walalele mukati ka vaka-kumunyunga vavali. Vamukutile mu malyenge avali, co lalo kwakele vaka-kunyunga ku cikolo ca kamenga.

Loma 5:1

Ngecivene, omo vanatupwisa vaka-vushunga ku mesho a Njambi akukulaela, co tuli mu kwoloka na Njambi ali Mwene yetu Yesu Kilistu.