VaLevi 26:45 - Livulu lya Shukulu Kalunga

⁴⁵ Co njikanuka cikumiiyo cije njalikumiiye na vakukulwila vavo omo njasholwele nzili yange ku miyati yoshe akutundisa vanu vange mu Ingito, ngeci njipwe Njambi yavo. Yange Njapwa Kalunga.”

VaLevi 26:45 Iomraidhean Croise

Kushangumuka 12:2

Njikatumisa vatekulwila vove, co vakapwa muyati wakama. Njikakuvezikisa nakutsimanesa lizina lyove, ngecivene, vavangi vakawana kuvezika muli yove.

Kushangumuka 15:18

A litangwa lije vene, Shukulu Kalunga walikumiiye cikumiiyo na Avilama ngwendi, “Njikulaesa kwana lifuti eli lyoshe ku vatekulwila vove, kutunda ku nginga ya Ingito nakweta ku Ndonga ya Yufuleti,

Kushangumuka 26:24

Ku vutsiki vuje, Shukulu Kalunga washolokele kuli ikeye wendekele ngwendi, “Yange Njambi ya isho Avilahama. Kesi uzive lyova, njili amo nove. Njikakuvezikisa, co njikatumisa vatekulwila vove omwo acikulaeso cange kuli ngamba yange Avilahama.”

Kushangumuka 28:15

Kenga, njikakala amo nove nakukunyunga kwoshe kuukaya, co njikakwilwisa lalo mu lifuti lino. Kunjikakuseze nalumo lwai noo njinalingi evi vyoshe njinakukulaesavyo.”

Kushangumuka 9:15

co njikanuka cikumiiyo cange akati keni nange na ku tusitu voshe ngeci livazi kulikanyongesa lalo vyoshe vyakuyoya.

Myaso 106:45

Shukulu Kalunga wanukile cikumiiyo cendi omo vakevo, co watengulwile viyongola vyendi omo cizemo cendi cije kucesi kutenguluka.

Kutuuka 2:24

Njambi wazivile kukemanga kwavo, wanukile cikumiiyo cendi na Avilahama, na Isake, na Yakomba.

Kutuuka 20:2

“Yange njapwa Kalunga Njambi yeni, uje wamitundisile mu Ingito, kuje kumwakele mu vinzinda.

Kutuuka 6:6

Ngecivene, leka vaIsalele ngwove, ‘Yange njapwa Kalunga, njikamipatula mu vundungo vweni kuli vaka-Ingito. Njikajundula livoko lyange lya nzili mukusholola cihiso cakukomokesa ali vakevo, oloni yeni njikamikula.

Kutuuka 6:8

Co njikamitwala mu lifuti lije njakulaesele kulyana kuli Avilahama, na Isake, na Yakomba, co njikalyana kuli yeni kupwa vushwana vweni. Yange njapwa Kalunga.’ ”

Ezekiyele 20:14

Oloni kunjalingilemo, nga njalingilemo, nga lizina lyange lyashaukile akati ka miyati ya vanu vaje vanjimwene njitwamenena vaIsalele kutunda mu Ingito.

Ezekiyele 20:22

Oloni kunjalingilemo, nga njalingilemo, nga lizina lyange lyashaukile akati ka miyati ya vanu vaje vanjimwene njitwamenena vaIsalele kutunda mu Ingito.

Ezekiyele 20:9

Oloni kunjalingilemo, nga njalingilemo, nga lizina lyange lyashaukile, omwo ku mesho a vanu vaje vakele nakukala amo kuje, njambulwile ngwange njikatundisa Isalele mu Ingito.

VaLevi 11:45

Yange njapwa Kalunga uje wamitundisile mu lifuti lya Ingito ngeci njipwe Njambi yeni. Munapande kupwa vakujela omo yange njapwa wakujela.

VaLevi 22:33

Yange njamitundisile mu Ingito ngeci njipwe Njambi yeni. Yange njapwa Kalunga.”

VaLevi 25:38

Yange njapwa Kalunga Njambi yeni, uje wamitundisile mu Ingito ngeci amyane lifuti lya Kanana, co njipwe Njambi yeni.”

Loma 11:12

Vuvi vwa vaYunda vwanenele vivezikiso vyakama mu kaye, co kuutwa kwavo kwa mu munzinzime kwanenele vivezikiso vyakama kuli vaje kesi vaYunda. Ngecivene, vikapwa vatijo vivezikiso vyakama manene omo vungi vwa vaYunda vanavawezelela!

Kwituluka mu Mashiko 4:31

Omwo Shukulu Kalunga Njambi yeni ikeye Njambi wa mema ku mbunge. Co ikeye kakamiseze nambe kuminyongesa embwe, nambe kwivala cikumiiyo cije walikumiiye na vakukulwila veni.

Kwituluka mu Mashiko 9:27

Anuka vangamba vove, va Avilahama, na Isake, na Yakomba, kesi ukenge kukukaluwa kwa vimbunge vya vanu ava, nambe ku kupenga-penga kwavo, nambe ku vuvi vwavo embwe.