VaLevi 26:44 - Livulu lya Shukulu Kalunga

⁴⁴ Oloni nameme ngoco, omo vacili mu lifuti lya vitozi vavo, kunjikavombila kuti embwe, nambe kuvanyongeselela. Kunjikapokola cikumiiyo cange navo, omwo yange njapwa Kalunga Njambi yavo.

VaLevi 26:44 Iomraidhean Croise

Kushangumuka 17:7

“Njikakolesa cikumiiyo cange kuli yove na kuli vatekulwila vove ku visemwa vyavo vyoshe vya kulutwe. Cikapwa cikumiiyo cije kucesi kuhwa ca ku myaka yoshe, ngeci njikapwa Njambi yove, na Njambi ya vatekulwila vove.

2 Vimyene 13:23

oloni Shukulu Kalunga wakele na ngozi na mema ku mbunge ali vakevo. Ikeye kavecelele ngeci vavanyongese embwe, oloni wavakwasele omwo ya cikumiiyo cendi kuli Avilahama na Isake na Yakomba. Ikeye kevalele vanu vendi embwe.

Nehemiya 9:17

Vavyanene kukwononoka, co vevalele vyoshe vije viwalingile. Vevalele vikomokeso vije viwalingile. Mu kulyalesa kwavo, vaangwile ntwama ngeci avelwisile lalo ku vunzinda ku Ingito. Oloni yove wapwa Njambi muka-kusambesa, muka-ngozi na cizemo, kuwesi kuluvala vwasi. Kutetela kwove kwapwa kwakama, co kuwavasezele.

Nehemiya 9:31

Omwo ngozi yove yakama, kuwavasezele nambe kuvanyongesa. Yove Njambi muka-ngozi na mema ku mbunge!

Myaso 103:13

Ngwe ishe ya munu atetela vana vendi, mukemwo lalo Shukulu Kalunga mwakatetela vaje vamukomoka.

Myaso 89:33

Oloni cizemo cange cije kucesi kutenguluka kucikatundu ali Ndaviti, nambe kwonwa kunyunga cikumiiyo cange kuli ikeye.

Myaso 94:14

Shukulu Kalunga kakavyana vanu vendi, nameme kwivala muyati wendi uje wanaangula.

Njelemiya 14:21

Anuka vikulaeso vyove, co kesi utuyeluwise, kesi uzivise shwamwa Yelusalema mwela uje wa litanda lyove lya vumpau. Kesi upokole cikumiiyo cije walikumiiye netu.

Njelemiya 24:5

“Yange Kalunga, Njambi ya Isalele, njayongola ngwange vanu vaje vavatwala ku Mbambilone vanafu ngwe vushuka vwa mikuyu vuje vwavuvwa, njikavazivila mema ku mbunge.

Njelemiya 30:11

Yange njili amo neni nakumyamena. Njikanyongesa miyati ya vanu voshe, kuje kunjamishandwelelele, oloni kunjikaminyongesa, kunjikamyecelela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

Njelemiya 31:20

“Isalele, yove wapwa munange injazema manene, wapwa mwana injazema manene kutuvakana. Nameme njishaka kukunyanyamesa, anga vene njikuyongola. Mbunge yange ikushaka manene, co njikakuzivila mema ku mbunge.

Njelemiya 33:26

Mwa vushunga omo njinalingi evi, yange njikakolesa cikumiiyo cange na vatekulwila va Yakomba, na ngamba yange Ndaviti. Njikaangula umo wa vatekulwila va Ndaviti kushwana a vatekulwila va Avilahama, na Isake, na Yakomba. Njikazivila vanu vange mema ku mbunge, co vakavezika lalo.”

Ezekiyele 16:60

Oloni njikanuka cikumiiyo cije njalikumiiye nove omo wapwile u mwanike, co njikalikumiiya cikumiiyo nove cije cikakala myaka yoshe.

VaLevi 26:11

Njikakala akati keni mu mbalaka yange yakujela, co kunjikamikengesa nima.

Loma 11:2

Njambi kavyanene vanu vendi, vaje vaangwile kutunda ku san̄ulu. Yeni mwazivuka muvinendeka visoneka mu mutambela kuje vendeka Elinja alambelela Njambi ali Isalele ngwendi,

Loma 11:26

Eyi ikeyo ngila vanu va Isalele voshe vakavaamena nayo. Ngwe muvyendeka visoneka ngwavyo, “Muyoyesi akatunda ku Siyone, co akatundisa kupenga-penga kwoshe ku vatekulwila va Yakomba.

Maako 2:1

Co kangelo ka Shukulu Kalunga watundile ku Ngilingale walamatele ku Mbokime, wendekele kuli vaIsalele ngwendi, “Yange njakamitundisile ku Ingito, njaminenele mu lifuti lino njakulaesele vakukulwila veni. Co njendekele ngwange, ‘Kunjikapokola cikumiiyo cange neni.