VaLevi 26:4 - Livulu lya Shukulu Kalunga

⁴ co njikanyokesa nyonzi a simbu yayo yaivwa, co livu likamenesa vimbuto, na miti lalo ikaima vushuka vwavungi.

VaLevi 26:4 Iomraidhean Croise

1 Vimyene 17:1

Muka-kwimanena umo lizina lyendi Elinja, wa ku Tisheve mu Ngilyande, wendekele kuli Mwene Ahave ngwendi, “Mu lizina lya Shukulu Kalunga, Njambi wakuyoya wa Isalele, ou injipangela, njikuleka ngwange kukukakala lime nambe nyonzi mu myaka ivali nambe itatu kuvanga noo yange njinendekamo.”

Yombi 5:10

Ikeye akanyokesa nyonzi ano a kaye, nakunyokesa lalo nyonzi mu mahya.

Myaso 104:13

Yove ukanyokesa nyonzi a malundu yakutunda mwilu, asi anashulu na vivezikiso vyove.

Myaso 67:6

Vimbuto vinamene mu livu, Njambi, uje wapwa Njambi yetu natuvezikisa.

Myaso 67:7

Njambi natuvezikisa, vanu voshe kwoshe-ikwoshe vamusingimike.

Myaso 68:9

Wanyokesele nyonzi yaingi manene, ije yakolesele livu lyakukushungukwa

Myaso 85:12

Mwa vushunga Shukulu Kalunga, akana vije vyavivwa, co tukateja vimbuto vyavingi mu lifuti lyetu.

Myaso 85:13

Vushunga vukaya kulutwe lwa Shukulu Kalunga, nakumuvwaesela ngila ngeci endelemo.

Isaya 30:23

Omo mukuva vimbuto vyeni, Shukulu Kalunga akanyokesa nyonzi yakuvikulisa, co mukateja vimbuto vyavingi, vimuna vyeni vakakala na mwila waungi.

Isaya 5:6

Njikacecelela cikule mu shaku, kunjikasalulamo minango nambe kushakwila mikolovozi ya vushuka vwa vinyu, nambe kulimamo, oloni njikecela mishwena na mambimbo icifwike. Co lalo njikavindika mashelwa kunyokelamo nyonzi.”

Njelemiya 14:22

Kukwesi tumponya twa vaka-mafuti vasa kunyokesa nyonzi, lilu alyo lika kulyasa kunyokesa nyonzi ya vusuku-mbundu. Yetu tunaka cinyangavili cetu muli yove Shukulu Kalunga Njambi yetu, omwo yove lika muka-kulinga vyuma vyoshe evi.

Ezekiyele 36:30

Njikawezelela miti ya vushuka vweni na vimbuto vya mu mahya eni, ngeci kesi kukakale njala ya lyangengela lalo yakumishawisa akati ka miyati.

Njwele 2:22

Eni tusitu, kesi muzive lyova. Mwila ulinakujovelela, miti ilinakwima vushuka vwayo, co mikuyu yaingi manene na mikolovozi ya vushuka vwa vinyu inapu yaingi.

VaLevi 25:19

Livu likamenesa vimbuto, co mukakala na vyoshe vimukashaka kulya ngeci mukakale mwamuvwa.

VaLevi 25:21

Shukulu Kalunga akavezikisa livu mu mwaka wamucitanu na umo, likaima vyakulya vyakupwisa mu myaka itatu.

Zakaliya 8:12

Vakakuna vimbuto vyavo mu kwoloka. Co miti yavo ya mikolovozi ya vushuka vwa vinyu ikaima vushuka, livu likakala na vwilo mukutuwisa vimbuto, co kukakala nyonzi yaingi. Vivezikiso vyoshe evi njikavyana kuli vanu va ku muyati wange vaje vanasalao.

Mateo 5:45

ngeci mupwe vana va Ishweni ali mwilu. Omwo ikeye akatuwisila litangwa lyendi a vanu vavavi na ali vanu vavavwa, co akanyokesa nyonzi ali vaka-vushunga na ali vaka-vuvi.

Vilinga vya Miluwa 14:17

Oloni visimbu vyoshe waanene vukaleo vwakukala kwendi vavenya a vyuma vyavivwa vije vyakalingi, co akamyana nyonzi yakutunda mwilu na vimbuto a simbu yaivwa, akamyana vyakulya nakushulisa vimbunge vyeni nakuvwaelela.”

Kwituluka mu Mashiko 11:13

“Ngecivene, mukononoka mashiko ange awa anjilinakumishika ku litangwa lya lelo. Mukazema Shukulu Kalunga Njambi yeni nakumupangela na vimbunge vyeni vyoshe, na mwonyo weni woshe.

Kwituluka mu Mashiko 11:14

Nga mulingamo, co akanyokesa nyonzi mu lifuti lyeni a simbu yayo, nyonzi ya musanda na ya likuvula-shoke, ngeci mukateje vimbuto vyeni, co mukakala na vinyu vyaviha, na mazi a olive.

Kwituluka mu Mashiko 28:12

Co Shukulu Kalunga akanyokesa nyonzi a simbu ya ndombo, co akavezikisa vipangi vyeni vyoshe, ngecivene, mukakumwisa miyati yaingi, oloni yeni kumukakumuna ku muyati umo.

Yakomba 5:7

Ngecivene, pweni vaka-kusimpa, vasamba vange, noo Mwene akaija. Kengeni kusimpa kwa ndimi omo avandamena lihya lyendi limene vimbuto vyavivwa. Akavandamena noo na ku nyangao na ku simbu ya ndombo.

Kujombolola 11:6

Vali na moko yakuvindika mashelwa ngeci nyonzi kesi inyoke simbu vacili nakwambulula lijwi lya Njambi. Vali lalo na moko a mema a tuvwelu-vwelu, kuwatengulula ngeci apwe maninga, vali lalo na moko yakuviisa kaye na miyati yoshe ya tuyando mwoshe-imwoshe muje muvashaka kulinga.