VaLevi 26:39 - Livulu lya Shukulu Kalunga

³⁹ Vamo veni vaje vanasala mu lifuti lya vitozi veni, vakongwa omwo vuvi vweni na a vuvi vwa vakukulwila veni.

VaLevi 26:39 Iomraidhean Croise

2 Mizimbu 34:24

ngeci Shukulu Kalunga nendeka majwi awa ngwendi, “Njikanyanyamesa Yelusalema na vanu vamwo voshe, ngwe muvanasoneka mu livulu lije livanalavela mwene.

Ezela 9:7

Kutunda ku matangwa a vakukulwila vetu nakweta ku litangwa lya lelo, yetu vene, vanu vove, tunalingi vuvi vwakama manene. Omwo a vuvi vwetu, yetu na vimyene vetu, na vaka-kukombelela vetu tunawila mu mavoko a vimyene veka, co vanakala nakututsiya, nakutwivila, nakututwala mu vunzinda. Vanatuzivisa shwamwa manene, ngwe mutunafu lelo.

Nehemiya 1:9

Oloni nga mwiluka kuli yange, nakunyunga mashiko ange nakuwalinga, co nameme mwashandokelele ku shongo ya mafuti aano asi, njikamiilwisa ku mwela uje unjinaangula kupwa wakunjilemesela.’

Kutuuka 20:5

Kesi mukatsikamene tumponya, nambe kutulemesa, omwo yange Kalunga Njambi yeni, njapwa Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.

Kutuuka 34:7

Yange njimwesa cizemo cije kucesi kutenguluka ku makulukazi a vanu, nakuvasambesa ku milonga yavo na ku kupenga-penga kwavo, na ku vuvi vwavo. Oloni kunjikajuka kunyanyamesa vana na vatekulu ku cisemwa camucitatu neci camuciwana a vuvi vwa visemi vavo.”

Isaya 14:21

Tukatsiya vana vove va vanalume mukufweta vuvi vwa vakukulwila vavo. Naumo wai akashwana ano asi, nambe kutunga vinganda ano asi.’ ”

Isaya 24:16

Tukaziva myaso yakutunda ku mitambela yakulyala ya ano asi yakushangazala Isalele, muyati wa vushunga. Oloni kunjesimo na cinyangavili! Njinanyongo! Vaka-makuli valinakulinga vungungu, co makuli avo anaama manene.

Njelemiya 29:12

Asinoni mukatambeka kuli yange. Co mukaija nakulomba kuli yange, njikamikumbulula.

Njelemiya 3:25

Tuli na vusiwa, co shwamwa yetu inatufwiki, omwo tunalingi vuvi kuli Shukulu Kalunga Njambi yetu, yetu na vakukulwila vetu kutwononokele mashiko endi.”

Njelemiya 31:29

Omo simbu ije ikaija, vanu kuvakendeka lalo ngwavo, ‘Visemi valile mikolovozi ya vushuka vwa vinyu vwakukamata. Oloni vana vavo vakevo vazivile kukamata mu tunwa twavo.’

Mbimbi 1:3

Vanu va mu Yunda vanapu vinzinda, vanaseze membo avo, omwo kayando kakama manene na mapakeso a muuka, valinakuyoya mu mafuti eka, kuvesi na mutambela wavo. Vitozi vavo vanavazengeleka ku mitambela yoshe, noku kuvatewela kwai.

Mbimbi 4:9

Vaje vatsililile mu nzita vatsile mwamuvwa kutuvakana vaje vanatsi kukotokela, vaje valandukile ku njala noo vatsile omwo vajenekele vyakulya vyakuvayoyesa.

Ezekiyele 18:19

“Oloni wihula ngwove, ‘Omwo vikajo mwana kayandela a vuvi vwa ishe?’ Kukumbulula cinapu ngeci, uje mwana walingile vushunga na vuvwa. Wanyungile mashiko ange nakuwakava mwamuvwa, co mwa vushunga akayoya.

Ezekiyele 20:43

Asinoni mukanuka vyuma vyoshe vya vunyengwe vimwalingile na muje mumwalijwalesele. Mukaziva vunyengwe omwo vyuma vyoshe vije vyavivi vimwalingile.

Ezekiyele 24:23

Mukazala tulupusa ku mitwe yeni, nakuzala vin̄aku ku mendi eni, kumukalinyenge, nambe kulila, oloni mukanyonga omwo vuvi vweni, co umo na umo weni akakemanga.

Ezekiyele 33:10

Shukulu Kalunga wendekele kuli yange ngwendi, “Muna munu, ilukilamo lalo kuli vaIsalele vije vivalinakwendeka ngwavo, ‘Tunalemuwa na vuvi vwetu na kupenga-penga cije citunalingi. Tulinakunyonga. Vatijo twasa kuyoya?’

Ezekiyele 36:31

Mukanuka futisi ya vuvi vweni na kupenga-penga kuje mwalingile, co mukakala na vunyengwe yeni vavenya, omwo vuvi vweni na milonga yeni.

Ezekiyele 4:17

Vakajeneka makende na mema, vakatumbama ngoco, co vakanyonga mu vuvi vwavo.”

Ezekiyele 6:9

kuje vakakala mu vunzinda. Co kuje vakanjanuka, nakuzivuka ngeci yange njinavahisa nakuvazivisa shwamwa, omwo vimbunge vyavo vyakujeneka kukulaela vyanjisezele, co vazemene tumponya kutuvakana yange. Co vakaziva vunyengwe, omwo vuvi na vyuma vya shwamwa vije vivalingile.

Hoziya 5:15

“Co njikakengesa nima vanu vange noo vanapwisamo kuyanda omwo vivi vyavo, co vakeluka lalo nakunjishakezeka. Amo omo a tuyando twavo vakeseka kunjishakezeka.”

Zakaliya 10:9

Nameme njavashandwela akati ka miyati ya vanu, oloni ku mitambela yakulyala kuje vali vakanjanuka. Vakevo na vana vavo vakayoya, co vakeluka mumolika kwimbo.

Kulava 14:18

‘Yange Kalunga kunjesi kuluvala vwasi embwe. Njashula na cizemo cije kucesi kutenguluka nakusambesa vuvi vwavo nakutengulukila kwavo. Oloni kunjikonwa kunyanyamesa vana na vatekulwila a vuvi vwa vaishavo ku cisemwa camucitatu neci camuciwana.’

Kwituluka mu Mashiko 28:65

Akati ka miyati ije kumukawana kwoloka, kukwesi mutambela umo uvakatumbula ngwavo unapu weni wai. Oloni Shukulu Kalunga akamyana vimbunge vyakujakama, kujeneka kumbako mbunge, nakuzeya kwakama.

Kwituluka mu Mashiko 30:1

“Co yange njinamyana kulyangwila akati ka vivezikiso na visingo. Omo vyuma vyoshe vije vanalingi kuli yeni, co yeni mulinakukala akati ka miyati muje mwanamishandwela Shukulu Kalunga Njambi yeni, co mukanuka majwi ange oshe.

Kwituluka mu Mashiko 5:9

Kesi mukatsikamene tumponya, nambe kuvalemesa, omwo yange njapwa Kalunga Njambi yeni, Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana.

Kwituluka mu Mashiko 8:20

Nga yeni kumwononoka Shukulu Kalunga, co mukanyonga ngwe muje Shukulu Kalunga mwakanyongesa miyati ije vali kulutwe kuje mulinakuya.