VaLevi 26:36 - Livulu lya Shukulu Kalunga

³⁶ “Co njikalingisa cova-ova kuli vaje vanasalamo. Eli likapwa lyova lyakama manene, co vakatewa nameme cililimo ca liputa lije lilinakulipekumukila ngoco na lihunzi. Vakatewa ngwe vanu vatewa nzita, co vakaliwila-wila ngoco, nambe vitozi vavo kuvavashwenyele.

VaLevi 26:36 Iomraidhean Croise

Kushangumuka 35:5

Omo Yakomba na vana vendi vakatukile nakuya, co vaje vanu vakele mu vinganda kuyehi navo vazivile lyova lyakama manene lya Njambi, co kuvasele kuvakava.

Kushangumuka 4:12

Nga ukeseka kukuna vimbuto, co livu kulikamenesa cuma cimo. Kutunda lelo na kulutwe kuukakala na limbo, ukapwa muka-kwendangana lika ano asi.”

2 Mizimbu 14:14

Asinoni vanyongesele vinganda vije vyazengelekele Ngelale, omwo vanu vamwo vakele na lyova lya Shukulu Kalunga. Co mashwalale vapukwile vyuma vyoshe vya muje mu vinganda omwo mwakele vufuko vwavungi manene.

Yombi 13:25

Yove ulinakweseka kunjizivisa lyova ndi? Yange njiwangoco, njinapu ngwe liputa, ulinakulwisa mpindi ya cishati cakuma.

Myaso 53:5

Oloni vakaziva lyova lyakama, lyova lije kulyakeleko lalo, omwo Njambi akashandola vitsiya vya vitozi va vanu vendi. Mukavazivisa shwamwa omwo Njambi navavyana.

Myaso 53:6

Nga kwamena kwa Isalele kwatundile ku Siyone! Omo Njambi akelwisa vanu vendi vaje vatwalele mu vunzinda, co Yakomba akavwaelela, na Isalele akajolela.

Myaso 89:43

Kuwamulwililileko mu nzita, co unamwecelela ngeci vamufungulule.

Visimo 28:1

Vaka-vuvi vatewa nambe wai avasheka, oloni muka-vushunga wapwa wakusimpa ngwe ndumba.

Isaya 30:17

Vanu vakupwa 1,000 vakatewa omo vakamona citozi wa lishwalale umo, co mashwalale vatanu vasa kumisheka yeni voshe. Nacimo cai ca nzita yeni cikasalao kuvanga citi ca pandelo lika cije cikasala akamwa ya lilundu.

Isaya 7:2

Omo lijwi lyetele kuli mwene wa mu Yunda ngwavo mashwalale va Silya vanete laja mu lifuti lya Isalele, ikeye na vanu vendi voshe vakele na lyova, co valijajelele ngwe miti ilinakuninganga na lihunzi.

Isaya 7:4

Mulekeni ananguke, ngeci akale mu kwoloka, co kesi azive lyova nambe kujujuka a vukalu vwakama vwa Mwene Lezine wa ku Silya, na vukalu vwa Mwene Peka vuje vunapu ngwe vimbundi vivali vya tuhya vilinakukakama vwisi.

Njelemiya 37:10

Nameme nga mukafungulula mbunga ya mashwalale va Mbambilone voshe, nakuseza lika vanalume vakuvetwa vanalala mu vimbalaka vyavo, oloni vanalume vaje vakuvetwa anga vene vakenduka nakwenyeka nganda eyi.”

Njelemiya 46:16

Mashwalale veni vanatanuka ali umo na mukwavo ngeci vanau, co valyendekesa umo na mukwavo ngwavo, ‘Induka! Tutewele ku lifuti lyetu, tuputumuke ku mukwale wa citozi!’

Mbimbi 1:3

Vanu va mu Yunda vanapu vinzinda, vanaseze membo avo, omwo kayando kakama manene na mapakeso a muuka, valinakuyoya mu mafuti eka, kuvesi na mutambela wavo. Vitozi vavo vanavazengeleka ku mitambela yoshe, noku kuvatewela kwai.

Mbimbi 1:6

Vuvwa vwa Yelusalema vunahu, vantwama vendi vanapu ngwe vishonge, vaje vanazeye na njala, vaje nzili yavo ilinakuhwa, omwo valinakutewa viyambi.

Mbimbi 4:19

Vaka-kutukava vatushekele vwasi kutuvakana vingonga vakupulula. Vatukavele mu malundu, nakutukwatela mu mambo cishitumukila.

Ezekiyele 21:12

Muna munu, kemanga mu vusiwa, omwo mukwale ou vanaushomwena vanu vange, na vantwama voshe va Isalele. Vakavatsiya amolika na vanu vange voshe. Cinyangavili cove coshe cinapande kuhwa.

Ezekiyele 21:15

Unapu mukwale wakuzeyesa vanu vange nakuvatanukisa. Njilinakulishungwiya nganda yavo na mukwale wakuvyakula ngwe muhyato, vanawinika ngeci utsiye vanu.

Ezekiyele 21:7

Omo vakwihula ngwavo omwo vikajo ulinakukemanga, valeke ngwove omwo muzimbu uje ulinakwija. Omo muzimbu ukaija, co vimbunge vyavo vikakala na lyova, mavoko avo akazeya, vakalijujukila, co mavuli avo akajaja. Vyuma evi vikalingiwa ololo-lolo.” Mwanendeka Shukulu Kalunga wa Akamwa ya Vyoshe.

Hoziya 8:3

oloni vanavyana vije vinapu vyavivwa. Omwo a vyuma evi, vitozi vavo vakavakavangeya.

VaLevi 26:17

Co njikamikengesa nima, co vitozi veni vakamifungulula nakumishwana. Co mukakala na cova-ova, mukatewa ngwe kuli umo ali na kumisheka, kumani naumo wai amisheka.

VaLevi 26:35

Simbu yoshe livu likelila ngoco, likahwima kuhwima kuje kukwakeleko a matangwa aje akuhwima, omo yeni mwakelemo.

Kwituluka mu Mashiko 1:44

Co vaAmoli vaje vakele mu lifuti lya malundu vamishekele nakumilwisa ngwe njame ya vimuka. Co vakevo vamishekele nakumyetesa ku Holema nakumifungulwila muje mu lifuti lya malundu lya Endome.

Yoshwa 5:1

Omo vimyene voshe va vaAmoli vaje vakele mu kangombe ka yambi ka Ndonga ya Yondau, na vimyene voshe va vaKanana vaje vakele ku Lishali lya Menditelenyani, vazivile ngwavo Shukulu Kalunga nomisa cau Yondau noo vanu va Isalele vajavukile, co vakele na lyova nakuvupuka manene omwo ya vaIsalele.

Yoshwa 7:5

Co vaje mashwalale va ku Ayi vavashekele kuvatundisa ku cikolo ca nganda ya Ayi nakuvetesa ku vitapu vya mamanya, co akati kavo vatsiileo makumi atatu na vanu vatanu naumo mu ngila ya kushelumuka ku malundu. Co vaIsalele vazivile manene lyova nakujujuka.

1 Samwele 17:24

Omo vaIsalele vamwene Ngolyata, co vazivile lyova lyakama, vatewele.