VaLevi 26:31 - Livulu lya Shukulu Kalunga

³¹ Njikapwisa membo eni vingundu, co njikanyongesa myela yeni yakulemesela, co kunjikavwaelela na vwisi vwa lwengo lwaluvwa lwa vin̄ombelo vyeni.

VaLevi 26:31 Iomraidhean Croise

Kushangumuka 8:21

Co omo Shukulu Kalunga wazivile vweko vwavuvwa vwa n̄ombelo eyi, wazivile kuvwaa, walyendekesele ikeye vavenya ngwendi, “Kunjikelukilamo lalo kusinga asi a vilinga vya vanu, omo njazivuka ngwange kutunda ku vwanike vwavo viyongola vya vimbunge vyavo vyapwa vyavivi. Kunjikelukilamo lalo kunyongesa vyakuyoya vyoshe ngwe omu njinalingi a simbu eyi.

2 Vimyene 22:19

co watengulukile na kulikeesa ku mesho ange, watavwile vuzalo vwove nakulila, omo wazivile muje njalishungwiiye kunyanyamesa Yelusalema na vanu vamwo. Njikaupwisa mwela wakukomokesa, co vanu vakapangesa lizina lyawo kupwa cisingo. Oloni njazivi lilombelo lyove,

2 Mizimbu 36:19

Wenyekele Njuvo ya Shukulu Kalunga, amolika na nganda, na mapela amwo oshe, na vufuko vyamwo, co wasiwile civumbe ca nganda.

Nehemiya 1:3

Co vanjilekele ngwavo vaje vasaleleo kuvaile ku vunzinda, vali mu lifuti lyavo, vali mu vukalu vwakama na shwamwa. Co vanjilekele ngwavo vivumbe vya Yelusalema anga vyawililile, na vikolo lalo kuvavivwaesele, tunde a simbu ije vavyenyekele.

Nehemiya 2:17

Co njendekele kuli vakevo ngwange, “Kengeni vukalu ovu tulinavwo, omwo Yelusalema inaviya na vikolo vyayo vanavinyongesa! Ijeni tutungulule vivumbe vya nganda ngeci kesi tuzive shwamwa.”

Nehemiya 2:3

co njamukumbulwile ngwange, “Shukulu yoya ku myaka yoshe! Vikajo njijenekela kuviilila omwo ku nganda kuje kuvatsinda vakukulwila vange kunapu ku ngundu, co na vikolo vyayo vavyenyeka na tuhya?”

Isaya 1:7

Lifuti lyeni linemuka mambo, co vinganda vyeni vanavyenyeka. Vaka-kwija vanamitambula lifuti lyeni oku munavakengelela.

Isaya 6:11

Co njehwile ngwange, “Yove Shukulu Kalunga, simbu mukajo vyuma evi vikapwa ngeci?” Co wanjikumbulwile ngwendi, “Kuvanga noo vinganda vyavo vinasiwuka nakupwa vingundu, noo vinjuvo vyavo vinapu vyamupulungwa, noo lifuti lyavo lyashandoka nakupwa vingundu.

Isaya 63:18

Yetu, vanu vove vakujela, vitozi vetu vatutundisile mu lifuti lyetu kasimbu kakandondo lika, vitozi vetu vasiwile Njuvo yove yakujela.

Isaya 64:9

kesi uluvale manene netu embwe, nambe kesi utuyongwele vuvi vwetu ku myaka yoshe. Anuka ngwove yetu tu vanu vove, tuzivileko mema ku mbunge.

Isaya 66:3

“Vanu valinakulinga ngwe mucavavwasela. Kuli vakevo vyoshe vyafwa mumo nambe vatsiya ngombe wa nkomba wa n̄ombelo nambe vakombelela munu, nambe vakombelela muna manga nambe vatukula mukoshi wa katali, nambe vaana n̄ombelo ya vimbuto vya vinona, nambe vakombelela maninga a vangulu, nambe vakombelela insense, nambe valombela ku kamponya. Vavwaelela a vingila vyavo vya vuvi vyakulemesa.

Njelemiya 22:5

Oloni nga kumwononoka mashiko ange, co njilisinga ngwange lipela eli likasiwuka nakunyonga. Yange Kalunga, njinendekamo.

Njelemiya 26:6

Co nga yeni kumunjononoka, njikalinga ku Njuvo yeyi ngwe vije njalingile ku Shilo, co miyati ya vanu voshe va mu kaye vakapangesa lizina lya nganda eyi kupwa cisingo.”

Njelemiya 26:9

Omwo vikajo unendeka mu lizina lya Shukulu Kalunga ngwove, eyi Njuvo ya Shukulu Kalunga ikapwa ngwe Shilo, co lalo ngwove na nganda eyi vakainyongesa, naumo wai akakalamo?” Asinoni vanu vanjizengelekele.

Njelemiya 4:26

Lifuti lya vwilo lyapwile mambo, na vinganda vyalyo vyasiwukile, omwo vukalu vwakama vwa Shukulu Kalunga.

Njelemiya 4:27

(Shukulu Kalunga nendeka ngwendi kaye koshe kakapwa mambo, oloni kukakanyongo embwe.)

Njelemiya 4:7

Ngwe ndumba atunda ku mwela wanavutama, muka-kunyongesa miyati ya vanu nakatuka laja. Alinakwija mukunyongesa Yunda. Vinganda vya Yunda vikasala vyamupulungwa, co naumo wai akakalamo.

Njelemiya 44:2

Shukulu Kalunga Muka-nzili yoshe, Njambi ya Isalele, wendekele ngwendi, “Yeni voshe mwamwene vukalu vwoshe vuje njanenele a Yelusalema, na ku vinganda vyoshe mu Yunda. Nameme ololo anga vinapu vingundu, naumo wai wakalamo,

Njelemiya 44:6

Ngecivene, kuluvala kwange na vukalu vwange vwashwamene a vinganda vya mu Yunda na a vitapalo vya mu Yelusalema, co njavyenyekele na tuhya. Ololo vinapu vingundu vyakukomokesa na ku litangwa lya lelo.

Njelemiya 52:13

Co wenyekele Njuvo ya Shukulu Kalunga, na lipela, na vinjuvo vyoshe vya vanu va vulemu va mu Yelusalema,

Njelemiya 9:11

Shukulu Kalunga alinakwendeka ngwendi, “Njikapwisa Yelusalema mambo, na vinganda vya mu Yunda kupwa mambo muje mukayoyela vimbanje, ukapwa mutambela uje naumo wai akakalamo.”

Mbimbi 1:1

Yelusalema, nganda ije yashulile na vanu, ololo inapu ngundu! Nganda ije vakele nakusingimika mu kaye mwoshe, ololo inapu ngwe fwile. Nganda ije yapwile ngwe lishano a vinganda vyoshe, ololo inapu ngwe ndungo.

Mbimbi 1:10

Vitozi vendi vamwivile vufuko vwendi vwoshe. Wavamwene vakovela mu Njuvo ya Shukulu Kalunga citona-mesho, muje vene vavenya Shukulu Kalunga wavindikile vaka-kujeneka kukulaela kukovelamo.

Mbimbi 2:6

Wapujwile Njuvo yendi vimbazuvwila-mbazuvwila muje twakele nakumulemesela. Ikeye namanesa matangwa akujela na Matangwa Akuhwima. Mu vukalu vwendi vwakama wavyanene mwene, na muka-kukombelela.

Mbimbi 2:7

Shukulu Kalunga wasezele mutula wendi, nakuseza lalo Njuvo yendi yakujela, ikeye watavele vitozi kusiwula vivumbe vyayo. Vitozi valingile muyoyo mu Njuvo ya Shukulu Kalunga, ngwe a litangwa lya ciwano.

Ezekiyele 12:20

Vinganda vije vinashulu na vanu ololo vakavinyongesa, co lifuti likapwa mambo yangoco. Asinoni vakazivuka ngeci yange Kalunga.”

Ezekiyele 21:15

Unapu mukwale wakuzeyesa vanu vange nakuvatanukisa. Njilinakulishungwiya nganda yavo na mukwale wakuvyakula ngwe muhyato, vanawinika ngeci utsiye vanu.

Ezekiyele 21:7

Omo vakwihula ngwavo omwo vikajo ulinakukemanga, valeke ngwove omwo muzimbu uje ulinakwija. Omo muzimbu ukaija, co vimbunge vyavo vikakala na lyova, mavoko avo akazeya, vakalijujukila, co mavuli avo akajaja. Vyuma evi vikalingiwa ololo-lolo.” Mwanendeka Shukulu Kalunga wa Akamwa ya Vyoshe.

Ezekiyele 24:21

ngeci njileke vaIsalele ngwange, ‘Mulinakulyalesela a Njuvo ya Shukulu Kalunga. Yeni mulinakushaka kuyikenga nakusikamenamo, oloni Shukulu Kalunga akaishawisa. Co vana veni va vanalume na ava va vanakazi vaje vanasala mu Yelusalema vakavatsiila mu nzita.

Ezekiyele 6:6

Vinganda vyoshe vya Isalele vikanyonga, ngecivene, mitula yavo yoshe na tumponya twavo vikasanyozoka vimbazuvwila-mbazuvwila, co mitula yavo ya insense ikasanyozoka, vyoshe vije vivalingile vikanyonga.

Ezekiyele 9:6

Tsiyeni vakulunu, na vakwenje, na vambanda, na vainavo, na vana. Oloni kesi mukwate uje ali na cizivukiso a luholo lwendi. Shangumukileni vene kuno ku Njuvo yange.” Ngecivene, vashangumukilile kuli vantwama vaje vemanene ku Njuvo ya Shukulu Kalunga.

Ndanyele 2:46

Asinoni Mwene Nevukaneza wakulamene ku mesho a Ndanyele nakumwana kasingimiko, co washikile ngeci vakombelele vin̄ombelo kuli Ndanyele.

Amose 7:9

Ku mitambela kuje kuvakalemesela vatekulwila va Isake vakainyongesa. Co myela yakujela ya Isalele ikasiwuka. Njikatsiya naanga ya Yelovowame na mukwale.’ ”

Mika 3:12

Ngecivene, omwo yeni, Siyone vakailima ngwe lihya, co Yelusalema ikemuka numbo ya vivumbe, na lilundu lya Njuvo ya Shukulu Kalunga likemuka shwata.

Zefaniya 3:6

Shukulu Kalunga alinakwendeka ngwendi, “Njamanesele miyati yoshe ya vanu njwa, njanyongesa vinganda vyavo, nakuseza vivumbe vyavo na tuposhi twavo mitumbo. Co vinganda vinapu vingundu vyangoco, naumo wai alinakwenda mu vitapalo, vanu voshe vanai.

Luka 21:24

Vamo vakavatsiya na mukwale, co vakwavo vakavatwala vunzinda ku mafuti eka, co vaka-kujeneka kukulaela vakalyatangela Yelusalema noo simbu yavo inete.

Vilinga vya Miluwa 6:14

Omwo tunamuzivi endeka ngwendi ou Yesu wa ku Nazaleta akasiwula Njuvo ya Shukulu Kalunga nakutengulula futisi yatwanene Mosesa!”

VaHevelu 10:26

Omwo nga tulinga vuvi na cizango omo tunazivuka laja vushunga, co kukwesi lalo n̄ombelo yeka yakutundisa vivi.