VaLevi 26:30 - Livulu lya Shukulu Kalunga

³⁰ Njikanyongesa myela yeni yakulemesela a malundu, nakusiwula mitula yeni ya insense, co njikombangela vivimbi vyeni a tumponya tweni twakuwa twa mwonyo. Co mukapwa va vunyengwe ku mesho ange.

VaLevi 26:30 Iomraidhean Croise

Kushangumuka 19:13

Tulinakunyongesa nganda ino, omwo Shukulu Kalunga nazivi vuvi vwakukomokesa vwa vanu ava ngeci natutumu kunyongesa Sondoma.”

1 Vimyene 13:2

Co uje muka-kwimanena watambekele ngwendi Shukulu Kalunga nanjitumu kwendeka ku mutula ou ngwendi, “Ove mutula, Shukulu Kalunga nendeka ngwendi, ‘Kenga, mwana akasemuka ku naanga ya Ndaviti lizina lyendi Yosiya. Ikeye akatsiilao vaka-kukombelela vaje vakapanga ku mitula ya vaka-kujeneka kukulaela vaje vakakombelela vin̄ombelo a mutula ou, co akenyekelao vitsiya vya vanu.’ ”

1 Vimyene 13:32

Majwi aje endekele akushika kwa Shukulu Kalunga a mutula wa mu Mbetele na a mitambela yoshe yakulemesela mu membo a mu Samaliya akapwa a vushunga.”

2 Vimyene 23:16

Asinoni Yosiya omo watengulukile wamwene vimbumbo vije vyakele a lilundu, co watundisilemo vitsiya nakuvyenyekela a mutula. Mu ngila eyi wasiwile uje mutula, mukulinga vije vyendekele laja muka-kwimanena a simbu ya ciwano omo Mwene Yelovowame wemanene ku mutula. Mwene Yosiya wakengele noku-noku, co wamwene mbumbo ya muka-kwimanena uje wambulwile evi.

2 Vimyene 23:20

Watsiilile vaka-kukombelela voshe vaje vaka-kujeneka kukulaela a mitula aje vakele nakupangela, co wenyekelele vitsiya vya vanu a mutula na mutula. Asinoni welukile ku Yelusalema.

2 Vimyene 23:8

Co wanenele mu Yelusalema vaka-kukombelela vaje vakele mu vinganda vya mu Yunda, co mu lifuti lyoshe washandwele mitula ije vakele nakukombelela vin̄ombelo. Wasiwile lalo mitula ije ivakundikile kuli minzinzime yakujwala ya vimembe kuyehi na cikolo cije catungile Yoshwa, uje wapwile nguvulu wa nganda, cikolo cije cakele ku cimoshwe ku vukovelelo vwa mu nganda.

2 Mizimbu 23:17

Asinoni vanu voshe vaile ku njuvo ya Mbale nakuyisiwula. Co vashandwele mitula na tumponya, vatsiile Matane muka-kukombelela wa Mbale kulutwe lwa mitula.

2 Mizimbu 31:1

Omo vamanesele ciwano, vanu voshe va Isalele vaile ku nganda na nganda ya mu Yunda nakushimbula vimanda vya mamanya, vavatozwele vifwa vya Ashela njambi wa munakazi, co vasiwile mitula na mitambela ije vakele nakulemesela vaka-kujeneka kukulaela. Co valingile cuma eci mu mitambela yoshe ya mu Yunda, na mu mafuti a Mbenjemani na Efalime na Manase, asinoni voshe velukile ku membo avo.

Myaso 106:40

Ngecivene, Shukulu Kalunga waluvalele na vanu vendi, co wazivile vunyengwe omo vakevo.

Myaso 89:38

Oloni yove unaluvala na mwene uje iwangwile, unamuvyana nakumuseza.

Isaya 27:9

Oloni vuvi vwa Isalele vakavusambesa lika omo mamanya a mitula ya vaka-kujeneka kukulaela vakaatwa ngwe memba, co kukukakala lalo mitula ya insense nambe vimweso vya Ashela njambi wa munakazi.

Njelemiya 14:19

Shukulu Kalunga, kuma unavyana vene Yunda ndi? Kuma wazinda vanu va ku Siyone ndi? Omwo vikajo watuvulumwina mwamuvi ngacije ngeci kutwesi nakukanguka? Twakengelelele kwoloka, oloni nacimo cacivwa calingiwile cai, cinyangavili cetu capwile cakwinduka, oloni kwezile lika tuyando.

Njelemiya 16:18

Akulivanga njikavayandesa luvali omwo vuvi vwavo nakuvulumuna kwavo, omwo vanajwalesa lifuti lyange na tumponya tuje kutwesi na mwonyo, co vanashulisa lifuti na vinjambi vavo va makuli.”

Ezekiyele 16:39

Njikakukundika mu mavoko avo, co vakasiwula mitambela kuje walingilile vupangala nakulemeselako tumponya. Vakambata vuzalo vwove na sungu yove, co vakakuseza mushelengwa.

Ezekiyele 43:7

“Muna munu, eli likelyo litanda lyange. Njikakala kuno akati ka vanu va Isalele nakuvashwana ku myaka yoshe. Nameme vanu va Isalele nambe vimyene vavo vakashaula lalo lizina lyange lyakujela akulemesa vinjambi veka, nambe kutsinda vivimbi vya vimyene vavo mu mutambela uno.

Ezekiyele 6:13

Mivila yavo ikashandokela mukati ka tumponya, na nakuzengeleka mitula, ikashandokela a malundu oshe amalaja, na akamwa ya minkinda yoshe, na mwisi ya minzinze ya miti, na mu miti yoshe yakama ya oke, na mu mitambela yoshe muje muvakenyekela vin̄ombelo ku tumponya twavo. Asinoni munu woshe akazivuka ngeci yange njapwa Kalunga.

Hoziya 10:2

Vanu vaje vimbunge vyavo vinapu vya makuli ololo vanapande kuyanda a vivi vyavo. Njambi akasiwula mitula yavo nakupokozola vimanda vyavo vyakujela.

VaLevi 20:23

Co kesi mukakavangeye vilinga vya vanu vaje valinakukala muje. Njilinakushekamo vaje vaka-kujeneka kunjikulaela yange Kalunga, ngeci mwase kukovela mu lifuti lije. Vakevo vananjizivisa shwamwa manene a vilinga vyavo vyoshe vyavivi.

VaLevi 26:11

Njikakala akati keni mu mbalaka yange yakujela, co kunjikamikengesa nima.

VaLevi 26:15

Nga muvyana kwononoka vizilika vyange, nakulimbulula vilongesa vyange, kunyunga mashiko ange, nakupokola cikumiiyo cange cije njalikumiiye neni,

Amose 6:8

Shukulu Kalunga wa Akamwa ya Vyoshe Muka-nzili yoshe alinakunangula ngwendi, “Yange njazinda kulyalesa kwa vanu va Isalele, njiyengula vinjuvo vyavo vyakama. Co njikana nganda yavo yakama na vyuma vyoshe vilimo kuli vitozi vavo.”

Amose 7:9

Ku mitambela kuje kuvakalemesela vatekulwila va Isake vakainyongesa. Co myela yakujela ya Isalele ikasiwuka. Njikatsiya naanga ya Yelovowame na mukwale.’ ”

Kwituluka mu Mashiko 32:19

“Omo Shukulu Kalunga wamwene evi, co waluvalele, omwo vana vendi va vanalume na ava va vanakazi vamushangumwine.