VaLevi 26:25 - Livulu lya Shukulu Kalunga

²⁵ Njikanena nzita ali yeni ya kumihisa omwo munapokola cikumiiyo cange, nga mukalikungulwila mu vinganda vyeni nakuvandamo, co njikatuma mushongo wa lulanga akati keni, njikamikundika kuli vitozi veni ngeci vakamishwane.

VaLevi 26:25 Iomraidhean Croise

2 Samwele 24:15

Ngecivene, Shukulu Kalunga watumine mushongo wakulitambwisa ali Isalele, kutunda ku mutondo nakweta ku simbu ije yemikile. Kutunda ku shongo imo ya lifuti nakweta ku shongo ikwavo kwatsile vaIsalele vakupwa 70,000.

1 Vimyene 8:33

“Omo vanu vove va Isalele vavafungulula kuli vitozi vavo omwo vanavulumuna kuli yove, co omo vatenguluka vaija kuli yove ku Njuvo eyi, nakulombela nakulitavela nakulilumbilisa kuli yove,

1 Vimyene 8:37

“Omo mu lifuti muli njala ya lyangengela nambe mushongo wakulitambwisa, vimbuto viziluka omo lilanga nambe vinjame vya vimbimba, nambe omo vanu vove vavalwisa ku vitozi vavo, nambe mushongo nambe kuvinja akati kavo,

2 Vimyene 17:3

Mwene Shalamanesele wa Asilya wamulwisile, co Hosheya waliitile kuli Shalamanesele, wakele nakufweta mulambu kuli ikeye a mwaka na mwaka.

2 Mizimbu 24:24

Mashwalale va Silya vapwile vavandondo manene, oloni Shukulu Kalunga watavele ngeci vafungulule mashwalale vavangi va vaYunda omwo vanu vavyanene Shukulu Kalunga Njambi ya vakukulwila vavo. Mu ngila eyi mukemwo muvahisilile Mwene Yowashe.

Myaso 94:1

Shukulu Kalunga yove wapwa u Njambi muka-kuhisa vaka-vuvi, sholola vukalu vwove!

Kutuuka 5:3

Ngecivene, Mosesa na Alone vamukumbulwile ngwavo, “Njambi ya vaHevelu ikeye nalisholwele kuli yetu. Co tutave kuya mu mambo tukenda matangwa atatu, tukakombelele Shukulu Kalunga Njambi yetu. Nga kutuyi, co akatutsiya na mushongo nambe na moko ya mukwale.”

Isaya 1:20

Oloni nga munjivyana nakunjikengesa nima, co vitozi vakaminyongesa. Yange Kalunga, njinendekamo.”

Isaya 65:12

Cikapwa luvinda kutsa ku monde, omwo kumwakumbulwile omo njamisanene nambe kutolilila omo njendekele kuli yeni. Yeni kumwanjononokele, oloni mwalingile vyuma vije njazinda.

Njelemiya 19:7

Mu mutambela uje njikatanganesa matumbe oshe a vanu va mu Yunda na vanu va mu Yelusalema. Njikecela vitozi vavo kuvalyatangela nakuvatsiila mu nzita. Co njikana mivila yavo ku tuzila na ku tusitu kupwa vyakulya vyavo.

Njelemiya 24:10

Njikatuma nzita, na njala ya lyangengela, na mushongo ali vakevo ngeci naumo wai akasalao mu lifuti lije linjanene kuli vakevo na kuli vakukulwila vavo.”

Njelemiya 50:28

(Vaka-kwija vanatewe ku Mbambilone vanaija ku Yelusalema, co vanambulula omo Shukulu Kalunga Njambi yetu walingile shambandinga a vije vaMbambilone valingile ku Njuvo yendi.)

Njelemiya 51:11

Shukulu Kalunga nashiki vimyene va Mendiya kukalwisa Mbambilone, omwo nayongola kuyinyongesa. Omu mukemwo mwakalinga shambandinga vaMbambilone omwo vasiwile Njuvo ya Shukulu Kalunga. Vamyata va nzita valinakushika ngwavo, “Otoleni mikili yeni! Vwaeseleni cimweja vintelo vyeni!

Njelemiya 9:16

Co njikavashandwela akati ka miyati ya vanu vaje kuvazivile akulivanga nambe vakukulwila vavo kuvaizivile, co njikatuma mashwalale nakuvalwisa noo njinavanyongesa voshe njwa.”

Mbimbi 2:21

Vakwenje na tukulukazi vanalala mu vitapalo vanatsi. Vakwenje na vambanda, vitozi vanavatsii na mikwale. Yove wavatsiile kujeneka kuvazivilako mema ku mbunge, a litangwa lya vukalu vwove.

Ezekiyele 14:17

“Nambe nga njanenele nzita a lifuti lije, nakutuma vitwa vyakunyongesa, nakuzilula vanu na tusitu mu cifwa cimolika,

Ezekiyele 20:37

“Njikamisindiya ngeci mwononoke cikumiiyo cange.

Ezekiyele 29:8

Cooni ololo, yange Kalunga wa Akamwa ya Vyoshe, njikuleka ngwange njikatuma vanu kwakukulwisa na mukwale, co vakatsiya vanu vove na tusitu twove.

Ezekiyele 33:2

“Muna munu, leka vanu vove vije vikalingiwa omo njinena nzita mu lifuti. Vanu va muje mu lifuti vakaangula umo uje napande kupwa muka-kunyunga.

Ezekiyele 5:17

Njikatuma njala na vikashama mukutsiya vana veni, co njikatuma lalo mishongo na vukalu na nzita mukumitsiya. Munjinendeka yange Kalunga.”

Ezekiyele 6:3

Leka minkinda ya Isalele ngeci izive lijwi lya Shukulu Kalunga, izive vije yange Kalunga wa Akamwa ya Vyoshe njendeka ku minkinda, na ku malundu, na ku mingulunga, na ku vimbongo ngwange, ‘Njikatuma mukwale mukunyongesa mitambela kuje kuvakalemesa vanu tumponya.

Hoziya 11:6

Co nzita ikanyongesa vinganda vyavo nakusiwula vikolo vya nganda. Nzita ikanyongesa vanu vange, omwo valinakulinga vije vivayongola vakevo vavenya ngwavo vinapu vyavivwa.

VaLevi 26:6

“Mukakala mu kwoloka kuluu mu lifuti lyeni, co kumukazivi lyova. Njikatundisa vushonde vwa tusitu vavavi mu lifuti lyeni, kumukakala lalo nzita muje.

Amose 4:10

“Njatumine mushongo wakulitambwisa ali yeni ngwe uje lalo njatumine a Ingito. Njatsiile vakwenje veni mu nzita, njambatele tuvalu tweni. Co njamizivisile kunika kwa mivila ya vanu vaje vatsililile mu vilombo vyeni. Oloni nameme ngoco kumwelukile kuli yange.

Hambakuke 3:5

Ikeye atuma mishongo kulutwe lwendi, co ashika kutsa ngeci kumukave.

Kulava 14:12

Njikavatumina mushongo wakulitambwisa nakuvanyongesa, oloni yove njikakupwisa muyati wakama wa nzili kutuvakana vakevo!”

Kulava 16:49

Oloni vanu vaje vatsile ku mushongo wakulitambwisa vapwile 14,000, kupandakana kuli vaje vatsile a mulonga wa Kola.

Kulava 31:3

Ngecivene, Mosesa wendekele kuli vanu va Isalele ngwendi, “Lipakateni vingonga ngeci vanalume voshe vaye ku nzita, vakalwe na vaMindyani mukalingile shambandinga Shukulu Kalunga ali vakevo.

Luka 21:11

Kukakala mandunduma akama, na njala ya lyangengela, na mishongo yakulitambwisa kwoshe-ikwoshe, kukakala vyuma vyakujujwisa nakukomokesa vikatunda mwilu.

Kwituluka mu Mashiko 28:21

Shukulu Kalunga akamitumina kushwakumo mishongo yakuliseza-seza noo naumo wai akasala mu lifuti lije limukashwana.

Kwituluka mu Mashiko 32:25

Vanu vakatsa mu vitapalo ku moko ya mukwale, na munjunju ukakala mu membo. Vakwenje na vambanda vakatsa, co vimbututu na tukulukazi vakatsa.

Kwituluka mu Mashiko 32:35

Shukulu Kalunga akavalinga shambandinga nakuvahisa, simbu iketa omo vakawa, litangwa lya tuyando twavo lili muyehi.

Kwituluka mu Mashiko 32:41

ngeci njikotola mukwale wange wakuvyazima, njikamona ngeci vushunga vunalingiwa. Njikalinga shambandinga kuli vitozi vange, nakuhisa vaje vanjizinda.

Maako 15:11

Ngecivene, vanalume vakupwa 3,000 va ku Yunda vaile ku citeke kuje ku limanya ku Etame, co vendekele kuli Samusoni ngwavo, “Kuma yove kuuzivuka ngeci vaFilisitiya vakevo valinakutushwana ndi?” Co Samusoni wavakumbulwile ngwendi, “Njinavalingi ngwe muje muvanjilingile yange.”