VaLevi 26:22 - Livulu lya Shukulu Kalunga

²² Co njikatuma tusitu vavavi akati keni, co vakevo vakatsiya vana veni, nakunyongesa vimuna veni, vakaseza lika vavandondo, na vingila vyeni vikapunda.

VaLevi 26:22 Iomraidhean Croise

2 Vimyene 17:25

Omo vakele muje akulivanga, kuvalemesele Shukulu Kalunga embwe, co Shukulu Kalunga wavatuminine vindumba, vatsiile vamo akati kavo.

2 Vimyene 2:24

Co Elisha watengulukile, wavakengele na vukalu, wavasingile mu lizina lya Shukulu Kalunga. Co mu shwata mwatundile vambeya vavali va lwavo, vezile nakusanyozola vanike va vanalume vakupwa makumi awana na vavali.

2 Mizimbu 15:5

A matangwa aje kukwakele kwoloka ku munu nambe umo wai, omwo kwakele vukalu na tuyando mu lifuti mwoshe.

Isaya 24:6

Ngecivene, Njambi natumbwila kaye cisingo. Co vanu vao valinakutsa omwo vuvi vwavo. Vavandondo-ndondo lika vanasalao vaciyoya.

Isaya 33:8

Vitapalo vyakama ololo vili na vushonde, co naumo wai alinakwendelamo. Lizivasano na cikumiiyo vinahu. Kukwesi lalo kalemeso ku munu uje anyunga cikulaeso.

Njelemiya 15:3

Yange Kalunga, njikavahisa na vyuma viwana vyakukomokesa vije vikalingiwa ali vakevo, vakavatsiila mu nzita, co mivila yavo vakaikokangeya tutali, na tuzila vakailya, na vikashama va mu shwata vakambulukuta vitsiya vyavo.

Njelemiya 42:2

co vendekele kuli yange ngwavo, “Mwane tulingile vije vitukulomba. Tulombelele kuli Shukulu Kalunga Njambi yetu. Tulombelele yetu voshe tunasalao na mwonyo. Twapwile tuvavangi, oloni ololo twasalao lika tuvavandondo, ngwe muwamwena.

Mbimbi 1:4

Vitapalo vyakuya ku Siyone vilinakulila ngwe vanu, omwo naumo wai alinakwendamo mukuya ku Njuvo ya Shukulu Kalunga, mukulemesa a matangwa akujela. Vambanda vaje vakele nakwimbila kuje valinakuyanda, co vaka-kukombelela valinakukemanga lika. Vikolo vya mu nganda vili mupulungwa, co Siyone ili mu vukalu.

Ezekiyele 14:15

“Nambe nga njituma tusitu mukutsiya vanu, co lifuti likale mu vushonde, ngeci munu naumo wai ase kwitamo,

Ezekiyele 14:21

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Njikatuma vihiso vyange viwana vyakama manene a Yelusalema, nzita, na njala ya lyangengela na vikashama na mushongo, mukunyongesa vanu na tusitu mu cifwa cimo.

Ezekiyele 33:28

Co lifuti njikalipwisa vingundu vyangoco, co nzili ije vakele nakulyalesela nayo ikahwa. Minkinda ya Isalele ikapwa mambo yangoco, co naumo wai akasa kwita mukati kayo.

Ezekiyele 5:17

Njikatuma njala na vikashama mukutsiya vana veni, co njikatuma lalo mishongo na vukalu na nzita mukumitsiya. Munjinendeka yange Kalunga.”

VaLevi 26:6

“Mukakala mu kwoloka kuluu mu lifuti lyeni, co kumukazivi lyova. Njikatundisa vushonde vwa tusitu vavavi mu lifuti lyeni, kumukakala lalo nzita muje.

Mika 3:12

Ngecivene, omwo yeni, Siyone vakailima ngwe lihya, co Yelusalema ikemuka numbo ya vivumbe, na lilundu lya Njuvo ya Shukulu Kalunga likemuka shwata.

Zakaliya 7:14

Co njavapekumwine ngwe lihunzi nakuvatwala ku mafuti eka ngeci vakayoyeleko. Lifuti eli lyalivwa lyasalele mu ngundu yangoco, naumo wai wayoyelelemo.”

Kwituluka mu Mashiko 32:24

Co vakalanduka ku njala na ku lilanga, mishongo yakukomokesa ikavalya. Njikatuma vikashama va mu shwata nakuvatsiya, na manyoka va vushungu vwavuvi vakavashuma.

Maako 5:6

Mu matangwa a Shamengale muna Anate, mu matangwa a Njaele, matanga kuwakele nakwita mukati ka lifuti, co vaka-kwenda vakele nakwitila kumukulo, mu tungila twakulizenga-zenga.