VaLevi 26:16 - Livulu lya Shukulu Kalunga

¹⁶ co njikalinga evi, njikamitumina mishongo yaikalu ya lulanga na lisika-sika, ikamipwisa vupuputwa nakuminyongesa, co mukalima vimbuto vyeni, oloni kuvikamikwasa, omwo vitozi veni vakamifungulula, co vakalya vije vimwalimine.

VaLevi 26:16 Iomraidhean Croise

1 Vimyene 8:37

“Omo mu lifuti muli njala ya lyangengela nambe mushongo wakulitambwisa, vimbuto viziluka omo lilanga nambe vinjame vya vimbimba, nambe omo vanu vove vavalwisa ku vitozi vavo, nambe mushongo nambe kuvinja akati kavo,

Yombi 18:11

“Vyakujujwisa vikamuzengeleka nakumuzivisa lyova, co vikamukava mu manambo endi oshe.

Yombi 20:25

Co mukili ukamutiva a muvila wendi, co shongo ya mukili ikandweka maninga endi, nakumujujwisa manene.

Yombi 31:8

co vimbuto vyange vavitukule, nambe vanu veka valye vyakulya vije vinjinalimi.

Myaso 109:6

Vendeka ngwavo, “Anguleni munu wamuvi ngeci amulwise, citozi cendi emane nakumuvangeya mulonga.

Myaso 73:19

Vakaziva lyova lyakama, vakavanyongesa voshe njwa naumo wai akasalao.

Myaso 78:33

ngecivene, wakeesele matangwa ngwe mbundu, co wamanesele kuyoya kwavo vwasi-vwasi.

Kutuuka 15:26

wendekele ngwendi, “Nga munjononoka nakulinga mwamuvwa ku mesho ange, nakunyunga mashiko na vizilika vyange, co kunjikamihisa na mishongo ngwe ije njahisile nayo vaka-Ingito, omwo yange njapwa Kalunga, uje muka-kumikangwisa.”

Visimo 3:33

Cisingo ca Shukulu Kalunga cakala a njuvo ya muka-vuvi, oloni akavezikisa membo a vaka-vushunga.

Isaya 10:4

Vakamitsiila mu nzita, nambe kumikokangeya ngwe vinzinda. Oloni nameme ngoco vukalu vwa Shukulu Kalunga kuvukahu, anga akolola livoko lyendi mukuhisa.

Isaya 62:8

Shukulu Kalunga nalingi cikulaeso, na nzili yendi ngwendi, “Vimbuto vyeni kuvikapu lalo vyakulya vya vitozi vyeni. Na vaka-kwija kuvakanu lalo vinyu veni embwe.

Isaya 7:2

Omo lijwi lyetele kuli mwene wa mu Yunda ngwavo mashwalale va Silya vanete laja mu lifuti lya Isalele, ikeye na vanu vendi voshe vakele na lyova, co valijajelele ngwe miti ilinakuninganga na lihunzi.

Njelemiya 12:13

Vanu vange vakuvile tiliku, oloni vatejele shaku, vaundanganene manene oloni nacimo cai vawaneneo. Omwo vukalu vwange vwakama, ngeci vanonwa kuteja vimbuto vyavo.”

Njelemiya 15:3

Yange Kalunga, njikavahisa na vyuma viwana vyakukomokesa vije vikalingiwa ali vakevo, vakavatsiila mu nzita, co mivila yavo vakaikokangeya tutali, na tuzila vakailya, na vikashama va mu shwata vakambulukuta vitsiya vyavo.

Njelemiya 15:8

Vifwile mu Yunda vakapwa vavangi manene kutuvakana lishen̄avu lya ku mema a kalunga. Vakanyonga a simbu ya mutanya, co visemi va vanakazi vakalilila vana vavo, vwasi-vwasi tuyando na lyova vikaija ali vakevo.

Njelemiya 20:4

Vavenya Shukulu Kalunga nendeka ngwendi, ‘Njikakupwisa muka-lyova, co lalo ukakala na lyova na vasamba vove, co voshe ukavamona vavatsiya vitozi vavo na mukwale. Njikana vanu voshe va mu Yunda mu livoko lya mwene wa ku Mbambilone, ikeye akavatwala mu vunzinda ku Mbambilone, co vamo akavatsiya.

Njelemiya 5:17

Vakalya vimbuto vyeni na vyakulya vyeni, co vakatsiya vana veni va vanalume na ava va vanakazi. Vakatsiya matanga a vimanga veni nakunyongesa mikolovozi ya vushuka vwa vinyu, na miti ya mikuyu. Vinganda vyeni vya mu vimpaka vije mwakulaela vakavisiwula kuli mashwalale vavo.

Ezekiyele 24:23

Mukazala tulupusa ku mitwe yeni, nakuzala vin̄aku ku mendi eni, kumukalinyenge, nambe kulila, oloni mukanyonga omwo vuvi vweni, co umo na umo weni akakemanga.

Ezekiyele 33:10

Shukulu Kalunga wendekele kuli yange ngwendi, “Muna munu, ilukilamo lalo kuli vaIsalele vije vivalinakwendeka ngwavo, ‘Tunalemuwa na vuvi vwetu na kupenga-penga cije citunalingi. Tulinakunyonga. Vatijo twasa kuyoya?’

Amose 5:11

Yeni munayandesa tuutu nakuvevila vimbuto vyavo. Co kumukakala mu vinjuvo vya mamanya vije vimunatungu, nambe kunwa vinyu vya ku vitungu vyavivwa vije mwakunine.

Mika 6:15

Mukakuna vimbuto, oloni kumukaviteje. Mukakamuna mazi ku olive, oloni kumukaavwava. Mukalinga vinyu, oloni kumukavinu.

Hangai 1:6

Yeni mwalimine vimbuto vyavingi manene, oloni mwatejele vyavindondo lika. Muli na vyakulya ngeci mulye, oloni kumwapwisilemo ngeci mukute. Muli na vinyu ngeci munwe, oloni kumwapwisilemo ngeci mupende! Mulinakuzala, oloni kumwesi nakuziva ntwima embwe. Co lalo muka-kupanga kesi nakuwana cuma cakumuyoyesa.

Zakaliya 14:12

Shukulu Kalunga akanena mushongo wakukomokesa a miyati ya vanu voshe vaje valwisa Yelusalema. Situ yavo ikavola oku vakevo vacili nakuyoya, mesho avo na vindaka vyavo vikavola.

Malakiya 2:3

Njikahisa vatekulwila veni nakukwita a vihanga vyeni vufwati vwa vimuna vaje mukakombelela ku viwano vyeni, co mukanyonga navwo.

Kwituluka mu Mashiko 28:51

Vakalya vimuna veni, na vimbuto vyeni, mukalanduka ku njala. Kuvakamisezelako vimbuto vimo, nambe vinyu, nambe mazi a olive, nambe vimuna, nambe vimanga, noo vanaminyongesa.

Kwituluka mu Mashiko 32:25

Vanu vakatsa mu vitapalo ku moko ya mukwale, na munjunju ukakala mu membo. Vakwenje na vambanda vakatsa, co vimbututu na tukulukazi vakatsa.

VaHevelu 10:31

Cinapu cuma cakujajesa kuwila mu mavoko a Njambi wakuyoya!

Maako 6:11

Asinoni kangelo ka Shukulu Kalunga wezile kwimbo lya Ofela nakutumbama mwisi ya muti wa Oke, uje wapwile muti wa Yowashe, wa ku cikota ca Aviyezele. Co munendi Ngilyone wakele nakujungula tiliku mu vushweke mu cikamwino ca vinyu, ngeci vaMindyani kesi vaimone.

1 Samwele 2:33

Oloni nameme ngoco njikayoyesa umo wa ali vatekulwila vove, co akanjipangela kupwa muka-kukombelela. Oloni ikeye akapwa kapuputwa, co akajeneka cinyangavili, co vatekulwila vove voshe vakatsa ku monde.