VaLevi 26:15 - Livulu lya Shukulu Kalunga

¹⁵ Nga muvyana kwononoka vizilika vyange, nakulimbulula vilongesa vyange, kunyunga mashiko ange, nakupokola cikumiiyo cange cije njalikumiiye neni,

VaLevi 26:15 Iomraidhean Croise

Kushangumuka 17:14

Munalume woshe uje katuukile, kuvakamulava lalo kupwa umo wa vanu vange, omwo ikeye kanyungile cikumiiyo cange.”

2 Vimyene 17:15

Kuvononokele mashiko endi, kuvanyungile cikumiiyo cije calikumiiye na vakukulwila vavo, nakwononoka kunangula kwendi. Vapwile vanu vakujeneka seo omwo valemesele tumponya twakujeneka seo, nakukavangeya futisi ya miyati ije yavazengelekele, ije yatumbwile Shukulu Kalunga ngwendi kesi vakavatembunwine.

2 Mizimbu 36:16

Oloni vanu vashendumwine miluwa va Njambi, vombwanesele majwi endi, co vajolele vaka-kwimanena vendi, noo akukotoka vukalu vwakama vwa Shukulu Kalunga vwakele ali vanu vendi, ngeci naumo wai waputumukile.

Myaso 50:17

Omwo uzinda vilongesa vyange nakuvyana mashiko ange.

Kutuuka 19:5

Ololo, nga munjononoka nakunyunga cikumiiyo cange, mukapwa vanu vange vavenya. Nameme asi oshe apwa ange, oloni yeni mukapwa vanu vange vakwanguka,

Kutuuka 24:7

Asinoni wanonele livulu lya cikumiiyo, muje muvasonekele vyashikile Shukulu Kalunga, walilavelele kuli vanu. Co vanu vendekele ngwavo, “Tukononoka Shukulu Kalunga nakulinga vyuma vyoshe vije vyanatushiki.”

Visimo 1:30

Yeni kumwashakele kunangula kwange nambe kumbako mbunge omo njamyendekelele.

Visimo 1:7

Kukomoka Shukulu Kalunga, kukekwo vushangumukilo vwa mana. Oloni vilema vakevo vayeluwisa mana nakuyeluwisa lalo vilongesa.

Visimo 5:12

co ukendeka ngwove, “Omwo vikajo njazindile kunjinangula? Omwo vikajo kunjatavelele ngeci munu anjendekele?

Isaya 24:5

Vanu vanajwalesa kaye omwo vanapokola mashiko a Njambi, nakupokola cikumiiyo cije calikumiiye navo ca ku myaka yoshe.

Njelemiya 11:10

Vanelukila ku vingila vyavivi vya vakukulwila vavo, co vanavyana kwononoka ku majwi ange, valinakukavangeya vinjambi veka nakuvalemesa. Miyati ya Isalele na Yunda vanavyana cikumiiyo cije njalikumiiye na vakukulwila vavo.

Njelemiya 31:32

Cikeco kucikapu ngwe cikumiiyo cije calaja cinjalikumiiye na vakukulwila vavo, omo njavambatele na livoko lyange kuvatundisa mu Ingito. Nameme njapwile nji munalume wavo, oloni kuvanyungile cikumiiyo cije.

Njelemiya 6:19

Tolilileni yeni vaka-asi! Njikanena cihiso ali vanu ava, omwo vanavyana vilongesa vyange, co kuvononokele majwi ange.

Ezekiyele 16:59

Shukulu Kalunga wa Akamwa ya Vyoshe alinakwendeka ngwendi, “Yange njikakupangesa ngwe mu ngila ije inakupande, omwo kuwombile mbunge ku vikulaeso vyove, co wapokwele cikumiiyo.

VaLevi 26:11

Njikakala akati keni mu mbalaka yange yakujela, co kunjikamikengesa nima.

VaLevi 26:43

Nameme ngoco, akulivanga vanu vaIsalele vanapande kuseza livu, ngeci livu lihwime omo naumo wai alinakulimamo, co vakevo vanapande kufweta mulonga wakuvyana mashiko ange, na vilongesa vyange.

VaLevi 26:9

Njikamivezikisa nakumyana vana vavangi, co njikanyunga cikumiiyo cije njalikumiiye neni,

Malakiya 2:2

Munapande kunjisingimika a vije mulinga. Nga kumutolilila ku vije vinjendeka, co njikamisinga. Co njikasinga vyuma vije vyakumikwasa vivakamyana. Mwa vushunga njinavisingi laja, omwo kumwesi kumbako mbunge ku mashiko ange.

Kulava 15:31

omwo nombwanesa vije vyendekele Shukulu Kalunga, co najomboka lishiko lyendi.”

Vilinga vya Miluwa 13:41

‘Kengeni, yeni vaka- kuyeluwisa! Co likomokeleni na kutsa! Omwo cuma cije cinjilinga litangwa lya lelo cinapu cuma cije kumukakulaela, nameme vamilumbunwinaco!’ ”

Loma 8:7

Omwo cizango ca vusitu cikeco cinena vutozi kuli Njambi, kucasa kwononoka Mashiko a Njambi, co kucitava vene.

Kwituluka mu Mashiko 31:16

Co Shukulu Kalunga wendekele kuli Mosesa ngwendi, “Ololo ukatsa, co omo unatsi laja, vanu vakajeneka kunjononoka, co vakapokola cikumiiyo cije njalikumiiye navo. Vakanjiseza nakulemesa vinjambi va mu lifuti lije livakakovela.

1 Tesalonika 4:8

Ngecivene, woshe uje avyana vilongesa evi kavyana munu, oloni alinakuvyana Njambi, uje akamyana Munzinzime wendi Wakujela.

VaHevelu 8:9

Co kunjikalingi lalo cikumiiyo ngwe muje njalingile kuli vakukulwila vavo a litangwa lije njavatundisile mu lifuti lya Ingito nakuvatwamenena na livoko lyange. Kuvapwile vaka-kulongwa ku cikumiiyo cije njalingile navo, ngeci kunjakeleko mbunge kuli vakevo lalo.

1 Samwele 12:15

Oloni nga kumutolilila ku majwi a Shukulu Kalunga, co kumwononoka mashiko endi, akamilwisa yeni na mwene yeni.