VaLevi 26:1 - Livulu lya Shukulu Kalunga

¹ Shukulu Kalunga wendekele ngwendi, “Kesi mukalishongele tumponya nambe kesi mukemike cifwa cimo cakushonga, nambe vimanda vya mamanya, nambe kulemesa mamanya akutaleka. Yange njapwa Kalunga Njambi yeni.

VaLevi 26:1 Iomraidhean Croise

2 Vimyene 17:10

Co a malundu oshe, na mwisi ya minzinze yoshe ya miti, vashimbikilemo vimanda vya mamanya na vifwa vya Ashela njambi wa munakazi,

2 Vimyene 17:16

Vapokwele mashiko oshe a Shukulu Kalunga Njambi yavo, vafulile vana va vingombe va nkomba vavali va vutale nakuvalemesa, co lalo vafulile cifwa ca Ashela njambi wa munakazi, co valemesele vingongonosi, co valemesele Mbale kupwa njambi yavo.

2 Vimyene 17:8

co vakavangeyeye futisi ya vanu vaje vaashekele Shukulu Kalunga omo vanu vendi vakele nakuya kulutwe, co vapangesele futisi ije ivanenele vimyene va mu Isalele.

Myaso 78:58

Vamuluvalesele na malundu avo akulemesela, co vamuzivisile lifuwa na tumponya twavo twakushonga.

Myaso 97:7

Voshe vaje valemesa tumponya, shwamwa ikavakola, vinjambi voshe va makuli vakatsikama kuli Shukulu Kalunga.

Kutuuka 20:2

“Yange njapwa Kalunga Njambi yeni, uje wamitundisile mu Ingito, kuje kumwakele mu vinzinda.

Kutuuka 20:23

Kesi mulipangele vinjambi va siliva nambe va ngolinde ngeci muvalemese muvapandakane kuli yange embwe.

Kutuuka 23:24

Kesi mukatsikamene vinjambi vavo nakuvalemesa, co kesi mutembunwine futisi yavo yakulemesa. Nyongeseni vinjambi vavo nakusiwula mamanya a vimanda vyavo vyakulemesela.

Kutuuka 34:17

“Kesi mukanyongolole vinjambi va vutale nakuvalemesa embwe.

Isaya 2:20

Omo litangwa lije lyeta, vanu voshe vakombila kuti tumponya twa ngolinde na tumponya twa siliva tuje tuvanalingi, co vakavisezela vin̄olo na vindima-ndima.

VaLevi 19:4

“Kesi munjiseze nakulemesa tumponya, cipwe kesi mulipangele vinjambi va vikuvo nakuvalemesa. Yange njapwa Kalunga Njambi yeni.

VaLevi 25:55

KaIsalele kesi apwe ndungo ku myaka yoshe embwe, omwo vanu va Isalele vapwa vindungo vange. Yange njavatundisile mu Ingito, yange njapwa Kalunga Njambi yavo.”

VaLevi 7:33

kuli muka-kukombelela, uje akombelela maninga, na mazi a mulambu wa kulitombola.

Kulava 33:52

munapande kushekamo voshe vaje vatungamo, nakunyongesa tumponya twavo twa mamanya, na vikuvo, nakusiwula mitula ije ivakalemesela.

Vilinga vya Miluwa 17:29

“Ngecivene, omo tunapu tu vana vendi, kutwapandele kuyongola ngwetu cifwa cendi ca vuNjambi cinapu ngwe cifwa ca ngolinde nambe siliva nambe limanya lyakushonga na vutongwe na mana a munu.

Kwituluka mu Mashiko 27:15

“ ‘Cisingo ca Njambi cikale ali munu woshe uje ashonga kamponya ka limanya, nambe ka citi, nambe ka cikuvo, nakukalemesela mu vushweke, cuma eci cinapu ca vunyengwe kuli Shukulu Kalunga.’ “Co vanu voshe vakakumbulula ngwavo, ‘Ewa!’

Kwituluka mu Mashiko 5:6

‘Yange njapwa Kalunga Njambi yeni, uje wamitundisile mu Ingito, kuje mwakele mu vinzinda.

Kujombolola 22:15

Oloni anja ya nganda ali tutali na valozi na vaka-vupangala na vaka-kutsiya na vaka-kulemesa tumponya na vaka-makuli mu majwi na mu vilinga.

Maako 18:30

Vanalume va ku Ndani vemikile tumponya mukuvalemesa, co Yonatana, muna Ngeleshone, muna Mosesa, na vana vendi vapwile vaka-kukombelela ku muyati wa Ndani noo vavatwalele mu vunzinda.