VaLevi 25:43 - Livulu lya Shukulu Kalunga

⁴³ Kesi mukavayandese lalo, oloni ononokeni Njambi yeni.

VaLevi 25:43 Iomraidhean Croise

Kushangumuka 42:18

Co a litangwa lyamucitatu Yosefa wendekele kuli vandolome vendi ngwendi, “Yange nji munu wakuzivila Njambi lyova, njikamena myonyo yeni a cuma cimo.

2 Mizimbu 28:10

Co ololo munayongola kupwisa vanalume na vanakazi va mu Yelusalema na mu Yunda vindungo veni. Kuma yeni kumwazivukile ngeci neni lalo munalingi vuvi ku mesho a Shukulu Kalunga Njambi yeni ndi?

Yombi 31:13

“Nga njinavyana lijwi lya ngamba yange wa munalume nambe wa munakazi, omo valinyengelele kuli yange.

Yombi 31:14

Nga kunjilingimo, vatijo njasa kulimona na Njambi? Vatijo njasa kwendeka omo Njambi aija mukunjisompa?

Kutuuka 1:17

Oloni vaje vifungwizi vakomokele Njambi, kuvalingile ngwe muje mwashikile mwene, vecelele na vimbututu va vanalume vayoye.

Kutuuka 1:21

Co capwile ngeci omwo vifungwizi vakomokele Njambi, co Njambi wavezikisile vinaanga.

Kutuuka 2:23

Co omo kwetile myaka yaingi, mwene wa Ingito watsile. Oloni vaIsalele vakele nakukemanga omwo ya vundungo vwavo, vakele nakutambeka ngeci vavakwase. Co mutambi wavo wetele kuli Njambi.

Kutuuka 3:7

Asinoni Shukulu Kalunga wendekele ngwendi, “Mwa vushunga, njinamono tuyando twa vanu vange muvali nakuvapangesela mu Ingito. Njazivi valinakulila ngeci vavapatule ku vundungo vwa vaje valinakuvayandesa. Njamono a tuyando twavo twoshe.

Kutuuka 3:9

Mwa vushunga njinazivi mutambi wa vanu vange, co njamono muvali nakuvayandesela vaka-Ingito.

Kutuuka 5:14

Co vaje vaka-Ingito vaka-kupangesa vindungo vapupile vantwama va vaIsalele, vaje vavapwisile vantwama va vipangi. Vavehwile ngwavo, “Omwo vikajo kumwalingile vungi vwa vindopi ngwe mumwalingile laja?”

Isaya 47:6

Njaluvalele na vanu vange, njavapangesele ngwe kesi vanu vange. Njavaakele mu mavoko ove, oloni yove kuwavamwesele mema ku mbunge, nameme tukulukazi vene wavapangesele na muuka.

Isaya 58:3

Vanu vehula ngwavo, “Omwo vikajo tunapande kulikela kulya nga Shukulu Kalunga kacizivukile? Omwo vikajo tunapande kujeneka kukala na vyakulya nga ikeye kombuko mbunge?” Shukulu Kalunga alinakwendeka kuli vakevo ngwendi, “Vushunga vukevwo ovu, a simbu ije mulikela kulya, mulinakuungumuka na mashungu eni vavenya nakuyandesa vaka-kumipangela.

Ezekiyele 34:4

Kumwesi kunyunga vaje vakuzeya, nambe kusaka vaje valinakuvinja, nambe kukuta a vimbandu vya vaje vanavulumuka, nambe kwilwisa vaje valinakuyevangela mwangoco, nambe kushakezeka vaje vanazimbala. Oloni yeni munavapangesa na vukalu na muuka

VaLevi 25:17

Kesi mukalinyanyamene umo na mukwavo, oloni mukononoka nakusingimika Shukulu Kalunga Njambi yeni, omwo yange njapwa Kalunga Njambi yeni.”

VaLevi 25:42

Vanu va Isalele vanapu vindungo va Shukulu Kalunga, omwo ikeye wavatundisile mu Ingito, co kumwapandele lalo kuvalandesa ngwe vindungo.

VaLevi 25:44

Nga yeni mushaka vindungo, co munasa kuvalanda ku miyati ije inamizengeleka.

VaLevi 25:46

munasa kuvasezela vana veni ngeci vapwe vufuko vwavo, vakevo vakavapangela simbu yoshe yakuyoya kwavo. Oloni kumwapandele kuyandesa mukweni kaIsalele.

VaLevi 25:53

Akakale nendi ngwe ngamba wakufweta a mwaka na mwaka. Oloni shukulu yendi kesi akamuyandese embwe.

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Efeso 6:9

Eni vashukulu vavo, lingeni lalo cifwa cimo kuli vindungo veni, co kesi muvashungwiye. Anukeni ngweni yeni na vindungo veni muvavoshe mwakundama kuli Shukulu umolika ali mwilu, uje asompa munu na munu mu cifwa cimolika.

Kwituluka mu Mashiko 25:18

Vakevo kuvazivile lyova lya Njambi embwe. Vamilwisile mu ngila omo yeni mwajukile nakuzeya, co vatsiile voshe vaje vakele munima ya cendo.

Kolose 4:1

Eni vashukulu, lingeni mwamuvwa na vushunga kuli vindungo veni. Anukeni ngweni neni muli na Shukulu.