VaLevi 25:39 - Livulu lya Shukulu Kalunga

³⁹ “Nga mukweni kaIsalele, uje alinakukala amo neni, nautwa, co alilandesa ikeye vavenya kuli yeni kupwa ndungo, kesi mukamupangese ngwe ndungo embwe.

VaLevi 25:39 Iomraidhean Croise

1 Vimyene 9:22

Solomoni kapwisile vaIsalele vindungo, vakevo vapwile mashwalale, na vamyata, na vaka-kushika, na vaka-kutwamenena matemba, na vaka-kulonda a tuvalu.

2 Vimyene 4:1

Fwile wa munakazi wa mu munga ya vaka-kwimanena waile kuli Elisha wendekele ngwendi, “Mwane, munalume wange natsi! Ngwe muwazivukila ikeye wapwile munalume muka-kukomoka Njambi, oloni munalume uje yatambwile vimbongo vyendi naija, co ashaka kwambata vana vange vavali va vanalume ngeci akavapwise vindungo ku likongo lije lyatambwile munalume wange kuli ikeye.”

2 Mizimbu 28:10

Co ololo munayongola kupwisa vanalume na vanakazi va mu Yelusalema na mu Yunda vindungo veni. Kuma yeni kumwazivukile ngeci neni lalo munalingi vuvi ku mesho a Shukulu Kalunga Njambi yeni ndi?

Nehemiya 5:5

Tunapu muyati umo ngwe vakwetu vaYunda vene. Kuma vana vetu kesi vavavwa ngwe vana vavo ndi? Oloni tulinakupwisa vana vetu vindungo. Vana vetu va vanakazi vamo, vanavalandesa laja ku vunzinda. Co tunapu tuvangoco omwo mahya etu na vitungu vyetu vya mikolovozi ya vushuka vwa vinyu vanatunyekavyo.”

Kutuuka 1:14

vavaanene vipangi vyakukaluwa vyakutika vuma nakulinga ndopi, nakupanga mu mahya avo. Voshe vavasindiiye kupanga vipangi vyakama kujeneka kuvazivila mema ku mbunge.

Kutuuka 21:2

“Nga ulanda ndungo wa kaHevelu, co ikeye akakupangela myaka itanu na umo. Co mu mwaka wamucitanu na ivali, ikeye napande kupatuka kujeneka kufweta cuma cimo.

Kutuuka 22:3

Oloni nga cilingiwa a simbu ya mutanya, co uje namutsii ali na mulonga wa monde. “Co mwizi napande kufweta vije vyanevile. Nga kesi navyo, co vakamulandese ngwe ndungo nakufweta vije nevile.

Njelemiya 25:14

Njikalinga shambandinga vaka-Mbambilone a vije valingile, co miyati ya vanu vavangi na vimyene vakama vakapwisa vaka-Mbambilone vindungo.’ ”

Njelemiya 27:7

Miyati ya vanu voshe vakamupangela, co vakapangela lalo munendi wa munalume na mutekulyendi wa munalume, noo simbu ikaija omo muyati wa vanu vendi ukawa. Asinoni muyati wa vanu vendi vakapangela miyati ya vanu va nzili na vimyene vakama.

Njelemiya 30:8

Shukulu Kalunga Muka-nzili yoshe alinakwendeka ngwendi, “Omo litangwa lije likaija, njikapokola mandauluwa ije ili ku mikoshi yavo, nakuvatula malyenge avo, co kuvakapu lalo vindungo va vaka-kwija.

Njelemiya 34:14

omo myaka itanu na ivali inahu, vanapande kwecela ngoco woshe cinzinda wa kaHevelu, uje navapangela myaka itanu na umo. Oloni vakukulwila veni kuvombileko mbunge nambe kutolilila ku vije njendekele.

Njelemiya 34:8

Mwene Zendekiya na vanu va mu Yelusalema valizivasanene kwecela

Njelemiya 34:9

vindungo vavo va vaHevelu, va vanalume na vanakazi, ngeci naumo wai akapwise mukwavo kaIsalele cinzinda.

VaLevi 25:46

munasa kuvasezela vana veni ngeci vapwe vufuko vwavo, vakevo vakavapangela simbu yoshe yakuyoya kwavo. Oloni kumwapandele kuyandesa mukweni kaIsalele.

Mateo 18:25

Ngamba uje kafwetele likongo lyendi, ngecivene, mwene washikile ngeci vamulandese apwe ndungo, na munakazi wendi na vana vendi, na vyuma vyoshe vije vyakele navyo, ngeci afwete makongo endi.