VaLevi 25:17 - Livulu lya Shukulu Kalunga

¹⁷ Kesi mukalinyanyamene umo na mukwavo, oloni mukononoka nakusingimika Shukulu Kalunga Njambi yeni, omwo yange njapwa Kalunga Njambi yeni.”

VaLevi 25:17 Iomraidhean Croise

Kushangumuka 20:11

Avilahama wamukumbulwile ngwendi, “Njalingile eci omwo njayongwele ngwange kumwesi kukomoka Njambi, co njayongwele lalo ngwange amo umo weni akanjitsiya nakwambata munakazi wange.

Kushangumuka 22:12

Co kangelo ka Shukulu Kalunga wendekele ngwendi, “Kesi uvulumune mwanike nameme kulinga cuma cimo kuli ikeye. Ololo njinazivuka ngeci yove ulinakukomoka Njambi, omwo yove unatavele kunjana munove umolika.”

Kushangumuka 39:9

Njili na moko yakama manene muno mu njuvo ngwe ije yalinayo, co kanjivindikile cuma cimo kuvanga yove munakazi wendi. Vatijo njasa kulinga cuma cacivi ngacije nakuvulumuna kuli Njambi?”

Kushangumuka 42:18

Co a litangwa lyamucitatu Yosefa wendekele kuli vandolome vendi ngwendi, “Yange nji munu wakuzivila Njambi lyova, njikamena myonyo yeni a cuma cimo.

2 Mizimbu 19:7

Singimikeni Shukulu Kalunga, sompeni mwamuvwa, omwo Shukulu Kalunga Njambi yetu kesi kutava makuli, nambe civembulu, nambe kutambula lizika-kanwa.”

Nehemiya 5:15

Co nguvulu woshe uje wakeleko simbu kanda yange njikaleko, walemuwisile vanu vitele vyakufweta vimbongo makumi awana vya mavundungulu a siliva a litangwa na litangwa vya vyakulya na vya vinyu. Nameme vangamba vavo vakele nakuyandesa vanu. Oloni yange njalingile mweka, omwo njasingimikile Njambi.

Nehemiya 5:9

Asinoni njendekele ngwange, “Evi mulinakulinga kuvyavwaele! Munapande kwononoka Njambi nakulinga vya vushunga. Co kesi mwane vitozi vetu, ava kesi vaYunda, ngila yakutuyeluwisa.

Myaso 19:9

Kukomoka Shukulu Kalunga kunapu kwakuvwa ku myaka yoshe, mashiko a Shukulu Kalunga simbu yoshe apwa a vushunga.

Kutuuka 20:20

Co Mosesa wavakumbulwile ngwendi, “Kesi muzive lyova, Njambi naija lika nakumilingisa ngeci mutwaleleo kumukomoka kesi mukalinge vuvi.”

Visimo 1:7

Kukomoka Shukulu Kalunga, kukekwo vushangumukilo vwa mana. Oloni vilema vakevo vayeluwisa mana nakuyeluwisa lalo vilongesa.

Visimo 14:31

Nga uyandesa vanu vakuutwa, co ulinakushaula Njambi uje wavatangele, oloni nga uzivila ngozi tuutu, ulinakumusingimika.

Visimo 16:6

Pwa wa kulongwa nakushungama, co Njambi akakusambesa ku vuvi vwove, ononoka Shukulu Kalunga, co cuma nacimo cai cacivi cikalingiwa kuli yove.

Visimo 22:22

Kesi unyanyamene tuutu, nambe kuvakwisa omo vali mu mbanja.

Isaya 3:14

Shukulu Kalunga akasompesa vakulunu na vantwama va vanu vendi. Avasompesa ngwendi, “Munapukula mikolovozi ya vushuka vwa vinyu, co mu vinjuvo vyeni munashulu na vyuma vimunambata ku tuutu.

Njelemiya 22:16

Ikeye waamenene vaka-kuutwa, vyuma vyoshe kuli ikeye vyendele mwamuvwa. Omu mukemwo mucalumbunukila kuzivuka Shukulu Kalunga.

VaLevi 19:13

“Kesi mukayandese vakweni nambe kuvevila. Co kesi mukeshwale kufweta munu uje imunapangesa noo alikaki.

VaLevi 19:14

Kesi mukasinge kasinda-matwi nambe kwaka citanukiso kulutwe lwa kapuputwa. Oloni mukazivila Njambi yeni lyova. Yange njapwa Kalunga Njambi yeni.

VaLevi 19:32

“Mukamwese kasingimiko kuli tukulukazi nakuvalemesa. Co mukanjononoka nakunjisingimika. Yange njapwa Kalunga.

VaLevi 25:14

Ngecivene, omo ulandesa livu kuli mukweni kaIsalele nambe kulanda livu kuli ikeye, kesi mulinyanyamene umo na mukwavo.

VaLevi 25:36

Kesi mukafwetese nakwakelao kakondweso embwe, oloni ononokeni Njambi, ngeci mukweni kaIsalele akakale amo neni.

VaLevi 25:43

Kesi mukavayandese lalo, oloni ononokeni Njambi yeni.

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Luka 12:5

Njimileka uje imunapande kukomoka. Komokeni Njambi, uje omo namenesa kutsiya, co ali na moko yakumumbila mu Mbulu ya tuhya. Eyo, njimileka ngwange, ou ikeye imunapande kukomoka!

Vilinga vya Miluwa 10:2

Wapwile munalume wa kulongwa, ikeye na naanga yendi yoshe vakomokele Njambi. Wakwasele lalo manene vanu vakuutwa, co simbu yoshe wakele nakulombela kuli Njambi.

Vilinga vya Miluwa 10:35

Oloni woshe amukomoka nakulinga vije vyavivwa vakamutambula kuli ikeye, kukwesi mulonga nambe ikeye wakundama ku muyati uka nambe uka.

Vilinga vya Miluwa 9:31

Ngecivene, vikungulukilo vyoshe mu Yundeya na mu Ngalileya na mu Samaliya vakele na simbu ya kwoloka. Akukwasa kwa Munzinzime Wakujela vikungulukilo vyakolele nakuliwezelela, ngwe akuyoya kwavo mukukomoka Mwene.

Loma 11:20

Eci cinapu ca vushunga. Vavajokweleko omwo kuvakulaelele, oloni yeni munatumbama mu mwela weni omwo munakulaela. Oloni kesi mulyalese a viyongola evi, munapande kuziva lyova.

Loma 3:18

nambe kuvalilongesele kukomoka Njambi.”

Kwituluka mu Mashiko 25:18

Vakevo kuvazivile lyova lya Njambi embwe. Vamilwisile mu ngila omo yeni mwajukile nakuzeya, co vatsiile voshe vaje vakele munima ya cendo.

1 Tesalonika 4:6

Mu cifwa eci vene, naumo wai weni napande kulinga mwamuvi kuli vakwavo vaka-Yesu nambe kuvanyanyamena. Twamilekele laja cuma eci, co twaminangwile na nzili ngwetu Mwene akanyanyamesa vaje voshe valinakulinga ngacije.

1 Samwele 12:24

Ononokeni Shukulu Kalunga nakumupangela na kulongwa na mbunge yeni yoshe. Anukeni vyuma vyakama vyanamilingila.