VaLevi 24:9 - Livulu lya Shukulu Kalunga

⁹ Makende awa akapwa a Alone na vatekulwila vendi ku myaka yoshe, co vakevo vakaalile mu mwela wakujela, omwo ou wapwa mutambela wakujela manene wa vyakulya vyakukombelela kuli Shukulu Kalunga.”

VaLevi 24:9 Iomraidhean Croise

Kutuuka 27:21

Alone na vana vendi vakevo vakaka vindeya mu Mbalaka anja ya livamba lije lili kulutwe lwa Cikasa ca Cikumiiyo. Co vikashukuma ku mesho ange kutunda ku cingwezi nakweta ku mutondo. Co vaIsalele na vatekulwila vavo vakanyunge kushika oku.

VaLevi 10:12

Co Mosesa wendekele kuli Alone, na kuli Elyazale, na Itamale vana vendi vavali vaje vasaleleo ngwendi, “Twaleni mulambu wa vimbuto vya vinona uje wasalele ku vyakulya vakombelelele kuli Shukulu Kalunga, co vilyeni vyakujeneka musima, vilileni kumukulo wa mutula, omwo n̄ombelo eyi inapu yakujela manene.

VaLevi 10:17

“Omwo vikajo kumwalililile n̄ombelo ya a vuvi mu mwela wakujela? Eyi n̄ombelo inapu yakujela manene, Shukulu Kalunga namyanayo mukwambata vuvi vwa mbunga ya vanu mukuvaambesa.

VaLevi 21:22

Munu wa cifwa cangacije asa kulya vyakulya vivanakombelela kuli yange, n̄ombelo ya vyakulya vyakujela, na n̄ombelo ya vyakulya vyakujela manene.

VaLevi 24:10

Kwakele munalume umo, ishe wapwile kaIngito, vaina vapwile kaIsalele, lizina lyendi Shelomiti muna Ndivile, wa ku muyati wa Ndani. Munalume ou walijokotele na kaIsalele muje mu cilombo.

VaLevi 3:17

Kukwesi kaIsalele akalya mazi nambe maninga, eli likelyo lishiko limukanyunga ku myaka yoshe kuli vaIsalele voshe ku visemwa vyeni vyoshe vya kulutwe kwoshe kuje kumukakala.”

VaLevi 6:11

Asinoni ikeye akazale vuzalo vwendi vweka nakutwala lije lito anja ya cilombo ku mutambela uje wakujela.

VaLevi 6:16

Alone na vana vendi vakalya vyoshe vije vikasalao mu mutambela wakujela mu cipango ca Mbalaka Mwakuliwanena, oloni makende kuvakawatiki na musima embwe.

VaLevi 6:9

“Leka Alone na vana vendi mashiko awa a milambu ya kwenyeka. Mulambu wa kwenyeka unapande kusala a mutula vutsiki vwoshe, co na tuhya kesi tuzime.

VaLevi 8:3

Asinoni sana mbunga yoshe vakungulukile ku cikolo ca Mbalaka Mwakuliwanena.”

VaLevi 8:31

Co Mosesa wendekele kuli Alone na vana vendi ngwendi, “Twaleni eyi situ ku cikolo ca Mbalaka Mwakuliwanena ngeci mukaitelekeleko, co mukailile kuje vene, amo na makende aje ali mu mutonga wa vin̄ombelo vyakukundikisa, ngwe muje mwashikile Shukulu Kalunga.

Malakiya 1:12

Oloni kumwesi nakunjisingimika omo mwendeka ngeci mutula wange unapu wangoco, nomo mukakombelelao vyakulya vije vimunayengula.

Mateo 12:4

Wakovelele mu Njuvo ya Shukulu Kalunga, co ikeye na vanu vendi valile aje makende avakombelelele kuli Njambi, nameme kuwapandele kuwalya kuvanga vaka-kukombelela lika.

Mako 2:26

Ngecivene, wakovelele mu Njuvo ya Shukulu Kalunga nakulya aje makende avakombelelele kuli Njambi. Eci calingiwile omo Aviyatale wapwile Muka-kukombelela Wakama. Ngwe ku Lishiko lyetu, kuvanga vaka-kukombelela kuli Njambi lika vakevo vanapande kulya makende awa, oloni Ndaviti waalile, co waaneneko lalo vanu vendi.”

Luka 6:4

Wakovelele mu Njuvo ya Shukulu Kalunga, wanonele aje makende avakombelelele kuli Njambi, waalile, co waaneneko lalo vanu vendi. Makende aje kuwapandele kuwalya kuli munu woshe-iwoshe kuvanga vaka-kukombelela lika.”

1 Samwele 21:6

Ngecivene, muka-kukombelela waanene makende a cizila kuli Ndaviti, omwo mikasha ya makende aje akele nawo apwile lika akukombelela kuli Njambi, mikasha ije ivatundisile ku mesa yakujela, co vengisilemo makende eka amaha.