VaLevi 24:22 - Livulu lya Shukulu Kalunga

²² Lishiko eli linapu lyeni muvavoshe, vaIsalele, na vaka-kwija vaje valinakukala akati keni, omwo yange njapwa Kalunga Njambi yeni.”

VaLevi 24:22 Iomraidhean Croise

Kutuuka 12:49

Kukakala lishiko limo kuli vanu va Isalele na kuli vaka-kwija ava vanatungu akati keni.”

VaLevi 17:10

“Nga kaIsalele, nambe muka-kwija uje alinakukala akati ka vanu, alya situ ili na maninga, nambe alya maninga, co Shukulu Kalunga akamutengulukila, co kakamulava lalo kupwa munu wendi embwe.

VaLevi 19:34

Kaleni navo mwamuvwa ngwe mumuli nakukala na vakweni vaIsalele, vazemeni ngwe mumwalizema yeni vavenya. Anukeni ngweni neni lalo mwapwile vaka-kwija mu lifuti lya Ingito. Yange njapwa Kalunga Njambi yeni.

VaLevi 24:23

Omo Mosesa nendeka evi kuli vanu vaIsalele, co vatuwisile anja ya cilombo uje munalume washawile lizina lya Njambi, co vamwashele mamanya. Mu ngila eyi vanu vaIsalele valingile vije Shukulu Kalunga washikile Mosesa.

Kulava 15:29

Mukakala na lishiko limolika kuli uje avulumwina ku nzimba nambe kaIsalele, nambe muka-kwija uje alinakukala akati kavo.

Kulava 9:14

“Nga muka-kwija alinakukala akati keni ashaka kunyunga Ciwano ca Pasovala, ikeye napande kucinyunga ngwe kukushika kwa lishiko lyaco. Lishiko eli valimikila munu na munu, nambe muka-kwija nambe vavenya lifuti.”

Kwituluka mu Mashiko 1:16

“A simbu ije vene njalekele vantwama veni ngwange, munapande kusompa mwamuvwa vin̄anda vyoshe vije vivanena vanu kuli yeni, n̄anda ya vaIsalele nambe n̄anda ya vaka-kwija vaje valinakukala akati keni.