VaLevi 23:6 - Livulu lya Shukulu Kalunga

⁶ Co a litangwa lyamulikumi na atanu, ku ngonde ije vene mukashangumuka Ciwano ca Makende Akujeneka Musima mukusingimika Shukulu Kalunga, co a matangwa atanu na avali kumwapandele kulya makende akwaka musima.

VaLevi 23:6 Iomraidhean Croise

Kutuuka 12:14

Munapande kulisamba a litangwa eli omwo likapwa lya ciwano ca Kalunga mukumyanukisa a vyuma evi vinjalingile yange Kalunga. Eci cikapwa canukiso mu visemwa vyeni vyoshe vya kulutwe.”

Kutuuka 23:15

Mu ngonde ya Avive, ngonde ije mwatundile mu Ingito, lisambeni Ciwano ca Makende Akujeneka Musima mu ngila ije injamishikile vene. Kesi mulye makende akulinga na musima a simbu ije ya matangwa atanu na avali a ciwano eci. Co kesi mwije nakunjilemesa kujeneka mulambu.

Kutuuka 34:18

“Co nyungeni Ciwano ca Makende Akujeneka Musima, ngwe muje njamishikile. Lyeni makende akujeneka musima a matangwa atanu na avali mu ngonde ya Avive, omwo mu ngonde ije vene ikeyo mwatundile mu Ingito.

Kwituluka mu Mashiko 16:3

Omo mukalya vyakulya vije, kesi mukalye makende akwaka musima embwe. A matangwa atanu na avali mukailya na makende akujeneka musima. Mukawatumbula ngweni makende a tuyando omwo mwatundile mu Ingito lumbisi. Simbu yoshe yakuyoya kweni mukanuka litangwa lije mwatundile mu lifuti lya Ingito, lifuti lije lya tuyando.

Kwituluka mu Mashiko 16:8

A matangwa atanu na limo mukalya makende akujeneka musima, co a litangwa lyamucitanu na avali mukalikungulula nakulemesa Shukulu Kalunga Njambi yeni. Co kesi mukapange vipangi a litangwa lije.