VaLevi 23:24 - Livulu lya Shukulu Kalunga

²⁴ “Leka vanu va Isalele ngwove, a litangwa lyakulivanga ku ngonde yamucitanu na vivali munapande kunyunga litangwa lyakama lyakuhwima. Co mukakunguluka amo nakulemesa omo malupembo emba.

VaLevi 23:24 Iomraidhean Croise

1 Mizimbu 15:28

Ngecivene, vaIsalele voshe vatwalele Cikasa ca Cikumiiyo ku Yelusalema na tuwelele twakuvwaelela, nakwoya kwa malupembo, na vimbinga, na vingenjo, na myaso ya a tulyalya.

2 Mizimbu 5:13

Vaka-kwimba valikumbasanene mukwimba malupembo, na vingenjo na vyakwimbisa vyeka omo vakele nakushangazala Shukulu Kalunga. Vembile ngwavo, “Shangazaleni Shukulu Kalunga, omwo ikeye wapwa wamuvwa, cizemo cendi cakala ku myaka yoshe.” Omo vaka-kukombelela vatundile mu Njuvo ya Shukulu Kalunga, co lishelwa lyakovelele nakushulisa mu Njuvo ya Shukulu Kalunga ngeci vaka-kukombelela kuvasele kwilukilamo nakupanga vipangi vyavo,

Ezela 3:6

Nameme vanu te kanda vacishangumuke kutungulula Njuvo ya Shukulu Kalunga, oloni a litangwa lyakulivanga ku ngonde yamucitanu na vivali vashangumukile kukombelela vin̄ombelo vya kwenyeka kuli Shukulu Kalunga.

Nehemiya 8:2

Ngecivene, Ezela walinenele ku mutambela kuje kuvakungulukilile vanalume, na vanakazi, na vanike vaje vakoleleo mukuziva vyuma.

Myaso 89:15

Yove Shukulu Kalunga, vanavezika vanu vaje vakulemesa na myaso, vanu vaje venda mu ceke cove!

Myaso 98:6

Imbeni malupembo na vimbinga, co tambekeni nakujolela kuli Shukulu Kalunga, mwene yetu.

Isaya 27:13

Omo litangwa likaija, vakaimba lupembo lwakusana vaIsalele vaje vakele mu vunzinda ku Asilya na ku Ingito. Vakaija nakulemesa Shukulu Kalunga mu Yelusalema, a lilundu lyendi lyakujela.

VaLevi 23:23

Shukulu Kalunga wendekele kuli Mosesa ngwendi,

VaLevi 25:9

Ngecivene, a litangwa lyamulikumi ku ngonde yamucitanu na vivali, likapwa Litangwa lya Kulyamba, mukatuma munu wakwimba lupembo mu lifuti lyoshe.

1 Kolinte 15:52

vwasi-vwasi, ngwe kukapula kwa lisho, omo lupembo lwakukotoka lukaimba. Omo lupembo lukaimba, co vatsi vakasanguka, kuvakatsi lalo, co yetu voshe tukemuka.

1 Tesalonika 4:16

Kukakala mutambi wa lijwi lyakama lyakushika, lijwi lya kangelo wakama, nakwoya kwa lupembo lwa Njambi, co Mwene ikeye vavenya akashuluka kutunda mwilu. Co vaje vatsile mukukulaela kuli Kilistu vakasangukila ku mwonyo akulivanga,