VaLevi 23:21 - Livulu lya Shukulu Kalunga

²¹ A litangwa lije naumo wai akapanga vipangi vyendi vya a litangwa na litangwa, oloni mukakunguluka nakulemesa. Co lishiko eli vanapande kulinyunga vatekulwila veni ku visemwa vyeni vyoshe vya kulutwe kwoshe kuje kumukakala.

VaLevi 23:21 Iomraidhean Croise

Kushangumuka 17:7

“Njikakolesa cikumiiyo cange kuli yove na kuli vatekulwila vove ku visemwa vyavo vyoshe vya kulutwe. Cikapwa cikumiiyo cije kucesi kuhwa ca ku myaka yoshe, ngeci njikapwa Njambi yove, na Njambi ya vatekulwila vove.

Kutuuka 27:21

Alone na vana vendi vakevo vakaka vindeya mu Mbalaka anja ya livamba lije lili kulutwe lwa Cikasa ca Cikumiiyo. Co vikashukuma ku mesho ange kutunda ku cingwezi nakweta ku mutondo. Co vaIsalele na vatekulwila vavo vakanyunge kushika oku.

Isaya 11:10

Litangwa lije likaija omo mwene wamuhwa wakutunda ku vumwene vwa Ndaviti akapwa cimweso ku miyati. Miyati vakakungulukila mu nganda ya vumwene vwendi nakumwana kasingimiko.

VaLevi 23:14

Kumwapandele kulya tiliku yaiha, nambe yaivishu, nambe yakwoca, nambe kuyilinga makende, noo munayikombelelela kuli Njambi. Co lishiko eli vanapande kulinyunga vatekulwila veni ku visemwa vyeni vyoshe vya kulutwe kwoshe kuje kumukakala.”

VaLevi 23:2

“Endeka kuli vanu va Isalele ngwove, evi vikevyo viwano vya vunjambi, vimukanyunga omo mukakunguluka amo nakulemesa.

VaLevi 23:20

Co muka-kukombelela akavitwala amo na makende a vimbuto vyakulivanga vije vanatejele, kupwa mulambu kuli Shukulu Kalunga, amo na vaje vana va vimanga vavali. Milambu eyi inapu yakujela kuli Shukulu Kalunga, ikapwa ya muka-kukombelela.

VaLevi 23:25

Mukakombelela n̄ombelo ya vyakulya kuli Shukulu Kalunga, co kesi mukapange vipangi vyeni vya a litangwa na litangwa.”

VaLevi 23:31

Kesi mukapange vipangi vimo. Eli likapwa lalo lishiko lya vatekulwila veni voshe kwoshe kuje kuvakakala.

VaLevi 23:4

Ambululeni viwano evi a visimbu vije vivemika.”

VaLevi 23:7

A litangwa lyakulivanga mukakunguluka nakulemesa, co kesi mukapange vipangi vyeni vya a litangwa na litangwa.

VaLevi 3:17

Kukwesi kaIsalele akalya mazi nambe maninga, eli likelyo lishiko limukanyunga ku myaka yoshe kuli vaIsalele voshe ku visemwa vyeni vyoshe vya kulutwe kwoshe kuje kumukakala.”

Kulava 18:23

Kutunda ano vaLevi lika vakevo vakapanga vipangi vya mu Mbalaka Mwakuliwanena. Co vakakala na mulonga wa uje ivakatsiya uje ashwenya kuyehi na Mbalaka. Eli linapu lalo lishiko lya vatekulwila veni voshe. Co vaLevi kuvakakala na vufuko nambe vushwana mu Isalele,

Kwituluka mu Mashiko 16:11

Co mukajolela ku mesho a Shukulu Kalunga Njambi yeni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi vaje mulinakukala navo, na vaka-kwija, na visiwa, na vifwile vaje valinakukala akati keni. Mukalingila eci ku mwela uje wakaangula Shukulu Kalunga wakumulemesela.