VaLevi 23:17 - Livulu lya Shukulu Kalunga

¹⁷ Naanga na naanga vakanene kuli Shukulu Kalunga mikasha ivali ya makende kupwa mulambu wauvwa. Mukasha umo na umo vautike na makilo avali a vunga vwa tiliku vwakuseneta vwakutika na musima, co vakayilambule kuli Shukulu Kalunga kupwa mulambu wakulivanga wa vimbuto vije vanatejele.

VaLevi 23:17 Iomraidhean Croise

Nehemiya 10:37

Co tukatwala kuli vaka-kukombelela mu Njuvo ya Shukulu Kalunga, mukasha wakutika wa vimbuto vyakulivanga, vije vitunateje a mwaka na mwaka, na milambu yetu ikwavo ya vinyu, na mazi a olive, na miyati yoshe ya vushuka. Tukatwala kuli vaLevi, ava valinakutambula camulikumi ku vyakulima vyetu mu membo, na cavulikumi ca ku vimbuto vije vilinakumena mu lifuti lyetu.

Kutuuka 22:29

“Kesi mwishwale kulambula kuli yange milambu ya vyakulya vyeni, na vimbuto vyeni, na vinyu vyeni, na mazi eni a olive, omo simbu ya kuteja inete. “Aneni vana veni va va ntwatwa va vanalume kuli yange.

Kutuuka 23:16

“Mukalisamba a Ciwano ca Kuteja omo mukashangumuka kuteja vimbuto vyeni. “Mukalisamba a Ciwano ca Mapapela a civatu ca nyonzi, omo mulinakukungulula vushuka vwa mu mahya eni a mikolovozi ya vushuka vwa vinyu.

Kutuuka 23:19

“Mukanena vimbuto vije mwateje akulivanga ku njuvo ya Shukulu Kalunga Njambi yeni a mwaka na mwaka. “Kesi mukateleke muna manga nambe muna membe na mavele a vainavo embwe.

Kutuuka 34:22

“Mukanyunga Ciwano ca Kuteja, omo mukashangumuka kuteja vimbuto vyeni vyakulivanga. Co lalo mukanyunga Ciwano ca Mapapela a civatu ca nyonzi, omo mukakungulula vushuka vweni.

Kutuuka 34:26

“Co a mwaka na mwaka neneni ku Njuvo ya Shukulu Kalunga Njambi yeni vimbuto mwateje akulivanga. “Kesi muteleke muna manga nambe muna membe na mavele a vaina embwe.”

VaLevi 2:12

Mulambu wa vimbuto vya mushoke vije vimukateja a mwaka na mwaka mukaunene kuli Shukulu Kalunga, oloni kesi mukawenyekele a mutula.

VaLevi 23:10

“Leka vanu va Isalele ngwove, omo mwija mu lifuti lije lyakamyana Shukulu Kalunga, omo mukateja vimbuto vyeni, twaleni mukuta wakulivanga umunateje kuli muka-kukombelela.

VaLevi 23:18

Co mbunga vakanene makende nakulambula lalo vana va vimanga vatanu na vavali va mwaka umolika, na ngombe wa nkomba umo, na majamba vavali, vakujeneka kapenga. Vakavalambule kupwa mulambu wa kwenyeka kuli Shukulu Kalunga, amo na mulambu wa vimbuto vya vinona, na milambu ya vinyu. Co vweko vwa mulambu ou vukavwaelelesa Shukulu Kalunga.

VaLevi 7:13

Amo na mulambu wendi wa kulitombola wa cikandelela, mulambu wendi akalambule mikasha ya makende akwoca akujeneka musima,

Kulava 15:17

Shukulu Kalunga wendekele kuli Mosesa ngwendi,

Kulava 18:12

“Njinamyana vyoshe vije vyavivwa manene, evi vinapu mazi a olive amavwa, na vinyu vyavivwa, na vimbuto vije vakateja vaIsalele akulivanga a mwaka na mwaka.

Kulava 18:13

Co vushuka vwoshe na vimbuto vyoshe vyakulivanga kuhya vije vili mu lifuti lyavo vije vakalambula kuli yange vikapwa vyeni. Co munu woshe wa ku naanga yove uje najele nasa kuvilya.

Kulava 28:26

“A litangwa lyakutwala vimbuto vyaviha vyakulivanga kuteja, mukakombelela n̄ombelo ya vyakulya vyaviha kuli Shukulu Kalunga, co mukalikungulwila amo nakulemesa, co kesi mukapange vipangi.

Mateo 13:33

Yesu wavatelelele cisimo cikwavo lalo ngwendi, “Vumwene vwa mwilu vunalifu ngwe musima uje wanonele munakazi nakuutsingasana na malita makumi awana a vunga vwa tiliku mu lilonga, noo mukasha woshe wafutunukile.”

Loma 8:23

Oloni kesi vyakutanga lika vilinakukemanga embwe, netu lalo tuli na Munzinzime ngwe vaje vakulivanga kupwa vwana vwa Njambi netu lalo tulinakukemanga omo tulinakuvandamena Njambi ngeci atupwise vana vendi nakupatula mivila yetu.

1 Kolinte 15:20

Oloni vushunga vwa vyuma evi vunapu ovu, Kilistu vamusangwile ku vatsi, ngwe vemikile ngeci ngwavo vaje vanalala tulo twa kutsa vakavasangula lalo.

Yakomba 1:18

Ku cizango cendi natutanga yetu a lijwi lya vushunga, ngeci tupwe mushoke wakulivanga akati ka vyoshe vije vyatangele.

Kujombolola 14:4

Vanapu vanalume vaje vanalinyungu vakevo vavenya kujeneka kulijwalesa na vanakazi, vapwile vaje kanda valimone na vanakazi. Vakakavangeya Muna Manga kwoshe kuje aya. Vanavakulu kutunda akati ka miyati ya vanu voshe, co vanapu vakulivanga kuvana kuli Njambi na kuli Muna Manga.