VaLevi 22:9 - Livulu lya Shukulu Kalunga

⁹ “Vaka-kukombelela voshe vakanyunge mashiko ange anjinavana, kutewa vakakala na mulonga, co vakatsa, omwo kuvononokele mashiko akujela. Yange njapwa Kalunga, muka-kuvajelesa.

VaLevi 22:9 Iomraidhean Croise

Kutuuka 28:43

Alone na vana vendi vanapande kuzala otu tuputula simbu yoshe omo vakovela mu Mbalaka Mwakuliwanena, nambe omo vashwenya kuyehi na mutula mu vipangi vyakukombelela mu Mwela Wakujela, ngeci kesi vakale mushelengwa, kutewa vatsa. Awa akewo mashiko a myaka yoshe kuli Alone na vatekulwila vendi.

VaLevi 16:13

Co akaake insense a tuhya ku mesho a Shukulu Kalunga, co vwisi vwa insense vukafwika cifwiko ca Cikasa ca Cikumiiyo, ngeci ikeye kesi acimone kutewa atsa.

VaLevi 16:2

Co Shukulu Kalunga wendekele ngwendi, “Leka ndolome yove Alone ngwove, kuvanga a simbu ije lika vemika ikeyo yakaita kunima ya livamba mukukovela mu Mwela Wakujela Manene, omwo muje mukemwo munjikasholokela mu lishelwa akamwa ya cifwiko ca Cikasa ca Cikumiiyo. Nga kononoka, co akatsa.

VaLevi 18:30

Co Shukulu Kalunga lalo wendekele ngwendi, “Ononokeni kushika kwange, co kesi mukavangeye vilinga vya vanu vaje vanakala mu lifuti lije akulivanga, simbu kanda muyemo. Co kesi mulijwalese yeni vavenya akulinga vyuma evi embwe. Yange njapwa Kalunga Njambi yeni.”

VaLevi 22:16

Akwecelela woshe munu kuvatavesele ngeci avilye, eci cikanena mulonga nambe kunyanyamesa ali munu wa cifwa cangacije. Yange njapwa Kalunga, muka-kujelesa vin̄ombelo.”

Kulava 18:22

Kutunda ano vanu va Isalele kesi vakashwenye ku Mbalaka Mwakuliwanena kutewa valikokela vuvi vwa kutsa.

Kulava 18:32

Co kumukakala na mulonga lalo omo yeni mukavilya, omwo yeni munaana laja vyavivwa kuli Shukulu Kalunga. Oloni kesi mukaviise mulambu wakujela manene wa vanu va Isalele akulya vimo vya ku mulambu uje omwo kanda mucane mutambela wauvwa kuli Shukulu Kalunga kutewa mukatsa.’ ”

Mateo 23:17

Eni tupuputwa va vilema! Omwo cuma mukajo cakama? Ngolinde nambe Njuvo ya Shukulu Kalunga ije ipwisa ngolinde ngeci ijele mu vipangi vya Njambi?

Kwituluka mu Mashiko 11:1

“Ngecivene, mukazema Shukulu Kalunga Njambi yeni, nakunyunga kushika kwendi, na vizilika vyendi, na vilongesa vyendi, na mashiko endi simbu yoshe.