VaLevi 22:32 - Livulu lya Shukulu Kalunga

³² Kesi mukashawise lizina lyange lyakujela. Vanu voshe vaIsalele vanapande kuzivuka ngeci yange njapwa wakujela. Yange njapwa Kalunga, yange muka-kumijelesa.

VaLevi 22:32 Iomraidhean Croise

Isaya 5:16

Oloni Shukulu Kalunga Muka-nzili yoshe amwesa vukama vwendi akulinga vyuma vya vushunga, asholola kujela kwendi akusompa vanu vendi.

Isaya 8:13

Anuka ngeci yange Kalunga Muka-nzili yoshe, njapwa wakujela, yange lika imunapande kukomoka.

VaLevi 10:3

Asinoni Mosesa wendekele kuli Alone ngwendi, “Omu mukemwo mwanendeka Shukulu Kalunga omo wendekele ngwendi, ‘Voshe vanjipangela vanapande kusingimika kujela kwange, njikamwesa vulemu vwa vumpau vwange kuli vanu vange voshe.’ ” Oloni Alone wolokele kuluu.

VaLevi 18:21

Kesi ukatavese umo wa vana veni kumupangesa mukulemesa njambi Moleki, omwo ngila eyi ikashawisa lizina lya Njambi yeni, yange njapwa Kalunga.

VaLevi 20:8

Ononokeni mashiko ange, omwo yange njapwa Kalunga, uje akamijelesa.

VaLevi 21:15

Co mu ngila eyi kakajwalesa vana vendi. Yange njapwa Kalunga yange njinamujelesa kumupwisa Muka-kukombelela Wakama.”

VaLevi 21:8

Vanu vanapande kunanguka ngeci vaka-kukombelela vapwa vakujela, omwo vakevo vaka-kukombelela vin̄ombelo vya vyakulya kuli Njambi yavo. Yange Kalunga njapwa wakujela, co njipwisa vanu vange lalo vakujela.

VaLevi 22:16

Akwecelela woshe munu kuvatavesele ngeci avilye, eci cikanena mulonga nambe kunyanyamesa ali munu wa cifwa cangacije. Yange njapwa Kalunga, muka-kujelesa vin̄ombelo.”

VaLevi 22:2

“Leka Alone na vana vendi va vanalume ngwove, kumwapandele kushawisa lizina lyange lyakujela, ngecivene, pangeseni na kasingimiko vin̄ombelo vyakujela evi valinakukundika vanu va Isalele kuli yange. Yange njapwa Kalunga.

VaLevi 22:31

Shukulu Kalunga wendekele ngwendi, “Ononokeni kushika kwange. Yange njapwa Kalunga.

VaLevi 22:33

Yange njamitundisile mu Ingito ngeci njipwe Njambi yeni. Yange njapwa Kalunga.”

Mateo 6:9

Omu mukemwo mumunapande kulomba, ngweni, ‘Tatetu uli mwilu, valemese lizina lyove,

Luka 11:2

Yesu wendekele kuli vakevo ngwendi, “Omo mulombela endekeni ngweni, ‘Tatetu, valemese lizina lyove, vumwene vwove vwije.

Yowano 17:17

Vakundike kuli yove vavenya mu vushunga, lijwi lyove lyapwa vushunga.

1 Kolinte 1:2

Ku cikungulukilo ca Njambi cije cili mu Kolinte, kuli vaje voshe vavanasana ngeci vapwe vanu va Njambi vakujela, vaje vanakundama kuli ikeye amo na Kilistu Yesu, amolika na vanu voshe kwoshe-ikwoshe vaje vakalemesa Mwene yetu Yesu Kilistu, Mwene yavo na Mwene yetu.