VaLevi 22:2 - Livulu lya Shukulu Kalunga

² “Leka Alone na vana vendi va vanalume ngwove, kumwapandele kushawisa lizina lyange lyakujela, ngecivene, pangeseni na kasingimiko vin̄ombelo vyakujela evi valinakukundika vanu va Isalele kuli yange. Yange njapwa Kalunga.

VaLevi 22:2 Iomraidhean Croise

Ezela 8:28

Co njendekele kuli vakevo ngwange, “Yeni munapu vakujela ku mesho a Shukulu Kalunga, Njambi ya vakukulwila veni, ngecivene, siliva yoshe na vivala vya ngolinde vinapu vyakujela, vije vivaanene kupwa vin̄ombelo vya cizango.

Kutuuka 13:12

co munapande kulambula mwana woshe wa munalume wa ntwatwa kuli Shukulu Kalunga. Vimuna veni va nkomba vakulivanga kusemuka vanakundama kuli Shukulu Kalunga,

Kutuuka 28:38

Co Alone akaizale simbu yoshe mu luholo lwendi, ngecivene, yange Kalunga njikatambula milambu yoshe ije vaIsalele vakaikundika kuli yange, nameme nga vanu vanazimbala mu ngila yakwana milambu.

Isaya 52:11

Tundeni mu Mbambilone, yeni voshe vaka-kwambata vivala vya mu Njuvo ya Shukulu Kalunga. Kesi mukwate cuma cakujwala, lijeleseni ngeci muye.

Ezekiyele 44:8

Vakevo kuvendesele mwamuvwa vilika vyakujela mu Njuvo yange, oloni munaka vaka-kwija kupwa vaka-kushika.

VaLevi 15:31

Co Shukulu Kalunga walekele Mosesa kunangula vanu va Isalele akujeneka kujela kwavo, ngeci kesi vajwalese Mbalaka Mwakuliwanena nendi, ije ili akati kavo. Nga vakacilinga, co vakatsa.

VaLevi 18:21

Kesi ukatavese umo wa vana veni kumupangesa mukulemesa njambi Moleki, omwo ngila eyi ikashawisa lizina lya Njambi yeni, yange njapwa Kalunga.

VaLevi 19:12

Kesi mukalisinge vya makuli nakushawisa lizina lya Njambi yeni. Yange njapwa Kalunga Njambi yeni.

VaLevi 20:3

Nga munu aana munendi kuli Moleki ajwalesa Mbalaka yange yakujela nakuzivisa shwamwa lizina lyange lyakujela. Co njikamukengesa nima, co kunjikamulava lalo kupwa munu wange.

VaLevi 21:6

Vanapande kupwa vakujela, co kuvapandele kushawisa lizina lyange, omwo vakombelela vin̄ombelo vya vyakulya kuli Shukulu Kalunga Njambi yavo, ngecivene, vanapande kupwa vakujela.

VaLevi 22:1

Shukulu Kalunga wendekele kuli Mosesa ngwendi,

VaLevi 22:32

Kesi mukashawise lizina lyange lyakujela. Vanu voshe vaIsalele vanapande kuzivuka ngeci yange njapwa wakujela. Yange njapwa Kalunga, yange muka-kumijelesa.

Kulava 18:32

Co kumukakala na mulonga lalo omo yeni mukavilya, omwo yeni munaana laja vyavivwa kuli Shukulu Kalunga. Oloni kesi mukaviise mulambu wakujela manene wa vanu va Isalele akulya vimo vya ku mulambu uje omwo kanda mucane mutambela wauvwa kuli Shukulu Kalunga kutewa mukatsa.’ ”

Kwituluka mu Mashiko 15:19

“Mukaangunwina Shukulu Kalunga Njambi yeni va nkomba voshe va vingombe na vimanga vakulivanga kusemuka, kesi mukapangese cimuna umo nambe kuteula vimanga ava embwe.