VaLevi 22:18 - Livulu lya Shukulu Kalunga

¹⁸ “Leka Alone na vana vendi va vanalume na vanu voshe va Isalele ngwove, omo kaIsalele nambe muka-kwija woshe uje ali mu Isalele nga akombelela n̄ombelo ya kwenyeka, nambe kushulisa cisingo, nambe mulambu wa cizango, co uje cimuna kapandele kukala na kapenga.

VaLevi 22:18 Iomraidhean Croise

2 Mizimbu 31:14

Co Kole muna Imena, kaLevi ikeye wapwile muka-kunyunga ku Cikolo ca mu Ngangela ku Njuvo ya Shukulu Kalunga, ikeye wapwile mukulunu wakumona milambu ije ivaanene kuli Shukulu Kalunga nakuyipangazela.

Myaso 116:14

Mu cikungulukilo ca vanu vendi voshe, njikamwana vije njamukulaesele.

Myaso 116:18

Mu cikungulukilo ca vanu vove voshe,

Myaso 22:25

Mu mbunga yakama njikakushangazala, omwo vije viwunalingi, ku mesho a vaje vaka-kukulemesa njikakombelela vin̄ombelo vije vinjakukulaesele.

Myaso 56:12

Njikakwana vije vinjakukulaesele yove Njambi, njikakwana n̄ombelo yange ya cikandelela,

Myaso 61:5

Yove Njambi wazivile vikulaeso vyange, co unanjivezikisa ngeci muje ukavezikisa vaje vakulemesa.

Myaso 61:8

Ngecivene, njikaimba nakushangazala lizina lyove simbu yoshe, co simbu yoshe njikanyunga vije njakulaesele.

Myaso 65:1

Mwamuvwa kuli yetu kukushangazalela mu Siyone yove Njambi, nakunyunga vikulaeso vyetu kuli yove,

Myaso 66:13

Njikanena vin̄ombelo vya kwenyeka ku Njuvo yove, co njikakombelela vije vinjakukulaesele.

Kutuuka 12:5

Munapande kwangula manga nambe membe, oloni napande kupwa nkomba wa mwaka umo wakujeneka kapenga.

Muka-kwambulula 5:4

Omwo ulisinga cisingo kuli Njambi, kesi wishwale kucilinga. Njambi kesi kuvwaelela na vilema. Linga vije unamukulaesa.

VaLevi 1:10

“Nga munu alambula umo wa vimanga vendi nambe umo wa vimembe vendi, napande kupwa lijamba wa kujeneka kapenga.

VaLevi 1:2

“Leka vanu va Isalele vanyunge mashiko awa omo vakombelela vin̄ombelo vyavo. “Omo munu woshe anena cimuna wakukombelela, nambe umo wa vingombe vendi, nambe umo wa vimanga vendi, nambe umo wa vimembe vendi,

VaLevi 17:10

“Nga kaIsalele, nambe muka-kwija uje alinakukala akati ka vanu, alya situ ili na maninga, nambe alya maninga, co Shukulu Kalunga akamutengulukila, co kakamulava lalo kupwa munu wendi embwe.

VaLevi 17:13

“KaIsalele woshe, nambe muka-kwija uje alinakukala akati ka vanu, nga aya nakuyomba, co atsiya kasitu nambe kazila wakulya, co ikeye napande kwitila maninga endi asi nakwofwelao livu.

VaLevi 22:17

Shukulu Kalunga wendekele kuli Mosesa ngwendi,

VaLevi 23:38

Viwano evi vyakukumbasana ku Matangwa Akuhwima, co milambu eyi inakumbasana ku vwana vweni vwa matangwa oshe, na milambu yeni mukushulisa visingo vyeni, na milambu ya vizango vyeni mulinakulambula kuli Shukulu Kalunga.)

VaLevi 7:16

Nga munu atwala mulambu wa kulitombola mukushulisa cisingo nambe kupwa mulambu wa cizango cendi vavenya, co kesi vakaulye a litangwa lije vene vanaukombelela, oloni nga umo unasalao, vasa kuulya alikaki,

Amose 4:5

Neneni makende kupwa mulambu wa cikandelela kuli Njambi, co lyaleseni a milambu ikwavo imunena! Omu mukemwo mumwashaka kulinga.

Yona 1:16

Asinoni vaje vaka-kujavula vazivilile Shukulu Kalunga lyova, co vakombelelele n̄ombelo kuli Shukulu Kalunga nakulikumiiya nendi.

Yona 2:9

Oloni yange njikaimba nakukwalesa, nakukombelela n̄ombelo kuli yove, nakulinga vije njalikumiiye. Kwamena kwatunda kuli Shukulu Kalunga!”

Nahumi 1:15

Kengeni, muluwa alinakwija akamwa ya minkinda mukutunenela muzimbu wauvwa! Alinakwija mukwambulula vyakufungulula Asilya! Ngecivene, vanu va mu Yunda, lisambeni a viwano vyeni, co aneni kuli Njambi vije mwalisingile kumwana. Co vaAsilya vaje vaka-vuvi kuvakalwisa lalo lifuti lyeni. Vanavanyongesa voshe njwa!

Malakiya 1:14

Cisingo cikale ali muka-makuli uje akombelela cimuna uje kesi na seo kuli yange, omo ali na cimuna wamuvwa mu vutanga vwendi uje yanalisingile kunjanaye! Omwo yange njapwa nji mwene wakama, co vanu vaka-mafuti oshe vanjikomoka.”

Kulava 15:3

Mukalambula milambu ya kwenyeka nambe kukombelela kuli Shukulu Kalunga, ngombe wa nkomba, nambe lijamba lya manga. Nambe manga, nambe membe, mukushulisa milambu ya cisingo, nambe milambu ya cizango, nambe ya viwano vije vemika, co vweko vwavuvwa vwa milambu eyi ya vyakulya vukavwaelelesa Shukulu Kalunga.

Vilinga vya Miluwa 18:18

Paulu wakele mu Kolinte amo na vaka-kukulaela matangwa amangi, asinoni wavasezele nakuya mu vwato ku Silya amo na Pilisila na Akwila. Simbu kanda aciseze Senkilise Paulu watewile ku mutwe wendi omwo cisingo cije walisingile.

Kwituluka mu Mashiko 12:17

Co nacimo cai cije cimukaana kuli Shukulu Kalunga cimukalila mu mitambela mumuli nakukala embwe, nambe cavulikumi ku vimbuto vyeni, nambe ku vinyu vyeni vyaviha, nambe ku mazi eni a olive, nambe ku va ntwatwa va vimuna veni, nambe vin̄ombelo vyeni vya cikulaeso vije mulinakulikulaesa kuli Shukulu Kalunga, nambe vin̄ombelo vyeni vya cizango, nambe milambu ikwavo lalo.

Kwituluka mu Mashiko 12:6

Yeni mukatwala vin̄ombelo vyeni kuje vya kwenyeka, na vin̄ombelo vikwavo, co mukaana cavulikumi, na mulambu uje mulinakwana, na vin̄ombelo vyeni vya cikulaeso kuli Shukulu Kalunga, na vin̄ombelo vyeni vya cizango, na va ntwatwa va ku vutanga vwa vi muna veni.

Kwituluka mu Mashiko 16:10

Asinoni mukanyunga Ciwano ca Kuteja mukusingimika Shukulu Kalunga Njambi yeni. Mukamwane mulambu weni wa n̄ombelo ya cizango ngwe ku vivezikiso vije vyakamivezikisa Shukulu Kalunga Njambi yeni.