VaLevi 22:13 - Livulu lya Shukulu Kalunga

¹³ Oloni nga muna muka-kukombelela wa munakazi napu fwile, nambe uje ivanakondola, ikeye kesi na vana, oloni neluka nakukala ku njuvo ya ishe ngwe mwakeleko laja a vwanike vwendi, nasa kulya ku vyakulya vije vyatambula ishe akupwa muka-kukombelela. Kuvanga lika munu wa ku naanga ya muka-kukombelela ikeye asa kuvilya.

VaLevi 22:13 Iomraidhean Croise

Kushangumuka 38:11

Asinoni Yunda wendekele kuli vainamweno Tamale ngwendi, “Iluka ku njuvo ya isho mu vufwile vwove noo munange wa munalume Shela nakolo.” Wendekele ngeci omwo ikeye wakele na lyova ngwendi amo Shukulu Kalunga akatsiya Shela ngwe mwanatsii vandolome vendi. Ngecivene, Tamale welukile ku njuvo ya ishe.

Ezela 2:63

Co nguvulu wa vaYunda wavalekele ngeci kuvasa kulya vyakulya vije vivanakombelela kuli Njambi, kuvanga kupwe muka-kukombelela uje asa kupangesa Ulime na Tumime.

Kutuuka 12:43

Co Shukulu Kalunga wendekele kuli Mosesa na Alone ngwendi, “Awa akewo mashiko aa Ciwano ca Pasovala. Kukwesi muka-kwija akalya ku vyakulya vya Ciwano ca Pasovala,

Kutuuka 29:33

Co vakevo vakalya vije vivapangesele mukuvaambesa mukuvemika omo vavakundikile. Vaka-kukombelela lika vakevo vakalya vyakulya evi, omwo vikevyo vyapwa vyakujela.

Ezekiyele 44:8

Vakevo kuvendesele mwamuvwa vilika vyakujela mu Njuvo yange, oloni munaka vaka-kwija kupwa vaka-kushika.

VaLevi 10:14

Oloni n̄undo, na lindi vyakulambula ukavilila ku mwela umo wakujela, yove na vana vove va vanalume, na vana vove va vanakazi, omwo vinapu vwana vuvanaana kuli Shukulu Kalunga kupwa mutambela wove, na mutambela wa vana vove wa milambu ya kulitombola ya vanu va Isalele.

VaLevi 22:10

“Munu wa ku naanga ya vuka-kukombelela ikeye akalya ku vin̄ombelo vyakujela. Kukwesi weka lalo akavilya, nambe mungenzi uje alinakukala kuli muka-kukombelela, nambe uje wakukumuna.

VaLevi 22:12

Nga muna muka-kukombelela wa munakazi ashomboka ku munu uje kesi muka-kukombelela kapandele kulya ku vin̄ombelo vyakujela.

Kwituluka mu Mashiko 24:2

Co nga uje munakazi natundu ku njuvo ya uje munalume akalishombokela kweka,

1 Samwele 21:7

(Mukulunu wa tunyungi twa Saulu lizina lyendi Ndoenge, kaEndome, wakele kuje a litangwa lije, omwo washakele kushulisa vya vuNjambi vwendi.)