VaLevi 21:7 - Livulu lya Shukulu Kalunga

⁷ Vaka-kukombelela kuvapandele kwambata vanakazi vaje vanalijwalesa na vukwizi, nambe vanakazi vaje valimono laja na vanalume, nambe vaje vavanakondola laja, omwo vaka-kukombelela vapwa vakujela kuli Njambi.

VaLevi 21:7 Iomraidhean Croise

Kushangumuka 38:24

Omo kwetile vingonde vitatu, munu umo walekele Yunda ngwendi, “Vanyokomweno Tamale valipwisile cikwizi, vali na kafumba.” Yunda washikile ngwendi, “Mutuwiseni anja ya nganda nakumwenyeka atse.”

Isaya 50:1

Shukulu Kalunga alinakwendeka ngwendi, “Kuma mwayongola ngweni njashekele vanyoko, nambe kuvalandesa mukufweta mulonga? Ilikulijo mikanda yakumukondwesa? Kuma mwayongola ngweni njamilandesele ngeci vakamifuke ngwe munalume uje alandesa vana vendi kuvapwisa vindungo ndi? Embwe, mwaile nakumifuka omwo a vuvi vweni, vamitumine kulyala omwo a milonga yeni.

Ezekiyele 44:22

Naumo muka-kukombelela wai akambata munakazi wakukondola, ambate lika kaIsalele wa mumbanda uje kanda alimone na munalume, nambe fwile wa mukwavo muka-kukombelela.

VaLevi 21:8

Vanu vanapande kunanguka ngeci vaka-kukombelela vapwa vakujela, omwo vakevo vaka-kukombelela vin̄ombelo vya vyakulya kuli Njambi yavo. Yange Kalunga njapwa wakujela, co njipwisa vanu vange lalo vakujela.

1 Timateo 3:11

Vanakazi vavo vanapande kupwa va futisi yaivwa, kesi vaka-lufwe, kesi vapwe vaka-kunwa vyakupendesa, oloni vapwe vaka-vushunga mu vyuma vyoshe.