VaLevi 21:10 - Livulu lya Shukulu Kalunga

¹⁰ “Muka-kukombelela Wakama uje vetilile mazi a mutwe wendi nakumuvwavesa, uje ivanakundika kuzala vuzalo vwa vuka-kukombelela kapandele kwecelela vin̄ambu vyendi kujeneka kuvisakula, nambe kutavula vuzalo vwendi kumwesa ngeci ali na vusiwa embwe.

VaLevi 21:10 Iomraidhean Croise

Kushangumuka 37:34

Yakomba watavwile vuzalo vwendi omwo vusiwa, co wazalele cikeleya. Walilile munendi simbu yakama.

2 Samwele 15:30

Ndaviti walamatele ku Munkinda wa Olive nakulila, kazalele vin̄aku ku mendi endi, co wafwikile ku mutwe wendi kupwa cimweso ca vusiwa. Ngecivene, na voshe vaje vamukavele valifwikile ku mitwe yavo, co lalo valilile.

Esita 6:12

Asinoni Molendekai welukile lalo ku cikolo ca lipela oloni Hamane wazambwilile ku njuvo yendi, wavandesele cihanga cendi omwo shwamwa.

Yombi 1:20

Yombi wakatukile watavwile vuzalo vwendi mukuviilila. Co watewile ku mutwe wendi, walyumbilile asi nakulemesa Shukulu Kalunga.

Myaso 133:2

Cinafu ngwe mazi akuvwava a seo yakama, aje avanetila ku mutwe wa Alone, co olomokela ku munjezi wendi, na ku matwi a cikoveyo cendi.

Kutuuka 29:7

Asinoni ambata mazi akumuvwavesa, etile a mutwe wendi, co muvwavese.

Ezekiyele 24:17

Linyenge kamandondo, kesi ulile mutsi. Zala kalupusa kove ku mutwe, co zala vin̄aku ku mendi ove. Kesi ufwike cihanga cove nambe kulya vyakulya vije vivakali vaka-kulila.”

VaLevi 13:45

“Munu uje ali na mushongo wa a cikonde wakulitambwisa, napande kuzala vuzalo vwakutavozoka, co kapandele kusakula vin̄ambu vyendi lalo, co afwike a kanwa kendi. Co napande kutambeka ngwendi, ‘Njaviya! Njaviya!’

VaLevi 16:32

Muka-kukombelela Wakama uje vanavwavesa nakumwimika mukwinga a vipangi vya ishe, akaambesa, omo nazala vuzalo vwakujela vwa linyu vwa vuka-kukombelela.

VaLevi 4:3

“Nga Muka-kukombelela Wakama nalingi vuvi, co akokela mulonga vanu, akanene muna ngombe wa nkomba wakujeneka kapenga, co akamukombelele kuli Shukulu Kalunga a vuvi vwendi.

VaLevi 8:12

Co ikeye wetilile mazi amo akuvwava a mutwe wa Alone nakumuvwavesa mukumujelesa.

Kulava 35:25

Mbunga ikaamene uje munu ali na mulonga wakutsiya na cintulu kuli vavushoko vwa uje mutsi, co vakevo vakamwilwisile mu nganda yakutewela ngeci akavandemo. Ikeye napande kukala muje noo Muka-kukombelela Wakama, uje ivavwavesele na mazi akujela natsi.

Kulava 6:7

nambe ca ishe, nambe ca vaina, nambe ca ndolome yendi, nambe ca ndokazi yendi. Nga vakevo vanatsi, kesi alijwalese ikeye vavenya embwe, omwo vin̄ambu vyendi vinapu cimweso cakulikundika kwendi kuli Njambi.

Mateo 26:65

A majwi awa, Muka-kukombelela Wakama watavwile vuzalo vwendi nakwendeka ngwendi, “Nashaula Njambi! Vikajo lalo tucishakezekela vukaleo vweka? Ololo vene mwalizivila kushaula kwendi a majwi endi!