VaLevi 21:1 - Livulu lya Shukulu Kalunga

¹ Shukulu Kalunga wendekele kuli Mosesa ngwendi, “Leka vaka-kukombelela va ku naanga ya Alone ngwove, muka-kukombelela kapandele kukala na vishako omo kavushoko kendi natsi embwe,

VaLevi 21:1 Iomraidhean Croise

Ezekiyele 44:25

“Muka-kukombelela kapandele kupwa muka-futisi yakujeneka kujela akukwata a civimbi, kuvanga apwe civimbi ca umo wa visemi vendi, nambe umo wa ali vana vendi, nambe ndolome yendi, nambe umo ndokazi yendi wakushomboka.

Hoziya 5:1

“Tolilileni vyuma evi, yeni vaka-kukombelela! Umbeniko mbunge, yeni vanu va mu Isalele! Tolilileni, yeni vaka-naanga ya vumwene! Munapandele kusompa mu vushunga, ngecivene, cihiso cikaija ali yeni! Yeni munapu ngwe nganjo ku Mizipa, munapu ngwe linimbwa lije vajangumwina a Munkinda wa Tambole.

VaLevi 19:28

Kesi mukalicate vinyato a mivila yeni, nambe kulilengozola mwamuvi a mivila yeni omo mulinakulila vatsi. Yange njapwa Kalunga.

VaLevi 21:11

Kesi akakovele mu njuvo muje muli civimbi, nameme ca ishe, nameme ca vaina embwe.

Malakiya 2:1

Shukulu Kalunga Muka-nzili yoshe alinakwendeka kuli vaka-kukombelela ngwendi, “Lishiko eli linapu lyeni.

Malakiya 2:4

Asinoni mukazivuka ngeci njinamyana lishiko eli, ngeci cikumiiyo cange na vaka-kukombelela vatekulwila va Levi, kesi cikapokoke.

Kulava 19:11

“Woshe uje akwata a civimbi ca munu woshe-iwoshe akapwa wakujeneka kujela a matangwa atanu na avali.

Kulava 19:14

“Eli likelyo lishiko nga munu atsila mu mbalaka yoshe-iyoshe, co woshe uje ali mu mbalaka ije a simbu ya kutsa kwendi nambe uje akakovelamo akapwa wakujeneka kujela a matangwa atanu na avali.

Kulava 19:16

Nga munu akwata a munu uje ivanatsiila anja yangoco, nambe uje natsi ku monde, nambe nga munu akwata a citsiya ca munu watsile laja, nambe a mbumbo, co ikeye akapwa wakujeneka kujela a matangwa atanu na avali.

Kulava 5:2

“Shika vanu va Isalele vatuwise munu woshe mu cilombo uje ali na mushongo wa a cikonde wakulitambwisa nambe mushongo wakususula, nambe munu woshe uje kajelele akwata a civimbi.

Kulava 6:6

“Matangwa oshe aje analikundika kuli Shukulu Kalunga kesi akashwenye kuyehi na civimbi,