VaLevi 20:26 - Livulu lya Shukulu Kalunga

²⁶ Pweni vanu vange vakujela. Co kundameni lika kuli yange omwo yange Kalunga njapwa wakujela. Njinamyangununa yeni ku miyati yeka ngeci mupwe vanu vange lika.

VaLevi 20:26 Iomraidhean Croise

Nehemiya 10:29

tunalipandakana na vantwama vetu nakulisinga cisingo mukukava Mashiko a Njambi, aje avaanene ali ngamba yendi Mosesa, nakwononoka Mashiko oshe, na vilongesa vya Shukulu Kalunga, Shukulu yetu.

Myaso 99:5

Shangazaleni Shukulu Kalunga Njambi yetu, mulemeseni a litanda lyendi! Ikeye wapwa wakujela!

Myaso 99:9

Shangazaleni Shukulu Kalunga Njambi yetu, mulemeseni a lilundu lyendi lyakujela! Omwo Shukulu Kalunga Njambi yetu wapwa wakujela!

Kutuuka 33:16

Vatijo vanu vakazivuka ngeci yove ulinakuvwaelela na vanu vove amo nange, nga yove kuuyi amo netu? Nga yove uya amo netu, co cikatwangununa ku vanu voshe veka vali ano asi.”

Isaya 30:11

Kesi mutuleke vije vyanendeka Njambi. Kutushaka kuziva vya Njambi wakujela wa Isalele.”

Isaya 6:3

Co valitambekelele umo na mukwavo ngwavo, “Wakujela, wakujela, wakujela! Shukulu Kalunga Muka-nzili yoshe wapwa wakujela! Asi oshe anashulu na vumpau vwendi.”

VaLevi 11:44

Yange njapwa Kalunga Njambi yeni, co munapande kulinyunga mupwe vaka-kujela, omwo yange njapwa wakujela.

VaLevi 19:2

“Leka mbunga yoshe ya vanu va Isalele ngwove, ‘Pweni vakujela, omwo yange Kalunga Njambi yeni, njapwa wakujela.’

VaLevi 20:24

Oloni yange njamikulaesele lifuti eli lyalivwa lya vwilo nevi vyakujenekamo vyai kupwa vushwana vweni, co yange njikamyanalyo. Yange njapwa Kalunga Njambi yeni, yange njamyangwile nakumyangununa akati ka miyati yoshe.

VaLevi 20:7

Pweni vakujela, omwo yange njapwa Kalunga Njambi yeni.

VaLevi 20:8

Ononokeni mashiko ange, omwo yange njapwa Kalunga, uje akamijelesa.

Kwituluka mu Mashiko 14:2

Omwo yeni mwapwa mu vanu va Shukulu Kalunga Njambi yeni, ikeye wamyangwile ngeci mupwe vanu vendi, akati ka miyati yoshe eyi yakala ano asi.

Kwituluka mu Mashiko 7:6

Shukulu Kalunga Njambi yeni wamyangwile kupwa vushwana vwendi kutuvakana vanu voshe vali ano asi ngeci mukapwe vanu vendi vakujela.

Tito 2:14

Walyecelele ikeye vavenya ali yetu, mukututundisa ku vivi vyoshe nakutupwisa vanu vakujela vakukundama kuli ikeye lika vaje vali na cizango cakulinga vyavivwa.

Yoshwa 24:19

Co Yoshwa wendekele kuli vanu va Isalele ngwendi, “Oloni kumukasa kupangela Shukulu Kalunga, omwo ikeye wapwa Njambi wakujela, co ikeye wapwa Njambi wa lifuwa. Ikeye kakamisambesa ku vuvi vweni na ku milonga yeni,

Kujombolola 3:7

“Kuli kangelo wa ku cikungulukilo ca mu Filandelufiya soneka ngwove, “Eli likelyo lijwi lyatundu kuli umo uje wakujela na vushunga. Nakwata sapi ije yakundamene kuli Ndaviti, co omo ashokolola lipito, naumo wai asa kulishoka, co omo alishoka, naumo wai asa kulishokolola.

Kujombolola 4:8

Umo na umo wa vaje vikashama vawana vakuyoya wakele na mambava atanu na limo, co oshe akele na mesho, mukati na anja. Vakevo kuvalikelele kwimba vutsiki na mutanya ngwavo, “Wakujela, wakujela, wakujela, ikeye Shukulu Kalunga Njambi Muka-nzili yoshe, uje wakeleko, uje aliko, na uje akaija.”