VaLevi 20:2 - Livulu lya Shukulu Kalunga

² “Leka vanu vaIsalele ngwove, munu woshe akati keni, nambe umo muka-kwija uje alinakukala akati keni, uje akana umo munendi ngeci vamupangese akulemesa njambi Moleki, co mbunga yoshe ikamutsiye na mamanya.

VaLevi 20:2 Iomraidhean Croise

1 Vimyene 11:7

A munkinda wa mu ngangela ya Yelusalema, Solomoni watungilileo mutambela wakulemesela Kemoshe, njambi wa vunyengwe wa Mowavi, na Moleki, njambi wa vunyengwe wa Amoni.

2 Vimyene 17:17

Vakombelelele vana vavo va vanalume na ava va vanakazi kupwa vin̄ombelo vyakwenyekela ku vinjambi va vaka-kujeneka kukulaela, co vakele nakwihula kuli vaka-kwendeka na vakulu na kuli vaka-kulukiya, valikundikile vakevo vavenya nakulinga vije vya vunyengwe ku mesho a Shukulu Kalunga, co vashangumwine vukalu vwendi.

2 Vimyene 23:10

Mwene Yosiya wasiwile lalo Tofete, mutambela vakele nakulemesela vaka-kujeneka kukulaela, mu Cana ca Hinome, ngeci naumo wai akakombelele munendi wa munalume nambe wa munakazi kumupwisa n̄ombelo ya kwenyeka kuli njambi Moleki.

2 Mizimbu 28:3

co wenyekelele insense mu Cana ca Hinome, wakombelelele vana vendi va vanalume kupwa vin̄ombelo vyakwenyekela ku tumponya, mukutembunwina vilinga vya vunyengwe vivalingile vanu vaje vaashekele Shukulu Kalunga mu lifuti omo vaIsalele vakele nakuya kulutwe.

2 Mizimbu 33:6

Ikeye wakombelelele vana vendi va vanalume mu Cana ca Hinome kupwa n̄ombelo ya kwenyeka. Co wataele vingombo na manseno nakwihula vaka-kulukiya na vaje vaka-kwendeka na vakulu. Ngecivene, walingile vuvi vwakama manene ku mesho a Shukulu Kalunga, co washangumwine vukalu vwendi.

Myaso 106:38

Vatsiile vana vakujeneka mulonga, co lifuti lyaviile na maninga.

Njelemiya 32:35

Vanatungu mitula ya Mbale mu Cana ca Hinome, mukukombelela vana vavo va vanalume, na ava va vanakazi kuli njambi Moleki. Kunjavashikile kulinga evi embwe, kuvyakovelele mu mbunge yange, ngeci valinge cuma ca cifwa cangacije nakulingisa vanu va mu Yunda vuvi.”

Njelemiya 7:31

Vanatungila mutula mu Cana ca Hinome uvatumbula ngwavo Tofete, ngeci vakombelele vana vavo va vanalume na ava va vanakazi kupwa vin̄ombelo vya kwenyeka. Yange kunjavashikile kulinga ngeci embwe, nameme kuciyongola mu mbunge yange.

Ezekiyele 20:26

Njavatavele kulijwalesa na vin̄ombelo vyavo vavenya, co njavatavele kukombelela vana vavo va va ntwatwa va vanalume. Eci capwile kuvanyanyamesa, nakuvamwesa ngeci yange njapwa Kalunga.

Ezekiyele 20:31

Nameme ku litangwa lya lelo vene mucili nakwana vwana vwa cifwa cimo, nakulijwalesa na tumponya tuje vene akukombelela vana veni ku tumponya mu tuhya. Co yeni lalo vaIsalele mucili nakwija nakwihula vati mucapwa cizango cange! Mwa vushunga vene omo yange njapwa Kalunga wa Akamwa ya Vyoshe, Njambi wakuyoya, kunjikamitava ngeci munjihule cuma cimo embwe.

Ezekiyele 23:37

Vanalingi vupangala nakutsiya, vanalingi vupangala akulemesa tumponya, nakutsiya vana vaje njakitile navo. Vanakombelela vana vaje vanjakitile navo kupwa vin̄ombelo vyakwenyekela ku tumponya.

Ezekiyele 23:39

A litangwa lije vene vatsiile vana vange nakuvakombelela ku tumponya, likelyo litangwa vezile ku Njuvo yange nakuyijwalesa!

VaLevi 17:13

“KaIsalele woshe, nambe muka-kwija uje alinakukala akati ka vanu, nga aya nakuyomba, co atsiya kasitu nambe kazila wakulya, co ikeye napande kwitila maninga endi asi nakwofwelao livu.

VaLevi 17:15

“Munu woshe-iwoshe, nambe kaIsalele, nambe muka-kwija, uje alya situ ya kasitu wakulitsila, nambe wakutsiya ku vikashama, napande kukusha vuzalo vwendi, co ajwele a muvila wendi, co akapwa wakujeneka kujela noo ku cingwezi, asinoni akajela.

VaLevi 17:8

“Co ukendeka kuli vakevo ngwove kaIsalele woshe, nambe muka-kwija uje alinakukala akati kavo, uje akombelela n̄ombelo ya kwenyeka, nambe n̄ombelo yeka

VaLevi 18:21

Kesi ukatavese umo wa vana veni kumupangesa mukulemesa njambi Moleki, omwo ngila eyi ikashawisa lizina lya Njambi yeni, yange njapwa Kalunga.

VaLevi 20:1

Shukulu Kalunga wendekele kuli Mosesa ngwendi,

VaLevi 20:27

“Munalume woshe-iwoshe nambe munakazi uje akendeka na minzinzime ya vatsi nambe kutaa vakamutsiye na mamanya. Omwo kutsa kwendi kwakulishakela ikeye vavenya.”

VaLevi 24:14

“Tuwiseni anja ya cilombo uje munalume nashawile lizina lyange. Munu na munu uje nazivile omo nashawile akakambeke mavoko endi a mutwe wa uje munalume mukushulisa vukaleo ngwendi ali na mulonga. Asinoni mbunga yoshe vakamwashe mamanya.

VaLevi 24:16

KaIsalele woshe, nambe muka-kwija woshe uje ali mu Isalele, nga ashaula lizina lya Shukulu Kalunga, co mbunga yoshe vakamwashe mamanya.

VaLevi 24:23

Omo Mosesa nendeka evi kuli vanu vaIsalele, co vatuwisile anja ya cilombo uje munalume washawile lizina lya Njambi, co vamwashele mamanya. Mu ngila eyi vanu vaIsalele valingile vije Shukulu Kalunga washikile Mosesa.

Vilinga vya Miluwa 7:43

Co yapwile mbalaka ya njambi Moleki ije mwambatele, na cifwa ca Lefane, njambi yeni wa vingongonosi, ava vakevo tumponya tweni mwapangele ngeci muvalemese. Co njikamituma ku vunzinda musambwa ya Mbambilone.’

Kwituluka mu Mashiko 12:31

Kesi mukalemese Shukulu Kalunga Njambi yeni mu cifwa cije vakalemesa naco vinjambi vavo embwe. Omwo valemesa vinjambi vavo, vakalingi vyuma vya vunyengwe vije vyazinda Shukulu Kalunga. Vakevo vakakombelela mu tuhya kuli vinjambi vavo nameme vana vavo va vanalume nambe vana vavo va vanakazi.

Kwituluka mu Mashiko 17:2

“Nga mukaziva mu nganda yeni imo munalume umo nambe munakazi umo nalingi cuma cacivi ku mesho a Shukulu Kalunga Njambi yeni, nakupokola cikumiiyo cendi,

Kwituluka mu Mashiko 18:10

Kesi mukakombelele vana veni va vanalume, nambe va vanakazi kupwa n̄ombelo embwe. Co vanu veni kesi vakapwe vaka-kutaa, nambe vakakulaele viyovo, nambe vakapwe valozi,

Kwituluka mu Mashiko 21:21

Co vanalume voshe va muje mu nganda vakamwashe mamanya nakumutsiya, co yeni mukatundisa vuvi vwa cifwa eci akati keni. Vanu voshe va mu Isalele vakaziva evi vivanalingi, co vakakala na lyova.

Kwituluka mu Mashiko 22:21

asinoni uje mumbanda vakamutwala ku cikolo ca njuvo ya ishe. Vanalume va muje mu nganda vakamwasheleko mamanya nakumutsiya, omwo ikeye nalingi cuma cacivi manene ca shwamwa akati ka vanu va Isalele akulimona na munalume omo ikeye kanda ashomboke, ali ku njuvo ya ishe. Mu ngila eyi mukatundisa vuvi ovu mu Isalele.