VaLevi 2:3 - Livulu lya Shukulu Kalunga

³ Co vije vikasalao ku mulambu ou wa vimbuto vya vinona vikapwa vya vaka-kukombelela, vikapwa vyakujela, omwo vikevyo vanavitundisa ku vyakulya vije vanalambula kuli Shukulu Kalunga.

VaLevi 2:3 Iomraidhean Croise

Ezela 2:63

Co nguvulu wa vaYunda wavalekele ngeci kuvasa kulya vyakulya vije vivanakombelela kuli Njambi, kuvanga kupwe muka-kukombelela uje asa kupangesa Ulime na Tumime.

Kutuuka 29:37

Linga eci a litangwa na litangwa a matangwa atanu na avali mukwambesa mutula, nakuujelesa, asinoni ukapwa wakujela, co nga munu umo nambe cuma cimo cikambolako cikavulumuka a nzili yakujela kwawo.

Ezekiyele 44:29

Milambu ya vimbuto vya vinona, na milambu ya a vuvi, na milambu yakuliilwisila vikapwa vyakulya vya vaka-kukombelela, co vakatambula vyuma vyoshe mu Isalele vije vivanakundika vyoshe kuli yange.

Ezekiyele 46:20

co wendekele ngwendi, “Ou ukewo mwela uje vaka-kukombelela vakatelekela situ ya vin̄ombelo vya a vuvi na milambu yakuliilwisila, nakwoca milambu ya vunga vwa tiliku, ngeci kesi vakatuule anja ya cipango ca mbanja cuma cimo cakujela, kutewa cikavulumuna vanu.”

VaLevi 10:15

Co lindi, na n̄undo vakavitwale amo na mazi kupwa mulambu wa vyakulya kuli Shukulu Kalunga. Evi vikapwe vyove, na vana vove va vanalume kupwa mutambela weni wa ku myaka yoshe, ngwe muje mwashikile Shukulu Kalunga.”

VaLevi 14:13

Co akatsiile uje muna manga ku mutambela wakujela kuje vakatsiila vimuna va vin̄ombelo vya a vuvi, na vin̄ombelo vya kwenyeka, napande kulinga eci omwo n̄ombelo ya kuliilwisila inalifu na n̄ombelo ya a vuvi, evi vyapwa vya muka-kukombelela. Vyapwa vyakujela.

VaLevi 2:10

Co vije vikasalao ku mulambu ou vikapwa vya vaka-kukombelela, vikapwa vyakujela, omwo vanavitundisa ku vyakulya vije vanakombelela kuli Shukulu Kalunga.

VaLevi 21:22

Munu wa cifwa cangacije asa kulya vyakulya vivanakombelela kuli yange, n̄ombelo ya vyakulya vyakujela, na n̄ombelo ya vyakulya vyakujela manene.

VaLevi 5:13

Co mu ngila eyi muka-kukombelela akaambesa uje munu ku vuvi vwendi, co vakamusambesa. Vuje vunga vunasalao vukapwa vwa muka-kukombelela, ngwe mulambu wa vimbuto vya vinona.”

VaLevi 6:26

Co muka-kukombelela uje akakombelela cimuna, ikeye akamulile ku mwela wakujela, mu cipango ca Mbalaka Mwakuliwanena.

VaLevi 6:9

“Leka Alone na vana vendi mashiko awa a milambu ya kwenyeka. Mulambu wa kwenyeka unapande kusala a mutula vutsiki vwoshe, co na tuhya kesi tuzime.

VaLevi 7:7

Kuli lishiko limo lilinakupanga kwoshe kuvali, ku mulambu wa a vuvi, na ku mulambu wa kuliilwisila, situ inapu ya uje muka-kukombelela uje alinakulambula mulambu wa kwambesa.

VaLevi 7:9

Mulambu woshe wa vimbuto vya vinona uje vanoco, nambe uje vanateleka mu ndeo, nambe a cikango unapu wa muka-kukombelela, uje naukombelela kuli Njambi.

Kulava 18:9

Ku vin̄ombelo vyakujela manene, vije kesi vyakwenyekela a mutula, vyoshe evi vyakundama kuli yeni, ngeci mwa n̄ombelo ya vimbuto, na n̄ombelo ya a vuvi, na n̄ombelo yakuliilwisila. Vyuma vyoshe vije vivakundika kuli yange kupwa vyakujela manene, vinapu vyove na vana vove.

1 Samwele 2:28

Co ku miyati yoshe ya Isalele njaangwileko naanga yendi kupwa vaka-kukombelela vange, kupanga ku mutula nakwenyeka insense, nakuzala kangamuna ku mesho ange. Co njavanene moko yakunyunga mutambela wa vin̄ombelo vya kwenyeka a mutula.