VaLevi 19:33 - Livulu lya Shukulu Kalunga

³³ “Kesi mukayandese vaka-kwija vaje valinakukala mu lifuti lyeni.

VaLevi 19:33 Iomraidhean Croise

Kutuuka 22:20

“Munu woshe uje akombelela ku vinjambi veka vanapande kumutsiya, oloni vakombelele lika kuli yange Kalunga.

Kutuuka 22:21

“Kesi mupangese mwamuvi nambe kuyandesa muka-kwija embwe, omwo neni lalo anukeni ngweni mwapwile vaka-kwija mu Ingito.

Kutuuka 23:9

“Kesi mupangese muka-kwija mwamuvi, mwazivuka vati muka-kwija akalizivi mu mbunge yendi, omwo neni mwapwile vaka-kwija mu Ingito.

Njelemiya 7:6

Kesi muyandese vangenzi, na visiwa, na vifwile. Kesi mutsiye vanu vakujeneka mulonga mu lifuti lino. Kesi mulemese vinjambi veka vakaminyongesa.

Ezekiyele 22:29

Vaka-kufuka valinakukwisa nakwiva. Co vayandesa tuutu nakunyanyamena vaka-kwija.

Ezekiyele 22:7

Naumo wai ali muno mu nganda alinakusingimika visemi vendi. Mulinakukwisa vaka-kwija nakuyandesa vifwile na visiwa.

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Kwituluka mu Mashiko 24:14

“Kesi mukanyanyamene kautu, na ngamba wa uje mwakumwine, nambe mukweni kaIsalele, nambe muka-kwija uje ali mu nganda yeni.

Kwituluka mu Mashiko 24:17

“Kesi mukaengese n̄anda ya vaka-kwija nambe ya visiwa, nambe kwambata cikoveyo ca fwile kupwa cishimbikiya embwe.

Kwituluka mu Mashiko 24:18

Oloni anukeni ngweni neni mwapwile mu vindungo mu Ingito, co Shukulu Kalunga Njambi yeni wamikulile. Ngeci njinamyana lishiko eli.

Kwituluka mu Mashiko 27:19

“ ‘Cisingo ca Njambi cikale ali munu woshe uje ahengesa vin̄anda vya vaka-kwija, na visiwa, na vifwile.’ “Co vanu voshe vakakumbulula ngwavo, ‘Ewa!’