VaLevi 19:27 - Livulu lya Shukulu Kalunga

²⁷ Kesi mukaliteule vin̄ambu vya kumikulo ya mitwe yeni, nambe kuviisa minjezi yeni omo muli mu vusiwa.

VaLevi 19:27 Iomraidhean Croise

1 Mizimbu 19:4

Ngecivene, Hanune wakwatele vaje miluwa va Ndaviti, wavatewile minjezi yavo, co watavozwele vuzalo vwavo kuvupwisa a vinyonga, co wavashekele.

Isaya 15:2

Vanu va ku Ndimboni vanalamata a lilundu kukalilila ku tuzangu twavo. Vanu va ku Mowavi valilila vinganda vya Nembo na Mendeva, vanateula mitwe yavo na minjezi yavo mukumwesa kuviilila kwavo.

Njelemiya 16:6

Vaka-kufuka na tuutu vakatsila mu lifuti eli, oloni naumo wai akavatsinda nambe kuvalila. Naumo wai akalitavozola ikeye vavenya nambe kuteula vin̄ambu vyendi mukumwesa vusiwa.

Njelemiya 41:5

vanalume makumi atanu na atatu vetele kutunda ku Shekeme, na ku Shilo, na ku Samaliya. Vatewile minjezi yavo, nakutavozola vuzalo vwavo, nakulilengozola a mivila yavo. Vezile na vimbuto vya vinona, na insense vyakukombelela mu Njuvo ya Shukulu Kalunga.

Njelemiya 48:37

Voshe vanateula mitwe yavo nakukamba minjezi yavo. Voshe vanalilengula vimbandu a mavoko avo, co munu woshe nazala cikeleya.

Njelemiya 9:25

Shukulu Kalunga alinakwendeka ngwendi, “Matangwa alinakwija omo njikanyanyamesa voshe vaje vanatuuka lika ku situ, oloni kesi ku mbunge,

Ezekiyele 44:20

“Vaka-kukombelela kuvapandele kuteula ku mitwe yavo, nambe kwecelela vin̄ambu vyavo kupwa vyavilaja-laja embwe. Vanapande kuvinyunga mwamuvwa ngeci vipwemo ku vulaja na vwihi.

Ezekiyele 7:18

Vakazala vikeleya, co mivila yoshe ikajaja. Mitwe yavo ikapwa yakuteula, co voshe vakaziva shwamwa.

VaLevi 19:28

Kesi mukalicate vinyato a mivila yeni, nambe kulilengozola mwamuvi a mivila yeni omo mulinakulila vatsi. Yange njapwa Kalunga.

VaLevi 21:5

“Vaka-kukombelela kuvapandele kuteula ku mitwe yavo, nambe kukamba minjezi yavo, nambe kucata vinyato a mivila yavo kumwesa ngeci vali mu vusiwa embwe.

Kwituluka mu Mashiko 14:1

“Yeni munapu mu vanu va Shukulu Kalunga Njambi yeni. Ngecivene, omo mukalila a kutsa, kesi mukalicate a mivila yeni nambe kuteula vin̄ambu vya kumukulo wa maholo eni embwe, ngwe muvakalingi vanu vamo.