VaLevi 19:26 - Livulu lya Shukulu Kalunga

²⁶ “Kesi mukalye situ na maninga ayo. Kesi mukaye ku vaka-kutaa nambe vaka-manseno.

VaLevi 19:26 Iomraidhean Croise

Kushangumuka 44:5

Omwo vikajo munevila nganja ya shukulu yange ya siliva? Ikeyo yakanwila, ikeyo lalo yakataesa omo ashaka kuzivuka vika vilinakwija. Yeni munavulumuna mulonga wakama manene!’ ”

Kushangumuka 9:4

Oloni kumwapandele kulya situ na maninga ayo, omwo mwonyo wayo uli mu maninga.

2 Vimyene 17:17

Vakombelelele vana vavo va vanalume na ava va vanakazi kupwa vin̄ombelo vyakwenyekela ku vinjambi va vaka-kujeneka kukulaela, co vakele nakwihula kuli vaka-kwendeka na vakulu na kuli vaka-kulukiya, valikundikile vakevo vavenya nakulinga vije vya vunyengwe ku mesho a Shukulu Kalunga, co vashangumwine vukalu vwendi.

2 Vimyene 21:6

Ikeye wakombelelele munendi wa munalume kupwa n̄ombelo ya kwenyeka. Co wataele vingombo na manseno nakwihula vaka-kulukiya na vaje vaka-kwendeka na vakulu. Ngecivene, walingile vuvi vwakama manene ku mesho a Shukulu Kalunga, co washangumwine vukalu vwendi.

2 Mizimbu 33:6

Ikeye wakombelelele vana vendi va vanalume mu Cana ca Hinome kupwa n̄ombelo ya kwenyeka. Co wataele vingombo na manseno nakwihula vaka-kulukiya na vaje vaka-kwendeka na vakulu. Ngecivene, walingile vuvi vwakama manene ku mesho a Shukulu Kalunga, co washangumwine vukalu vwendi.

Kutuuka 7:11

Asinoni mwene wasanene vanu vendi vaka-mana na vaka-manseno, na vimbanda va mu Ingito, valingile muje vene na manseno avo.

Kutuuka 8:7

Oloni na vaka-manseno vapangesele manseno avo, co na vakevo lalo vatuwisile mambotwe mu lifuti lya Ingito.

Njelemiya 10:2

Shukulu Kalunga alinakwendeka ngwendi, “Kesi mukavangeye vingila vya miyati ya vanu veka, co kesi mujujuke a vizivukiso mumona mwilu, nameme miyati yeka vajaja.

Ndanyele 2:10

Co vaje vaka-kunangula vendekele ngwavo, “Kukwesi munu umo ano asi uje asa kukuleka yove shukulu vije viwushaka kuzivuka. Kukwesi mwene nambe muka-vulemu wa nzili yakama walombele cuma cangacije kuli vaka-kutaa vendi, na vaka-manseno, na valozi.

VaLevi 19:25

Oloni mu mwaka wamucitanu mukasa kulya ku vushuka ovu. Nga mulinga vyoshe evi, co miti yeni ikema vushuka vwavungi. Yange Kalunga njapwa Njambi yeni.

VaLevi 3:17

Kukwesi kaIsalele akalya mazi nambe maninga, eli likelyo lishiko limukanyunga ku myaka yoshe kuli vaIsalele voshe ku visemwa vyeni vyoshe vya kulutwe kwoshe kuje kumukakala.”

VaLevi 7:26

Mukuyoya kwavo kwoshe, vaIsalele kuvapandele kulya maninga a tuzila, nambe a vimuna mu vyakulya vyavo embwe.

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Vilinga vya Miluwa 15:20

Oloni tunapande kuvasonekela mukanda wakuvaleka ngwetu kesi valye vyakulya vyakujeneka kujela omwo vanavikombelela ku tumponya nakulitenga ku vupangala, co lalo kesi valye kasitu wakutikinya nameme kulya maninga.

Kwituluka mu Mashiko 12:16

Oloni kesi mukalye maninga avo embwe, munapande kuwetila asi ngwe mumuketila mema.

Kwituluka mu Mashiko 12:23

Oloni kesi mukalye situ na maninga ayo, omwo mwonyo wakala mu maninga, co yeni kumwapandele kulila kumo mwonyo na situ.

Kwituluka mu Mashiko 15:23

Oloni kesi mukalye maninga avo, mukawetile asi ngwe mumuketila mema.

1 Samwele 14:32

Co vashatukilile ku vije vapukwile kuli vitozi, vambatele vimanga, na vingombe, vavatsiilile aje vene, co valile situ na maninga ayo.

1 Samwele 14:33

Saulu vamulekele ngwavo “Kenga, vanu vove vanalingi vuvi ku mesho a Shukulu Kalunga akulya situ na maninga ayo.” Saulu watambekele ngwendi, “Eni vaka-vungungu! Andumwineni limanya olyo lyakama kuno kuli yange.”

1 Samwele 15:23

Kumutengulukila kunapu ngwe vulozi, co kulyalesa kunapu ngwe vuvi vwakulemesa vinjambi veka. Omwo unavyana lishiko lya Shukulu Kalunga, co nendi lalo nakuvyana kupwa mwene wa mu Isalele.”